قسوة العشق

الفصل الثاني عشر

الفصل الثاني عشر
تيا: انتي متخلفة ازاي تدخلي كدا انا فعلا مش عارفة الاشكل الي زيك بيشتغلوا هنا ازاي
ليان: انا مسمحش ب كدا و لو على الشغل مش عايزاه
تيا: و كمان بترد عليا
ليان بعصبية و بصوت مرتفع: انا لسة مردتش بس لو عيزاني ارد مفيش مانع
قصي: بااااس ف ايه
ثم تذهب الي مكتب قصي: اتفضل ده ورق لازم يتمضي و استقالتي هتكون عند حضرتك بكرا
ثم تذهب ليان الى مكتبها و تأخذ حقيبتها و تذهب الى الخارج لتقابل ادم
ادم: ايه مالك يا ليان بتجري كدا ليه
ليان و بعض الدموع في عينيها: مفيش حاجة انا كويسة
ادم: لا كويسة ايه تعالي احكيلي
ليان: فعلا مفيش حاجة
ادم: لا طبعا باين عليكي تيا ضيقتك صح
ليان: ايوة
ادم: خلاص متضيقيش هي كدا هنعمل ايه
ليان: هستقيل
ادم: لا طبعا ايه الي انتي بتعمليه ده انتي مش هتمشي
ليان بعياط: و مش هستنى هنا دقيقة وحدة معنديش استعداد الي حصل يحصل تاني
ادم: طب تعالي و احكيلي ال حصل
************
ايه الي انت عملتيه ده قالها قصي و الغضب يتطاير من عينيه
تيا ببرود: عملت ايه هي مش محترمة انت اصلا ازاي تسمحلها تدخل كدا عادي
قصي بعصبية: انتي ايه يا شيخة مبتزهقيش حرام عليكي بقا
تيا: انت بتزعقلي علشان دي ليه هي مين فينا الي خطبتك
قصي: مهما كان الي بيني و بينك ميدكيش الحق تزعقي كدا على الأقل احترامي وجودي لكن لا ازاي غرور تيا هانم ميسمحش ب كدا هتفضلي تعملي الناس كلها من فوق و انك ديما احسن منهم اتفضلي الدبلة اهي قالها و هو ينزع  الدبلة من إصبعه موضعا إياها على المكتب امام تيا ثم يترك الغرفة بأكملها متجه الي السيارة للبحث عن صغيرته نعم هو يعشقها حد الجنون هي لم تكن له بالماضي و لن تكون لغيره في الحاضر والمستقبل
**************
ادم: خلاص تمام كدا
ليان: احسن الحمد لله
ادم: طب مش هتقولي الي مضيقك
ليان: انا قولت لحضرتك تيا إنسانة مستفزة معرفش ليه كل ما تشوفني تعمل كدا
ادم:بتغير مثلا
ليان: تغير على ايه و انا مالي
ادم: تغير على قصي يمكن تكون حبته
ليان: انا مش فاهمة ازاى ممكن تكون حبته لو هي مش بتحبه توافق على الخطوبة ليه
ادم: المتوقع
ليان: مش فاهمة
ادم: مش مهم
ليان: ماشي
ادم: هي ندى مش ناوية تتخطب بقا
ليان: بتسأل ليه
ادم: بصراحة أنا مشدود ليها و كنت عايز اعرف لو مفيش حد اخد خطوة و اتقدم
ليان بأبتسامة: لا مفيش اطمن
ادم: بجد
ليان: اه والله بجد
ادم: انتي هتعملي ايه دلوقتي
ليان: انا اخدت قرار اني اقدم استقالتي
ادم: لا طبعا غلط ايه الي انتي بتقوليه ده
ليان: ده الي لازم يحصل علشان ابعد عن تيا
ادم: ايه رايك تتنقلي يعني شغلك يبقا معايا انا مش مع قصي و بكدا هتبقي بعيد عن تيا
ليان: لا انا مش عيزة اشوفهم 
ادم: انتي بتحبي قصي
ليان بأرتباك: لا طبعا ايه الي انت بتقوله ده
ادم: الي بيحصل ده ملوش غير التفسير ده
ليان: انا لازم امشي و ربنا يحلها من عنده
****************
في مكان آخر تتحدث تيا مع والدها في الهاتف
تيا: الو يا بابي انت لازم ترجع
راشد: مش هعرف يا حبيبتي عندي شغل
تيا: و انا بقولك قصي رمالي الدبلة وقالي خلاص قصي سابني يا بابي يعني الشركة ضاعت
راشد: انا جيلك و هحاول احل الموضوع ده
تيا: اوك يا بابي
********
في سيارة قصي و بسرعته الجنونية ليلحق حبيبته نعم يحبها. يحبها مع الآلام التي تسببها مع كل وقت ترحل و تتركه نعم يعشقها أنه العشق الحقيقي الذي لا ينتهي مع الزمان
قصي: الو يا ادم
ادم: ايه مالك بتنهج كدا ليه
قصي: ليان مش لاقي ليان
ادم: و انت عايزها ليه
قصي: ادم انا مش ناقص لما اشوفك ابقا احكيلك
ادم: ماشي
قصي: تعرف هي فين
ادم: كان معايا و حكتلي على الي حصل هي روحت بيتها دلوقتي
قصي: ماشي سلام
ليغلق قصي الخط و يفكر ماذا سيفعل
**************
يجلس والد مراد و والدته بجانب بعضهما ليسمعوا الي حديث مراد
مراد: ايوة هنروح نزورهم و لو حصل قبول نتجوز و انا الحمد لله عندي شقة و جهزة مش باقي غير العروسة
عماد: ربنا يقدم الي فيه الخير
دعاء: خلاص نويت تتجوز و تسبني
مراد: الله مش انتي الي عيزاني اتجوز و بعدين انا مش هتجوز بكرا يا ست الكل انا هفضل هنا حتى بعد الجواز هبقا معاكوا لحد ما تزهقوا مني
دعاء: يا بكاش بس تعرف دمك زي العسل يبخت العروسة بيك انت قولتلي اسمها ايه
مراد بهيام: اسمها جميلة و هي جميلة
عماد: شكل ابنك واقع لشوشته
دعاء: ربنا يسعده
عماد: طب ايه رايك ننزل نتمشى اهو نمشي رجلنا و نشم هوا
دعاء: لحظة وحدة البس و ننزل
لتذهب دعاء لرتداء ملابسها
مراد: رومانسي انت يا حج
عماد: بس يا ولد
مراد: انا مالي يا عم ربنا يسعدكوا و يطول في عمركوا
عماد: بكرا يا سيدي تتجوز و تبقا زينا. اسمع يا مراد أي زوجين لازم يبقى بنهم مشاكل و خناقات حتى انا و دعاء بس الفكرة انك تعرف تتصرف مع المشاكل دي و تحلها و تشركها معاك اوعى تستقل بيها حسسها انها اهم حد عندك   تعرف لو زعلت منك كلمة حلو هتخليها تنسى همومها و تنسى الزعل خليك معاها
دعاء: يلا يا عماد انا جهزة
عماد: جي اهو يلا سلام يا مراد
بعد ذهاب عماد و دعاء جلس مراد يفكر في حديث والده
**********
دخل حسين الى المنزل
ابتسام: اتأخرت كدا ليه
حسين: الشوارع زحمة جدا
ابتسام : احضرلك العشا
حسين: ماشي يا روحي انا ميت من الجوع
ابتسام: ماشي روح خد شاور لحد ما اخاص
حسين: ماشي يا روحي
بعد تناول حسين و ابتسام الطعام ساعد حسين ابتسام مثل كل يوم
ابتسام: بحبك اوي لما تسعدني
حسين: هو انا اقدر مسعدش روحي و قلبي و حياتي مالك احلويتي كدا ليه
ابتسام: احلويت ازاي و انا شبه الكورة الكفر كدا ده انا في نص الثامن
حسين: بردوا هتفضلي احلى وحدة شفتها و هتشوفها عنيا
ابتسام: خلاص بقا تعالى نتفرج على فيلم كوميدي و نعمل فشار و نشرب بيبسي بتلج كتيير و ناكل شيبسي
حسين: يا بنتي انتي لسة مخلصة اكل لحقتي تجوعي
ابتسام: الله انا مالي بقا دي بنتك
حسين: بنتي بردوا
ابتسام: ايوة طبعا بنتك يلا روح شوف فيلم على ما اعمل الفشار
حسين: ماشي يا ستي
******************
يدق هاتف ليان و اسم قصي يزين شاشت الهاتف
قصي: ردي بقا دي خامس مرة اتصل. لكن لا رد ليعيد الاتصال مرة أخرى
ليان: الو افندم حضرتك عايز حاجة
قصي: انا تحت بيتك انزلي عايز اتكلم معاكي
ليان: افندم حضرتك عايز ايه
قصي: انزلي و انا هفهمك كل حاجة
ليان: انا مش هنزل دلوقتي
قصي: الساعة 8 متخفيش مش هخطفك
تتردد ليان ثم تحسم الأمر و تهبط إلى الأسفل
ليان: عايز ايه
قصي: هنتكلم هنا تعالي اركبي العربية
ليان: افندم انا مش هركب مع حد
قصي: بقولك اركبي
تذهب ليان الي السيارة بتوتر
ذهب قصي الي ما على النيل
قصي: انزلي
ليان بعصبية: عايز ايه
قصي: بقولك انزلي
ذهبت ليان المكان لترى ماذا ينوي قصي
ليان: نعم عايزة ايه
قصي: انتي الي عيزة ايه
ليان: افندم
قصي: انتي عيزة مني ايه انا خلاص
ليان بدموع : خلاص ايه خلاص فقدت ثقتك في العالم ولا  الشخص الي حبيته طلع حيوان ولا الناس كلها بتبصلك بنظرة وحشة علشان مطلق انا خلاص مبقتش قدرة أي وجع تاني يا ريت تبعد انت و خطيبتك عني
قصي: انا سبت تيا
ليان: ابعدوا عني و بس
قصي: مش هينفع ابعد
ليان بصوت مرتفع نسبيا: لييه
قصي و بصوت مرتفع: علشان بحبك فهمة بحبك كل حاجة عملتيها و لسة بحبك بعتي عني و عمري ما نسيتك اتجوزتي غيري وبردوا بفكر فيكي خطبت وحدة تانيا علشان انساكي و لسة بحبك
ليان: ...........
**************
يا ترا ليان هتقول ايه
و ايه رد فعل قصي
تيا و راشد هيتصرفوا ازاي