قسوة العشق

الفصل الثامن

الفصل الثامن
وحشتني جدا نفسي اشوفك بس تعرف انا زعلانة علشان مش معبرني انا ذهقت كل حاجة اختارها في الشقة لوحدي قالتها فريدة محدثة خالد على الهاتف
خالد: انا اسف يا حبيبتي بس والله الشغل انا قربت ارجع اهو و نعمل الفرح و تشوفيني كل يوم لحد ما تزهقي
فريدة: انا عمري ما هزهق منك ابدا
خالد: لما نشوف
و طالت المكالمة تحت ستار الليل و بريق النجوم
**********
ذهبت ندي الى منزلها لتجد أخاها شاردا
ندى: مراد فين بابا و ماما
مراد:...........
ندى: مراد ......مراد و أكملت ب صوت مرتفع نسبيا مرااد
مراد: ايه عيزة ايه
ندى: فين بابا و ماما
مراد: مش هنا في فرح بنت خالت بنت عمتك بصي هي قريبتنا و خلاص
ندى بضحك: لا حلوة دي و اكيد اقولك هنفرح بيك امتى
مراد بأبتسامة ساحرة: لا مهو انا تقريبا كدا ناوي افرحهم
جلست ندي بجوار مراد بلهفة: مين شفتها امتى اسمها ايه عرفتها امتى انا اعرفها قولي ساكت ليه
مراد: اهبطي و هحكيلك كل حاجة ليبدأ مراد في سرد القصة كنت ماشي بالعربية مش عارف طلعتلي منين بص لقتها قصادي مش هنكر طبعا انا نزلت من العربية امسح بكرمتها الارض بس...
ندى: بس ايه قول
مراد: بس دموعها وقفتني لو شوفتيها و هي بتعيط اتأسفت و وصلتها طبعا هي كانت رفضة و خيفة بس خافت مني ركبتها تاكسي و مشيت وراه لحد بيتها
تاني يوم لقيت نفسي في نفس المكان واقف مستنيها بس المرة دي وصلتها بالعفية
ندى: و عرفت منين أن هي بنت كويسة
مراد: عيب عليكي تقولي لي اخوكب الظابط كدا عيب عليكي
ندى: خلاص يا عم الظابط انا هروح اشوف حاجة اكلها تاكل معايا
مراد: استعدي
ندى: استعد ل ايه
مراد: لو ربنا تمم الموضوع ده على خير هتقعي في المصيدة كل من هب و دب هيقولك هنفرح بيكي امتى
ندى: و انت هتسبهم يقولوا كدا
مراد: لا طبعا هقول أولهم
ندى: كدا يا مراد طب مفيش اكل روح جهز لنفسك بقا
مراد:  لا انا بهزر يا نونتي هقف جنب اختي حبيبتي
ندى: أيوة كدا جيب ورا لتذهب الي المطبخ
***********
تجلس ليان بين عائلتها يتبادلون الأحاديث عن يومهم
سيرين: فعلا يا بابا كان يوم متعب اوي
ادهم: بس كله يهون وقت النتيجة لما تطلع و ادخل هندسة
نبيلة: يا رب يا حبيبي
عبد الحميد: و انتي يا ليان يومك كان عامل ايه
ليان: الحمد لله يا بابا ندى جت انهاردة تبركلي على الشغل و اتغدينا سوى
عبد الحميد: ماشي يا حبيبتي
ليان: انا هروح انام علشان اصحى بدري تصبحوا على خير
يردوا: و انتي من اهل الخير
لتذهب ليان في سبات عميق
**************
دخل حسين الي المنزل ليبحث عن ابتسام لكن لم يجدها خاف حسين و اصبح يبحث في كل المنزل دخل الى الغرفة وجدها على الأرض: ابتسام انتي كويسة
ابتسام: ايوة يا حبيبي
حسين بقلق: و ايه الي نيمك كدا و ليه مرضتيش عليا
ابتسام: مفيش اصل الخاتم وقع و محبتش تشوفني من غير خاتم جوزنا بس مش عارفة اجيبه اصل تالين كبرت و معذبة مامي معاها
ليضحك حسين على حبيبته: خلاص قومي و انا هجيبه
ليهبط حسين اسفل الفراش حتى يجد الخاتم و يعطيه الى صغيرته
اتفضلي الشيكولاتة اهي ل تالين هانم قالها حسين بمزاح
ابتسام متجها نحو التسريحة: لا منا اتصرفت خلاص لتلتقت شئ ما و تأكله
حسين: ايه ده اوعي يكون صح انتي بتكلي بصل عليه عسل اسود
ابتسام: أيوة طعمه حلو اوي دوق
تناول حسين من يدها: هاتي دي و متكليش القرف ده تاني انا جبت شيكولاتة اهو كليها
ابتسام: انا مالي دي بنتك الي عيزة تاكلها
حسين: خلاص يا حبيبتي انا هروح اخد دش
ابتسام: حضرلك العشا لحد ما تخلص
لتذهب ابتسام لتحضر العشاء ليلفت انتباها اوراق موضوعة على السفرة تذهب نحوها و امسكتها لتقرأ ما فيها لكنها عند روية ما فيها تسيح عاليا بتخوني يا حسين هنت عليك ده انا مراتك حبيبتك ام بنتك تخوني انا عمري ما هسمحك
سمع حسين صوت ابتسام ليخرج إليها مسرعا: في ايه ايه الي حصل
ابتسام: مين البنت دي هي دي بقا الي بتخوني معاها
حسين: طب اهدي و هقول كل حاجة
ابتسام: قول
ليقص لها حسين ما طلبه منه مراد
لتبتسم قائلة: يعني مراد ناوي يتجوز
حسين: أيوة شوفتي بقا انك ظلماني
ابتسام: انا آسفة يا روحي متزعلش مني
حسين: خلاص تعالي نروح نحضر العشا
ابتسام: يلا بينا
*************
يدخل قصي منزله منزل والدته كانت جميلة تجلس على الأريكة: أبيه قصي انت جيت
قصي: ايوة امال فين ماما
جميلة: ماما في المطبخ لحظة انديها
قصي: لا خليكي انا دخلها
دخل قصي الي المطبخ ليجد والدته تحضر الطعام
قصي: تسلم ايدك يا ست الكل
منال: تسلم يا حبيبي .....مش ناوي ترجع تاني تعيش معانا عجبك رميتك لوحدك دي
قصي: يا حبيبتي مش كدا البيت جنب الشركة تعالوا انتوا عيشوا معايا
منال: لا مسبش بيتي ابدا و بعدين انت انشاء الله هتتجوز نروح احنا بقا نعمل ايه
قصي: و ماله يا امي انتي عندي بالدنيا
منال: بردوا مش هسيب بيتي الي عشت فيه احلى ايام مع ابوك الله يرحمه
قصي: الله يرحمه
منال: يلا يروح حضر السفرة انت و اختك على ما احضر العشا
ليذهب قصي لتجهيز السفرة
عائلات مستقرة هل يكمل هذا ام سيتغير كل شئ
*************
هل ينتهي العشق مع الزمان
لا ينهي العشق ينتهي فقط إذا لم يكن عشق