⁃ كتابـة : اسراء .
( و في النجع )
امي : ينعلي البت راحت ينعلي يا فضحتنا في النجع😭
حليمة : ما قتلك يا عمتي ربيها هالبت الفاشلة
صقر : والله نقتلها و الله يومها اسود
( الباب يطق )
حليمة : نمشي نحل نا ( و صبت اتحل في الباب ) منن منن
زمزم : حلي نبيدي زمزم
حليمة : ( حلت ) خير يا عمتي زمزم خشي
زمزم : رجعة وين
حليمة : جوا خشيلها
زمزم : ( خشت ) يا رجعه كنه حسكم عالي
امي: ينعلي يا زمزم البت اهربت بنتي اهربت 😭
زمزم : اي بنت بسم الله😳
امي : في غيرها مقبولة يا زمزم
زمزم : ينعلي مقبولة تهرب 😨
امي : يا فضحتنا يا زمزم انفضحنا
زمزم : و وين اهربت و مع منن
حليمة : ( حكتلها القصة كلها )
زمزم : ينعلي مقبولة تسحر معقولة
حليمة : وحق الله كي ما نحكيلك عند السحاره يلي عالطريق
زمزم : ينعلاااي ربي يهون عليكم
امي : ان شاء يارب😭
زمزم : مع السلامة نبيدي مسيبة الطنجرة عالغاز
امي : مع السلامة
( مشت زمزم تجري و حكتها للـ ناصر )
ناصر : معقولة ؟؟
زمزم : وحق الله كيف ما نحكيلك قالو كبسوها تسحر
ناصر : لالا اكيد في غلط مستحيل مقبولة تسحر مقبولة طيبة يامي
زمزم : مدرعنها هضا ما قالو
ناصر : يستر الله
صقر : لازم ما نمشي نجيب البت هذ
امي : لاا يا صقر اسعا اترد مقبولة عرفته ترايف علي
صقر : هذي فاشلة و لازم تقنتل
حليمة : يا صقر حقيت معاها صابره
صقر : صابرهه ؟؟
حليمة : اها يلي ديما تجي ادللة هذ
صقر : تعرفي حوشها
حليمة : اها نعرفه
صقر : هيا صبي
امي : وين مشين
صقر : توا نجو يمي خلك قاعده هن و توا تجيك اسقاوة تونسك
امي : مربوحة
( و يعدي صقر و حليمة للصابرة و يقعدو يطقو في الباب و تفتح صابرة )
صابرة : ها خير كنكم كسرتو علي الباب
حليمة : مقبولة وين يا صابرة🙂
صابرة : ويش عرفني نبيدي
صقر : ( طلع البندقه ) قتلك مقبولة وين نا
صابرة : ( خافت ) منيش عارفه
صقر : ( ضرب طلقة في الجو ) وراس امي كان متقولي مقبولة وين ثاني طلقة اتجي في راسك
صابره : تهدد في والا ايش
صقر : ( حط البندقة على راس صابرة ) واحد
صابرة : حود البندقه راه نلم عليك الناس
صقر : اثنين
صابرة : ( حودت البندقه بيدها ) خلاص خلاص توا نقول
صقر : هاا قولي
صابرة : نعطيكم العنوان و عدو بروحكم و راهي في كندا
صقر : هتمشي معانا انتي و غصباً عن يلي جابوك
( و حليمة تمت اتكر في صابرة و خذوها للحوش و ثاني يوم عدت معاهم للكندا و وصلو للـ شقة نرمين و يرنو في الباب )
حليمة : كنهم ميفتحوش
صابرة : بلكي ميسمعوش
صقر : ( تما يطق بالقوة ) مقبولة
( مبش يفتحو كسر الباب و خش يدور ملقش حد ، جا مسك صابرة منن عند شعرها و تما يقوللها وين مقبولة قالت مش عارفه )
صقر : قتلك وين نا
حليمة : خوذ منها النقال
صقر : طلعي النقال
صابرة : ( طلعته ) اهو اهوو
صقر : رني علي مقبولة
صابرة : ( ترن ، ردت مقبولة ) الوو
مقبولة : صابره ايش صار طمنيني عدا صقر ارحم بيك فكيني منه ( و تبكي )
صابرة : مقبىولة اهربي اهربي
صقر : ( ياخذ التلفون مـن صابرة و يزقها اطيح ) الووو الووو
مقبولة : ( سكرت التلفون )
يتبع...
