قسوة العشق

الفصل الثالث و العشرون

الفصل الثالثة والعشرون
دخلت ليان دون الطرق على باب المكتب و تحمل مجلة في يديها لتجد قصي و ادم جالسين
ليان: في مصيبة
قصي: في ايه
ثم يلتقط ادم المجلة من يدها ليصدم هو الآخر بمشاهدة تصاميم صديقه تنسب لمصمم اخر و شركة أخرى
ادم: قصي التصاميم اتسرقت
قصي: ازاي وريني كدا
ليلتقط قصي هو الآخر المجلة و ينظر إليها
قصي: كنت حاسس اكيد راشد و بنته الي عملوا كدا مفيش غيرهم
ليان: طب احنا هنعمل ايه
ادم: معاد نزول الكولكشن خلاص قرب هنعمل ايه
قصي: تفتكر دي حاجة راحت من بالي انا عارف من أول لحظة بغدرهم علشان كدا اخدت احطياتي
ليان: مش فاهمة
قصي: التصاميم الي عرضتها عليكوا مش هي الي راحت المصنع
ليفتح قصي الاب توب الخاص به ثم يدخل الي ملف مغلق برقم سري و يريهم التصاميم الحقيقية
ادم: ازاي
قصي: التصاميم دي راحت على المصنع على طول و ميعرفش بالتصاميم دي غيري انا و مصممين الشركة و عمال المصنع
ادم: كان ممكن راشد يروح يطمن بنفسه
قصي: راشد عمره ما فكر يروح يزور المصنع ده حتى ميعرفش شكله ايه
ادم: طب هتعمل ايه فيهم
قصي: هتعرف كل حاجة في وقتها
ادم: متأكد مش محتاج مساعدة
قصي: لحد دلوقتي لا شيلك للحاجات الكبيرة
ليان: طب انا هروح اشوف شغلي عند اذنكوا
قصي: اتفضلي
***************
عند مراد المنتظر أسفل منزله جميلة و يتصل بها عدة مرات حتى ردت
جميلة: خلاص انا جهزت و نازلة
مراد: يلا بسرعة مستنيكي
جميلة: حاضر
لتغلق جميلة المكالمة و تذهب إليه ليأخذها لزيارة ابتسام و طفلتها
***************
تجلس ابتسام على السرير
و يجلس حسين على الكرسي بجوارها لتدخل الممرضة للاطمأنان عليها و على طفلتها
الممرضة: ايه اخبارك يا مدام
حسين: كويسة اوي
الممرضة: طيب و البيبي ايه اخبارها
حسين: كويسة من ساعت ما شفتك
الممرضة بضيق: عن اذنكوا الدكتور هيجي كمان شوية
بعد خروج الممرضة من الغرفة تنظر ابتسام ل حسين
ابتسام: ايه تحب اجبلك رقمها
حسين: هي مين
ابتسام: الممرضة الي من ساعت ما جت و انت بتستظرف ولا عملي اي اعتبار
حسين: و دي تيجي جنبك ايه يا عسل انت
ابتسام: حسين بطل طريقتك دي
ليدخل مراد و معه جميلة بعد طرق الباب
مراد: ايه مزعلك ليه
ابتسام: يرضيك يفضل يعاكس في الممرضة و انا قعدة
مراد بضحك: لا ملكش حق استنى لما تقوم
ابتسام: انت بتهزر يا مراد طبعا مهو صحبك
جميلة: حمدالله على سلامتك
ابتسام ب ابتسامة على وجها: الله يسلمك معلش بقا بوظتلك الخطوبة
جميلة: لا بوظتي ايه ما كل حاجة كانت زي الفل اهي اهم حاجة تقومي بالسلامة
تذهب جميلة الي سرير الاطفال بالغرفة لترى الطفلة كانت غايا في الجمال
جميلة: هتسموها ايه
ابتسام: تالين
جميلة: الله اسم حلو اوي ربنا يخليهلكوا
ابتسام: تسلمي يا حبيبتي
***************
في منزل خالد و فريدة
خالد: ايه يا فريدتي جهزتي الشنط
فريدة: بجهزها اهي
خالد: محتاجة اي مساعدة
فريدة: لا يا حبيبي شكرا  بس كان عندي طلب
خالد: ايه يا روحي
فريدة: عيزة اروح لبابا و ماما قبل ما اسافر مش هقدر اسافر من غير ما اشوفهم و كمان مش هقدر اكلمهم بس
خالد: من عنيا يا روحي بس ده اسبوع في الساحل
فريدة: طلاما معاك هيبقا احسن اسبوع في الدنيا
خالد: ربنا يقدرني يا حبيبتي و نسافر احسن مكان في الدنيا مع بعض
فريدة: و ربنا يباركلي فيك يا حبيبي
***************
تجلس داليدا موظفة الاستقبال على مكتبها ثم يأتي موظف من شركة شحن و يعطيها صندوك صغير مبعوث الى قصي تأخد داليدا الصندوق بعد الامضاء له و تذهب الى ليان تطرق الباب و عند سماع إذن الدخول تدخل الى المكتب
داليدا: ليان الصندوق ده جه لمستر قصي
ليان: و انا اعمل ايه
داليدا: تدخليه
ليان: لا كفايا البلاوي الي حصلت مليش دعوة
داليدا: يعني اعمل ايه
ليان: داخليه انتي
داليدا: هي مين السكرتيرة
ليان: انا
داليدا: يبقا مين الي يدخل
ليان: انت
داليدا: هدخله و امري لله بس لو قال حاجة زنبي في رقبتك
ليان: ماشي
داليدا: يا رب انا طيبة و غلبانة أقف معايا
ليان: انتي ريحة تحرري القدس
داليدا: انيل هو انشاء الله هيبقا هادي انشاء الله
لتأخذ الصندوق و تذهب الي مكتب قصي تطرق الباب و تنتظر إذن الدخول و عند سماعها له تدخل من باب المكتب
داليدا: الصندوق ده جه لحضرتك
قصي: مين الي جابه
داليدا: موظف في شركة الشحن
قصي: تمام اتفضلي
تعود داليدا الي مكتبها و يقوم قصي بفتح الصندوق ليجد CD و معه ورقة صغيرة مكتوب عليها( هدية صغيرة ) ليفتح قصي الاب توب الخاص به حتى يشاهد CD  ليسمع صوت مرتفع بالخارج ثم يغلق اللاب توب و يضع الCD في الدرج و يذهب حتى يرى ما هذا الصوت
في الخارج
يرفع راشد صوته على كل العمال بالشركة بحجة العمل ليأتي قصي
قصي: في ايه
راشد: اهلا وسهلا تعالى حضرتك شوف الموظفين محدش شايف شغله
قصي: بتهيئلي ده مش اختصاصك
راشد: افندم
قصي: زي ما بقولك كدا ده مش اختصاصك ده اختصاص ادم و هو هيشوف شغله اتفضل
راشد بحقد: هي بقا كدا تمام انا ماشي
قصي: متقطعش الزيارات
ليعود قصي الي مكتبه ليجد ليان تطرق الباب ثم تدخل
ليان: حضرتك عندك معاد في المصنع بعد نص ساعة
قصي: نسيت خالص
ليان: مفروض نتحرك دلوقتي هنشوف التصاميم و بعدين في ناس من الصحافة هتيجي تأخذ شوية صور للكولكشن الجديد علشان هينزل في عدد بكرا
قصي: تمام
ليلتقط سترته و يذهبوا سويا إلى المصنع
**********************
تجلس ندى في مكتبها تتابع عملها لتجد اتصال من ادم على هاتفها تلتقط الهاتف
ادم: ايه مش هتنزلي
ندى: انزل ليه
ادم: معاد الغدا
ندى: يا خبر انا نسيت خالص
ادم: طب يلا انا مستنيكي تحت
ندى: حاضر ثانية و هنزل
ادم: تمام مستنيكي
ندي: سلام
ادم: سلام
***************
في المستشفى
مراد: يلا كفايا كدا يا جميلة علشان الحق اروحك و اروح شغلي
ابتسام: طب استنوا شوية
جميلة: أيوة نصبر شوية مع النونة
مراد: لا لازم نمشي و وعد هخليكي تشوفيها تأتي
جميلة بحركة طفولية: حاضر
مراد: بتبقي عسل اوي و انتي بتسمعي الكلام
جميلة: شكرا
حسين: اجيب شجرة و اتنين لمون دي مستشفى محترمة
ابتسام: قول لنفسك
مراد: رد
حسين: ملكش دعوة انت يلا اتكل
مراد: ماشي سلام
ليخرج مراد و جميلة
***************
يدخل قصي و ليان إلى الشركة بعد غداء العمل ليتابع كلا منهم عمله
قصي: الغي اي حاجة بعد كدا انا احتمال امشي بدري النهاردة
ليان: تمام يا فندم
قصي: ايه يا فندم دي ليه بتنسي أن انا خطيبك
ليان: مش ناسية بس احنا في مكان شغل
قصي: ماشي بس انا قصي من غير فندم
ليان: تمام
قصي: يلاعلى مكتبك خلصي اي حاجة وراكي علشان هتمشي معايا
ليان: تمام عن اذنك
ثم تتجه ليان الى مكتبها و يتجه قصي الي مكتبه و يجلس على مكتبه يتابع عمله ليجد CD و ينتابه الفضول ليعلم ما بداخله ثم يفتح اللاب توب الخاص به و يضع به ال CD
قصي: ............
***************
يا ترا ال CD فيه ايه
و من مين
و قصي هيعمل ايه