قسوة العشق

الفصل الرابع و العشرون

الفصل الرابع و العشرون
دخل قصي الي مكتبه و جلس على مكتبه يتابع عمله ليجد CD و ينتابه الفضول ليعلم ما بداخله ثم يفتح اللاب توب الخاص به و يضع به ال CD ثم يرى ما صدمه راشد يجلس مع باسل بالمكتب و يتفق معه عليه ليجد رسالة بعد انتهاء الفيديو سوف انتظرك الساعة السادسة في ...........
لينظر قصي الي ساعة يده ليجد الساعة الخامسة و النص ثم يأخذ مفاتيح السيارة و يتجه الى المكان المكتوب ب اخر الفيديو أثناء خروجه التقى ب ادم
ادم: ايه رايح فين
قصي بأستعجال: هقولك بعدين لازم انزل دلوقتي
ادم: طيب تمام خلي بالك من نفسك
***************
وصل مراد امام منزل جميلة
مراد: وصلنا
جميلة: شكرا جدا
مراد: في وحدة تشكر خطيبها
جميلة: أيوة انا
مراد: طب انزلي يا لمضة ورايا شغل
جميلة: حاضر سلام
مراد: سلام
***************
وصل قصي إلى الكافيه ليجد باسل يجلس على طاولة في الكافيه ثم يشر له ليذهب قصي له
باسل: اتأخرت اوي كنت فكرك هتيجي بدري عن كدا
قصي: الي مش فهموا ايه مصلحتك
باسل: انا محدش يتطاول عليا ولا حتى يقدر ولي يعمل كدا بنسفه و اعتبر الفيديو ده عربون محبة
قصي: وانا ايه الي يضمنلي انه مش لعبة
باسل: مفيش ضمان الفيديو عندك و شوف انت هتعمل ايه احنا دلوقتي عدونا واحد
قصي: عدوك ازاي و هو الي سعدك
باسل: قولتلك مفيش حد يتطاول عليا ولي يعمل كدا انهيه و بصراحة مش بحب الخينين زي ما خانك هيخوني
قصي: هصدقك و نشوف
ليذهب قصي من الكافيه و يترق باسل جالس يحتسي القهوة الخاصة به بكل برود
***************
تجلس ليان تتابع عملها ثم يدق هاتفها لتجد رقم لا تعرفه و تتجاهله ثم يرن اكثر من مرة و في النهاية ترد عليه
ليان: الو
مجهول: وحشتيني
ليان: مين معايا
مجهول: لحقتي تنسي صوتي ولا انا صوتي اتغير
تغلق ليان المكالمة ويدق قلبها بشدة اثر هذه الصدمة ايعقل أن يكون هو ماذا يريد هل عاد ليكسرها من جديد
***************
يتحدث ادم مع ندى على الهاتف
ادم: لقيت شقة كويسة هننزل نشوفها و لو عجبتك نخدها
ندى: تمام هقول لبابا
ادم: اهم حاجة تبقا مريحاكي انتي هتكوني فيها اكتر
ندى: نعم هو انا مش هشتغل بعد الجواز
ادم: لا طبعا
ندى: ليه بقا انا عيزة اشتغل
ادم: انتي هتبقي مسؤولة مني
ندي: انت كدا بتمحي شخصيتي
ادم: ايه علاقت شخصيتك بالشغل
ندى: ليه علاقة كبيرة طبعا انا عايزة يبقا ليا كياني الخاص
ادم: و انا قولت لا
ندى: سلام يا ادم عندي شغل كتير
ثم اغلقت الخط
***************
دخل قصي مكتب ليان ليجدها جالسة غير مبالية بمن حولها
قصي: ليان ليان ليان
ليان:  نعم
قصي:ايه سرحانة في ايه
ليان: مفيش
قصي: متأكدا
ليان: أيوة
قصي: طب انا همشي جهزي نفسك علشان هوصلك
ليان: ماشي
***************
دخل حسين و هو يحمل صغيرته على كتفه الي بيته و يسند زوجته
حسين: مش كنتي قعدي شوية كمان في المستشفى
ابتسام: الدكتور كتبلي خروج اقعد ليه
حسين: علشان ترتاحي
ابتسام: ارتاح ولا علشان حضرتك تعرف تعكسلي في الممرضات دول حتى شكلهم يقرف
حسين: مفيش وحدة اجمل و احلى من ابتسمتي
ابتسام: كل بعقلي حلاوة
حسين: بحبك جدا يا اغلى حاجة في حياتي
ابتسام: و انا بموت فيك
حسين: يلا ارتاحي انتي و انا هروح اجهزلك الاكل
ابتسام: هتعرف
حسين: سيبيها على الله
ابتسام: انا خيفة
حسين: انشاء الله خير
***************
عاد خالد و فريدة من منزل عماد إلى منزلهم ليأخذوا حقائبهم
خالد: ايه يا فريدتي كله تمام
فريدة: أيوة يا خالد انا تمام
خالد: عيزة حاجة تانية
فريدة: لا يا روحي هكلم ليان و ندى
خالد: ماشي يا روحي
أخذت فريدة الهاتف و اتصلت ب ليان و ندى مكالمة جماعية ليردوا
ليان: عروستي الحلوة
ندى: عملا ايه يا عروستي يا عسل انتي
فريدة: يا سلام طب مبتسألوش ليه بقا
ندى: هنتصل ليه محبناش نزعجك
فريدة: انا هسافر اسبوع انا و خالد
ليان: تروحي و ترجعي بالسلامة يا قلبي
فريدة: ماشي
ليان: طب هقفل انا هكلمك يا فريدتي وقت تاني بس همشي
فريدة: تمام و انا كمان هروح اشوف خالد سلام
ندى: و مش هعمل ايه حاجة
ليان: سلام
***************
يتحدث راشد على الهاتف بعصبية
راشد: يعني ايه كل الي عملناه ضاع
مجهول: ...............
راشد: ازاي يعني الكولكشن اتغير
مجهول: ..............
راشد: طب غور
ثم قفل الخط بعصبية
تيا: في ايه يا بابي صوتك عالي
راشد: قصي كان عامل تصاميم تانية في السر ضحك علينا
تيا: ازاي
راشد: انا لازم اتصرف لازم
***************
يدق هاتف ندى لتأخذه دون النظر على المتصل
ندى: الو
ادم: انا تحت انزلي علشان اوصلك
ندى: لا شكرا بعرف اروح لوحدي
ادم: قولت انا تحت يلا اتفضلي
ندى: حاضر ثواني
بعد قليل هبطت ندى و سعدت إلى سيارة ادم دون التفوه بكلمة جلست بصمت تحرك ادم بالسيارة دون كلام هو الآخر حتى وصل إلي مكان على النيل ثم هبط من السيارة و خلفه ندى
ندى: انت وقفت هنا ليه انا عيزة اروح
ادم: ايه الي مزعل اميرتي
ندى: يا سلام اميرتك
ادم: طبعا اميرتي
ندى: اميرتك دي انت عايز تمحي شخصيتها
ادم: لا طبعا اميرتي دي ماسة غالية اوي اخاف حد يكسرها
ندى: بس اميرتك عيزة تثبت نفسها
ادم: اكتر من كدا و بعدين لو عيزة تشتغلي الشركة عندنا تحت امرك بس تبقي قدام عيني
ندى: بس ....
ادم: مبسش ها قولتي ليه
ندى: موفقة
ادم: أيوة شطورة
***************
أخذت ليان اشيائها و اتجهت إلى مكتب قصي
ليان: انا جهزة
قصي: تمام يلا بينا
و ذهبوا إلى السيارة و قادها قصي بصمت يفكر في ما سوف يحدث مع راشد و ليان تفكر في المجهول الذي يتصل بها وصل قصي امام منزل ليان
قصي: وصلنا
ليان: شكرا
قصي: قولتي ايه بخصوص الفرح
ليان: نتكلم في وقت تاني
قصي: ماشي اتفضلي
هبطت ليان من السيارة و دخلت الى المبنى و ذهب قصي من أمام البناية و عند دخول ليان سمعت صوت تعرفه
.........: ايه نسيتيني
التفتت ليان: انت بتعمل ايه هنا
***************
يا ترا قصي هيعمل ايه
ندى و ادم هيكملوا
مين المجهول