⁃ كتابـة : اسراء .
نا : منن
نرمين : انتي نور
نا : لاا غالطة ( وسكرت بعدها اذكرت نرمين ) ييييي اخت صابره ( و رديت رنيت عليها )
نرمين : الو
نا : نسيت راه سكرت على وجك
نرمين : لاا عادي مفيش مشكلة تعالي توا تلقيني في الانتظار
نا : ايسما انتظار
نرمين : انتي وين توا
نا : نبيدي توا عند الباب الوراني
نرمين : باب وراني😳
نا : يلي لورا
نرمين : تعالي خشي توا تلقيني قدامك
( المهم تميت انكر في شنطتي ثقيلة و لقيت وحده طويلة و لابسة قونة اقصيرة و طالقة شعرها و بلوزة اتراجي في عند الباب جتني )
نرمين : انتي نور
نا : اها نبيدي
نرمين : نحسابكش هكي طلعتي تهبلي بس تبيلك شوي تعديلات في اللبس
نا : وانتي منن يا حنه عشان تقولي تعديلات ما تعديلات😒
نرمين : انا نرمين اخت نسرين
نا : الخبر ايش منن نسرين😳
نرمين : ( تضحك ) قصة طويلة هيا تعالي ننهيلك الاجراءات و نمشو للشقتي و نحكيلك
نا : هيا يايام
نرمين : ( بحتت فيا و تضحك )
( المهم مشيت مع نرمين وركبنا كرهبا كبيرة اتسهف فيها عصائر و خبر شين جوا تقول حوش مش كرهبا بكل ، المهم وصلنا للشقة نرمين عمارة طول في عرض و تسهف ، وقفت احذا العمارة و نبحت فوق )
نا : واووو هضا كله
نرمين : ( تضحك ) انتي مزلتي ما شفتي شي
نا : يستر الله
نرمين : هيا خشي تعالي
( و نحن خشين يجي واحد " النادل " يقعد يكر في الشنطة نا نحسبه سراق تميت ننهب و سحلت سباط النيلو ونضرب فيه )
نا : حود يا تيس يا سراق الشناطي
النادل : ( يعيط و يحكي في حجات غريبة )
نرمين : ( بحتت وراها لقتني مقمعزة عليه و نشلط في الراجل جت تجري ) لااا لاا يا نور سيبي الراجل مش هكي هضا يساعد
نا : ( صبيت و نحك في شعري ) صاححح😅
نرمين : ( تصبي في الراجل ) sorry 😐
( وخذا الراجل الشناطي و شالهن فوق و خذتني نرمين و مشيت معاها فوق و خشينا الشقة تهبل خبر شين اول مره نحق هالخبر طولات و صالونات يفجعن )
نا : هضا ايسماااااا😳
نرمين : ( تضحك ) هذي شقتي 😅
نا : راجلك وين
نرمين : لاا انا سنقل
نا : ايسماا
نرمين : يعني مش متزوجة
نا : ايهااا
نرمين : المهم خشي هدي دارك و غيري ملابسك و تريحي اكيد تعبانة منن السفر
نا : صدقتي و هي قتلك انريد نسبح
نرمين : داخل الدار في حمام و خوذي راحتك انا هننزل نجيب شوية اكل و نجي
نا : جيبيلي معاك لبن
نرمين : حاضر😂
( المهم عدت المزقودة نرمين هذي و قعدت ابروحي سلحت ادبشي و خشيت نبي نسبح ملقيتش سطل انعبي فيه الميه مشيت خشيت للكوجينة لقيت طنجرة عبيتها اميه و حطيتها عالغاز نبيها تسخن عشان نسبح بيها و تميت اندور في صابون قالب ملقيتش خشيت للدار نرمين و تميت اندور لقيت صابون قالب و خشيت للحمام و خذيت معاي الطنجرة و خذيت معاي كباية اميه و تميت نغني محارب كفه و نسبح )
نا : محححارب كفهه محححارب كفهه هقرب جاي لااا لااا ايديكم ياااا💃🏻
( وبعدها طلعت مشيت فتحت الشنطة يلي عطتها لي صابرة القيت فلوس و دبش و خبر شين المهم خذيت مالية و سروال توته الله غالب ملقيتش جلبية و مشيت للبلكوني فتحته و تميت نمشط في شعري و انفلي فيه عالشمس المهم بعدها خشيت رقدت ما عد جبت عالدنيا علم )
يتبع...
