⁃ كتابـة : اسراء .
( و حكيت للصابرة كل حاجة و قعدت اسبوع انرن على ناصر ميردش قعدت 5 ايام لاا يكلم في ولاا شي )
الساعة 8:00
امي : مقبولة عدي طلعي شكاير الكناسة
نا : باهي هيا ( طلعت انطلع في شكاير الكناسة و نلقى ناصر قدام الباب ايدخن بحتت فيه مبحتش في و اضيق و خش سكر الباب على وجي )
( نا قلت في حاجة مش تمام لابست محرمة الصلاة و مشيت للـ عمتي زمزم )
زمزم : منن
نا : مقبولة حلي
زمزم : ( بصوت واطي ) يييي ايش جيبها هذي ( و حلت الباب )خشي😒
نا : ( خشيت ) شخبارك يا عمتي زمزم
زمزم : كويسه
نا : ( خشيت قعدت في الصالة ) شخبار سارة
زمزم : قاعده يا حنه اتقول ايششش حامل و جوها تمام😏
نا : ( بحتت فيها و شهقت ) حاامل😨
زمزم : اها حامل عليشش كنك😒
نا : لااشي استغربت بس ( و بعدها اذكرت ليش ناصر قالب علي و ميردش )
زمزم : اقعدي للغداء
نا : لالا مع السلامة ( و طلعت و مش مصدقة و راسي يبرم )
امي : كنك يا بت
نا : مكني لاا ش نبي نرقد
امي : وخشي ارقدي
في حوش عيت ناصر :
زمزم : يسألك اي حد قولي حامل حتى ناصر علمها انك حامل
سارة : تمام عمتي بس انا مافي حمل☹️
زمزم : سكري فمك اكذبي متعرفيش يعني
سارة : تمام تمام
زمزم : اهم شي تبعد هالخرا مقبولة عن ناصر منريدهش نبيدي
سارة : تمام
( و يخش ناصر )
زمزم : تعالي تعالي يا سويرة اقعدي يايام راك حامل متعبيش روحك ( و تبحت في ناصر )
ناصر : اوووف ( و خش الدار و سكر الباب )
( قعدت في مرقدي في الليل و انرن علي ناصر و يرد علي )
نا : اخيراً رديت كنك يا ناصر متغير علي نا نبيك و مستحيل انسيبك ارحم بيك رد علي
( وترد علي زمزم )
زمزم : عارفه يا ساقطة يا فاشلة كان ما تخاطي ناصر يومك اسود انود على راسك يا حقيرة 😡
نا : ( خفت و سكرت )
( وعيت ثاني يوم و جتنا صابرة )
نا : ايش حالك يا صابرة خشي
صابرة : يخش الخير مغير جاية ننشد ايش صار معاك
نا : طلعت حامل وليته☹️
صابرة : عطها ما ايطشها يالله يامولي
نا : صابرة نبي ناصر نبيدي نبيه
صابرة : خلاص يا بت اسمعي اليوم تلبسي عباتك و تمشي معاي عند سحاره نسحروه و نخلوه ايطلقها ايش رايك
نا : االلا ارحم بيك فكيني
صابرة : فكري فيها بس و توا نجيك في العصر و انتفاهمو مع السلامة
يتبع...
