قسوة العشق

الفصل السادس والعشرون و الاخير

الفصل السادس و العشرون
مرت الايام و قد تكون اشهر على ابطالنا
تجلس جميلة بجانب مراد في السيارة
مراد: بصراحة مش وقته تروحي لابتسام دلوقتي
جميلة: ليه
مراد: في حاجات كتير مفروض تتعمل علشان الفرح
جميلة: يا حبيبي انا عيزة اشوفها و اشوف البيبي و في نفس الوقت ابقا معاها علشان متبقاش لوحدها
مراد: خلاص احنا ريحين اهو متعيطيش
جميلة: أنا مش بعيط
مراد: انا بحب طفلة لا بجد انا بحب طفلة
جميلة: أيوة دي حقيقة هترجع في كلامك ولا ايه
مراد: لا ارجع ايه انا ما صدقت الفرح الشهر الجي قال ارجع قال
***************
تجلس ليان داخل مكتبها تتحدث مع صديقاتها على الهاتف
فريدة: انتوا بتعملوا ايه
ندى: انا فاضية دلوقتي مش بعمل حاجة
فريدة: و انتي يا ليو
ليان: انا بجهز شوية حاجات علشان معاد عرض الكولكشن الجديد بتاع الموسم
ندى: ربنا معاكي يا حبيبتي
ليان: و انتي يا فري اخبارك النونة ايه
فريدة: كويس و تعبني معاه
ندى: ربنا يقومك بالسلامة يا روحي
ليان: قصي حدد معاد الفرح مع بابا
ندى: بجد امتى
ليان: بعد شهرين
فريدة: الف مبروك
ندى: مبروك يا ليوووو
ليان: الله يبارك فيكوا يلا بقا انا لازم اقفل و اكمل شغلي
ندى: سلام
فريدة: سلام
***************
يجلس قصي على مكتبه و بجانبه صديقه ادم يتابعون عملهم في
ادم: انا مستنى اشوف الكولكشن ده على نار
قصي: اهدى و انت هتشوفه
ليدخل راشد إلى الغرفة بعد طرق الباب دون انتظار الرد
راشد: اتأخرتوا اوي هنشوف الكولكشن امتى
قصي: اتفضل اقعد كمان شوية كل حاجة هتبقى تمام
راشد: لما نشوف
***************
يستيقظ محمد من فراشه بالمشفى على نور الشرفة التي أزاحت الممرضة عنها الستائر
ليفتح عيناه على وجه ملائكي ملامح بريئة بشرة بيضاء و عيون كقطرات العسل و ابتسامة خلابة يطمأن قلب كل ما يشاهدها
ضحى: صحي النوم
محمد: انتي مين و سمير فين
ضحى: انا ضحى هبقا مسؤولة عنك بدل أستاذة علياء و صحبك الي كان هنا تقريبا نزل يجيب فطار
محمد: شكرا
ضحى: يلا فوق كدا علشان معاد الجلسة
محمد بعبوث: جلسة ايه انا مش شايف أي نتيجة
ضحى: خلي عندك ايمان بالله
محمد: و نعم بالله
ليدق الباب و يدخل سمير إلى الغرفة
سمير: معلش يا صحبي نزلت من غير ما اقولك بس مرضتش اصحيك
محمد: لا عادي ولا يهمك
ضحى: طب همشي انا و جهز نفسك للجلسة عن اذنكوا
سمير: مين القمر دي
محمد: سمير لم نفسك في ايه
سمير: خلاص يا عم متزعلش سكت اهو
محمد: وديت الأمانة
سمير: عيب عليك كله تمام
***************
طرقت ليان باب غرفة قصي و دخلت عند سماعها إذن الدخول
ليان: الميتنج روم جهزة علشان عرض الكولكشن
راشد: تمام يلا بينا
قصي: لا استنى شوية اتفضلي انتي يا ليان
ليان: عن إذن حضرتك
ثم خرجت من المكتب تحت نظرات ادم التي تدل على عدم الفهم
راشد: ايه في ايه
قصي: في حاجة مهمة لازم حضرتك تشوفها قبل الكولكشن
راشد: ايه الي ممكن يعطلنا عن حاجة مهمة زي متابعة الكولكشن الجديد
ليتجه قصي إلى مكتبه و يفتح أحد الادراج و يخرج منها CD
راشد: في ايه ال CD ده
قصي: كل حاجة هتبقى تمام
ثم يضع قصي ال CD داخل اللاب توب الخاص به ثم يضغط على بضع ازرار ليظهر له فيديو ل راشد مع باسل
تحت نظرات الزهول من ادم 
راشد: الفيديو ده مش حقيقي ده متفبرك
قصي: هي صورة علشان نقول فوتوشوب ولا صوت علشان نقول لاعبين في صوتك ده فيديو صوت و صورة ليك و تخيل بقا الفيديو ده لما يتشر اسهمك كلها هتقع في الارض و مفيش مستمر هيقبل يكمل معاك
راشد: و المطلوب
ذهب قصي نحو الهاتف ليطلب داليدا موظفة الريسبشن
قصي: داليدا ابعتيلي محمود المحامي من عندك
داليدا: تمام يا فندم
***************
دخلت ليان الى مكتبها لتجد صندوق صغير موضوع على المكتب ثم ذهبت اليه لترى ما فيه لتفتحه بعد قرأءت اسمها عليه لتتأكد أنه له لتجد بعض الأوراق بداخله يتضح أنها نتيجة تحاليل و رسالة مطوية فوقهم لتأخذ الرسالة و تقرأ ما بها
انا اسف اسف على كل حاجة اسف على اي اذى سببتهولك انا كدبت عليكي انت كويسة و معندكيش اي مرض يمنعك من الخلفى بس كان لازم اعمل كدا علشان تكرهيني عيشي حياتك و انبسطي و ادعيلي ادعيلى ابقا بخير انا عندي كنسر و الله اعلم ايه نتيجة المرض رجاء مني متبصيش وراكي كملى طريقك انا اسف
انتهت ليان من قراءة الرسالة و هي تبكي لماذا لم يخبرها كانت ستقف بجانبه لماذا لم يخبرها لتكون العون له
ليان: مسمحاك على كل حاجة مسمحاك
و قررت انها سوف تذهب للامام و تمشي في طريقها