قسوة العشق

الفصل الحادي والعشرين

الفصل الحادي و العشرين
اشرقت الشمس صباح يوم الجمعة يوم خطوبة جميلة و مراد
يتحدث مراد على الهاتف مع صديقه حسين
حسين: خلص الي وراك و انا هجيب ابتسام و اجي ازفك بنفسي
مراد: ما بلاش اسوق انا عربيتي و خلاص
حسين: لما انت تسوق هي هتقعد على الكنبة الي برة لوحدها
مراد: ما تقعد جنبي يا عم
حسين: و هي هتعرف تتحرك اصلا دول عليهم فستان قدهم عشر مرات متفهمش بيحبوه ازاي
مراد: و يا سلام لو طلع ليه ديل هيتعبني
حسين: و انت متعرفش له ديل ولا لا 
مراد: قولت اخليها مفجأه و شكلها هتيجي على دماغي
حسين: شكلها هي جت خلاص
مراد: طب سلام يا فقري عايز اخلص الي ورايا
حسين: ماشي سلام
***************
جميلة: الهانم فين مجتش ليه
هنا: حاضر جية في الطريق
جميلة: متتأخريش هنروح الكوافير مع بعض
هنا: ماشي تمام
جميلة: انا متوترة خيفة اكون نسية حاجة
هنا: متخافيش انا هاجي و نجهز كل حاجة مع بعض
جميلة: انا بحبك اوي ديما بتنصحيني و تخلي بالك مني كأنك امي بتخافي عليا بتقفي جنبي انا فعلا بحبك اوي
هنا: و انا بموت فيكي يلا انا جية اهو
***************
اتصل قصي ب ليان حتى يوقظها من نومها لترد هي ب صوت يسوده النعاس
ليان: الو
قصي: كل ده نوم يلا اصحي بقا اجهزي هعدي عليكي و نروح الفرح مع بعض
ليان: حتى بعد الي قولتهولك
قصي: كل حاجة ب ايد ربنا متشليش هم حاجة ربنا موجود
ليان: تمام
قصي: يلا اصحى
ليان: حاضر
قصي: يلا سلام
ليان سلام
ذهبت ليان للوضوء و تأدية فرضها ثم ذهبت خرج غرفتها وجدت عائلتها
نبيلة: بنت حلال كنت لسة هصحيكي
ليان: انا صحيت خلاص يا حبيبتي
نبيلة: انا هروح احضر الفطار
ليان: عنك انت يا ماما انا هحضره.
نبيلة: ماشي يا حبيبتي
عبد الحميد: قصي كلمنى و خذ اذني علشان تروحي معاه خطوبة اخته
ليان: الي تشوفه يا بابا
عبدالحميد: ماشي يا بنتي يلا حضري الفطار وحشنا من ايدك
ليان: من عنيا يا حبيبتي
ذهبت ليان إحضار الافطار
عبدالحميد: بقالي كتير مشفتهاش بتضحك من قلبها هو في ايه
نبيلة: معرفش المهم انها مبسوطة ربنا يبسطها كمان و كمان
عبدالحميد: يا رب
نبيلة: انا هدخلها المطبخ اجهز معاها
عبدالحميد: ماشي روحي
تقف ليان داخل المطبخ غير مباليا بمن حولها فقط تفكر في ما حدث بالأمس
فلاش باك
ليان: قصي انا عندي مشكلة انت ممكن متتقبلهاش
قصي: ايه هي
ليان: متأكد عايز تسمع
قصي: اكيد طبعا
ليان: انا عندي مشكلة انا مش هبقى ام مش عيزة اظلمك معايا
صمت قصي قليلا لا يعلم ماذا يقول
ليان: مش هتستحمل
قصي: مين قالك انا ممكن اتجوز و مخلفش الي ربنا عايزه هيحصل هنروح لدكتور و اتنين و تلاتة
ليان: و لو محصلش
قصي: وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
محدش عارف حكمة ربنا سيبيها على الله
ليان: ونعمة بالله
قصي: يلا روحي نامي لسة بكرا اليوم طويل
ليان: ماشي سلام
قصي: سلام
باك
نبيلة: كل ده يا ليان
ليان: معلش يا ماما سرحت شوية ثانية و كل حاجة تخلص
***************
جاء الليل بنجومه اللامعة حول القمر المضئ و كانت جميلة في صالون التجميل بعد الانتهاء من وضع لمسات الميكب الأخيرة لتزداد جمال فوق جمالها بأختيارها للميكب الخفيف
هنا: زي القمر يا جوجو الف مبروك
منال: زي القمر يا حبيبتي ربنا يحفظك يارب
جميلة: و يخليكي ليا يا حبيبتي و ميحرمنيش منك ابدا امال فين أبيه
منال:  و راح يجيب ليان و هيرجع يخدني و مراد اتصل و قال أن هو على وصول
جميلة: تمام يا ست الكل
***************
ينتظر قصي ليان أسفل المبنى لتأتي هي
ليان: معلش اتأخرت عليك
قصي: ولا يهمك يلا هنروح على الكوافير نجيب ماما
ليان: تمام. هو انت فكرت يعني لو حبيت تبعد حقك
قصي: أيوة فكرت
ليان: و وصلت ل ايه
قصي: مش هسيبك انا معاكي لحد اخر لحظة
ليان بأبتسامة على شفتيها: طب يلا هنتأخر
***************
يتحدث راشد على الهاتف
راشد: ايه الاخبار
مجهول: تمام كل حاجة حاجة جهزة
راشد: تمام جدا
تيا: ايه يا بابي
راشد: كله تمام المجلة اطبعت خلاص و بكرا الصبح هتبقا في سوق
تيا: و نبعت نسخة لقصي على المكتب
راشد: صح
تيا: علشان اوجعه لما نشوف هيعمل ايه
***************
وصل قصي الصالون التجميل في وقت وصول مراد دخل مراد إلى الكوافير ليأخذ جميلة الي مكان القاعة و ذهبوا إلى سيارة حسين و ذهبت منال و هنا مع قصي بالسيارة
دخلت جميلة الي السيارة بمساعدة مراد ثم دخل مراد هو الآخر
ابتسام: الف مبروك عروستك زي القمر يا مراد
حسين: الف مبروك
مراد: الله يبارك فيكوا
جميلة: الله يبارك فيكوا
مراد: جميلة ده صحبي و اخويا من ايام الكلية حسين و دي مراته ابتسام
ابتسام: متخفش هنتعرف و هنبقا صحاب صح ولا ايه
جميلة: اكيد طبعا
***************
في سيارة قصي كانت تجلس ليان في الكرسي الأمامي عند رؤية منال تأتي إلى السيارة هبطت لتجلس هي
ليان: اتفضلي يا ماما اقعدي
منال: لا يا حبيبتي اقعدي انتي انا هقعد ورا
قصي: يلا اركبوا علشان نلحقهم
دخلوا الي السيارة ثم ذهبوا الي مكان الحفل
***************
يجلس ادم على الطاولة مع دعاء و عماد و ندى
ندى: هم فين كل ده انا كلمت ليان من شوية قالت في الطريق اتأخروا اوي
عماد: اكيد على وصول
دعاء: يوصلوا بالسلامة
ادم بصوت منخفض لا يسمعه الى ندى: عقبال فرحنا
ليدخل العريس و العروسة من باب القاعة ليحتفلوا وسط حب الأهل و الاصحاب و استمتاع كل ابطالنا و سعادتهم
و رقص مراد و حسين و رقص جميلة و مراد عند حمله لها و الدوران بها تحت نظرات كل المدعوين
***************
باسل: جهزت كل حاجة
مجهول: كله تمام حضرتك التسجيلات الي حضرتك قولت عليها اتبعتت
باسل: تمام اوي بلغني بكل جديد
مجهول: اومرك يا فندم
ثم أغلق الخط
باسل: خلاص كل حاجة بقت في أيدي
***************
ذهبت ليان مع قصي و منال حتى يوصلها الى منزلها
ليان: اتفضلي يا ماما حضرتك اقعدي اقدام
منال: ماشي يا حبيبتي شكرا
ليان: على ايه
قصي: هنمشي وراهم لحد البيت بعد كدا هروح اوصلك يا ليان
ليان: تمام ماشي
***************
بعد انتهاء الحفل ذهب كل من مراد و جميلة إلى سيارة حسين كانت تجلس ابتسام بجواره و جميلة و مراد بالكنبة الخلفية و في الطريق وسط الاغاني في السيارة صاحت ابتسام
حسين: في ايه يا ابتسام انت كويسة
ابتسام: اه بنتك بس بتتحرك في بطني متخفش
ثم جلست بتعب
جميلة: انتي كوسية
ابتسام: ايوة متخفيش انا تمام
قام حسين بتشغيل الاغاني من جديد لتصيح ابتسام
ابتسام: ااااااااه مش قادرة بوووووولد
حسين:.................
***************
يا ترا ايه رد فعل قصي لما يشوف المجلة
ايه التسجيلات الي باسل بيتكلم عنها
ايه الي هيحصل مع ابتسام