قسوة العشق

الفصل الثالث

الفصل الثالث
بارك الله لكم و بارك عليكم و جمع بينكم في خير قالها المأذون معلنا عن زواج خالد و فريدة
سوسن:
مبروك يا فريدة مبروك يا خالد
خالد: الله يبارك فيكي يا ماما
ليان: مبروك يا فرفورتي
ندي: مبروك يا فري عقبال الليلة الكبيرة
فريدة: الله يبارك فيكوا
خالد: مبروك يا فريدتي
فريدة بكسوف: الله يبارك فيه يا خالد
خالد: مكسوفة من ايه انا جوزك
فريدة: انت كدا بتكسفني اكتر على فكرة
خالد: ايه رايك نخرج نتعشا برا انا و انتي
فريدة: انا موفقة بس شوف بابا
خالد: هروح اقوله هوا
ذهب خالد الي مدحت ليأخذ أذنه
ليان: ايه يا عروسة العريس سابك و راح فين
ندى بضحك: انا قولت البنت دي هتطلق تاني يوم اهي أطلقت تاني دقيقة
فريدة: بس يا ماما انتي وهي خالد راح يستأذن بابا نخرج نتعشا مع بعض ...... اهو جه اهو
خالد: يلا يا روحي
فريدة: يلا يا حبيبي.......نوصلكوا في سكتنا
ندي: لا روحوا انتوا احنا هنروح لوحدنا
فريدة: طمنوني لما توصلوا
ليان: حاضر سلام
فريدة: سلام
***************
عند فريدة و خالد
خالد: ايه ده فريدة انت بتعيطي مالك في ايه
فريدة: زعلانة علشان خلاص هتسافر
خالد: مقدرش اسيبك في حد يسيب روحه
فريدة: يا سلام انا لو كنت روحك بجد مكنتش هتسافر و تسبني
خالد: انا بعمل ده علشانك علشان نبدا حيتنا كويس
فريدة: مش هدخل معاك في منافسة خصرانة هتأكلني ايه
خالد: ايه رايك بيتزا انا عارف انك بتحبيها
فريدة: يلا بينا
*************
في منزل ليان
تفتح الباب و تدخل الى المنزل حتى تجد والديها
عبدالحميد: تعالي يا بنتي عايز اتكلم معاكي
ليان: خير يا بابا في حاجة
عبدالحميد: انا سألت على محمد بس في الاول و في الاخر انتي الي هتتجوزي مش انا
ليان: خير يا بابا في ايه
عبدالحميد: هو من عيلة كبيرة و و والده راجل محترم و الناس كلها بتشكر فيه بس...
ليان: بس ايه يا بابا
عبدالحميد: يعني سمعت طراتيش كلام كدا ان هو مستهتر و مبيشلش المسؤلية
ليان: انا واثقة فيه أن هو هيتغير يا بابا
عبدالحميد: ده قرارك يا بنتي هتقدري تعيشي معاه
ليان: أيوة يا بابا
عبدالحميد: الي تشوفيه
**************
في منزل قصي
رن جرز الباب معلنا عن وصول ادم
تفتح جميلة الباب: اهلا يا ادم ازيك
ادم: ازيك يا صغننة
جميلة: انا مش صغيرة انا كبيرة على فكرة
ادم: مهما كبرتي هتفضلي الصغيرة بتعتنا
جميلة بعد أن تجمعت الدموع في عينيها: شكرا
ادم: ايه مالك
جميلة: مفيش اتفضل أبيه مستنيك
قصي: ادم انت واقف على الباب ليه اتفضل
بعد دخول ادم: شوفت انهاردة كتب كتاب فريدة
قصي: عرفت شوفت الصور
ادم: يلا نذاكر الامتحانات بعد شهر
قصي: يلا بينا
*************
في منزل ندى
ندى: ماما بابا انا جيت
مراد: مش هنا
ندى: راحوا فين
مراد: راحوا يتفسحوا علشان يقنعوني أن الجواز حاجة حلوة بعد ما ابوكي عكنن عليا
ندى: عكنن عليك ازاي
مراد بضحك: قالي هنفرح بيك امتى
ندى: انا الحمد لله لسة بدرس
مراد: فاضلك شهر و تخلصي و هتتسألي نفس السوأل
ندى: بعد الشر
مراد: لما نشوف
***************
في مصنع كامل
محمد: الو يا سمير
سمير: .........
محمد: لا شكلي مش هعرف اجيلكم
سمير: ........
محمد: ابويا يا سيدي مصمم اني انزل المصنع علشان ابقا قد السؤولية
سمير: ........
محمد: اه شوفت علشان لما اتجوز
سمير: .........
محمد: طب سلام بقا يا صحبي شوف هتعمل ايه
وضع محمد هاتفه على المكتب و دخل كامل
كامل بعصبية : انت بتعمل ايه هنا
محمد: مش انت الي قلت انزل المصنع
كامل: بتعمل ايه في مكتبي
محمد: ابن صاحب المصنع هيبقا فين يعني
كامل: انا لما قولت انزل المصنع كان قصدي تشتغل تحت مع العمال
محمد: ده ازاي انت عيزني اشتغل معاهم انا ماشي
كامل: استنى هنا استنا بقولك
***************
في منزل قصي تحديدا في غرفة جميلة
جميلة: هنا انا بحبه
هنا: بس هو مش ليكي ده بيعملك زي اخته
جميلة: مليش دعوة
هنا: انت مش هترتاحي غير لما يكسفك صح
جميلة: هنا لو عندك حاجة عدلة قوليها
هنا: انا صحبتك و خيفة على مصلحتك ده مش حب ده انبهار انت عجبك شخصيته القريبة من اخوكي بس
جميلة: هنا سلام و لم تنتظر الرد و قفلت الهاتف
هنا: ربنا يهديكي
***************
في مكان آخر تحديدا في غرفة قصي
قصي: فهمت كدا
ادم: متفهمش انا فاهم كل حاجة بس المدة دي بتحسسني بالفشل
قصي: لا كدا مينفعش لازم تثق في نفسك دي اخر سنة يعني تتخرج مش عايزين نعيد
ادم: يا عم قول انشاء الله
قصي: انشاء الله
ادم: اتكل انا بقا
قصي: ليه بدري كدا
ادم: لا بدري ايه كل ده بدري انا همشي انا
قصي: ماشي يا صاحبي
اوصل قصي ادم عند باب المنزل و قفل الباب بعد نزوله خرجت جميلة من غرفتها
جميلة: أبيه قصي اخضرلك تاكل
قصي: لا يا جميلة شكرا .....امال فين ماما
جميلة: دخلت نامت و قالتلي احضرلك انت و ادم
قصي: لا يا جميلة نامي انت انا هدخل انام
جميلة: تصبح على خير
قصي: و انتي من اهل الخير
***********
امام ملهى ليلي
سمير: ايه يا عم انت فين كل ده
محمد: ابويا يا سيدي هريني لازم تشيل المسؤولية علشان الجواز لما زهقت ....امال فين باقي العيال
سمير: جوة يلا ندخلهم
************