شمس: تمددت عل جربايه وضليت افكر بااهلي شصاير بيهم هسه كمت ابجي اجتي زهراء ضلت تواسيني بليل جنت داروح للحمام شفت غرفه مجد مفتوحه فتحت الباب ملكيت احد باوعت عل ميز لكيت تلفون ركضت للميز اخذت التلفون واني كلي توتر بس احد ليشوفني جاي اكتب رقم بابه ودخل مجد كبل وكع تلفون من ايدي
مجد: هاي شدسوين هنا
شمس: ها والله اسفه مو بقصدي
بده يتقرب عليه
واني دارجع ليوره
مجد: طلعت شوي من رجعت شفت شمس بغرفتي وبيديهه تلفوني من شافتني خافت تقربتلهه
مجد: ليش مجوزين من هاي حركاتج
جم مره كلتلج ماكو تخابرين عل اهلج
شمس: افهمني والله هسه خايفين عليه بس اسمع صوتهم مااحجي والله
مجد: ماكو
شمس: ووالله بس اسمع صوتهم مو اكثر
مجد: اووف كافي اخذي تلفون وبسرعه اتصلي بس وربج اذا حجيتي شي بعد ولا اخليج
شمس: متت فرح لان قبل كبل حضنته لا اراديا
انتبهت عل روحي هاي شدسوي
شمس: اسفه مو بقصدي
مجد: مو مشكله يله اتصلي
شمس: اخذت التلفون وكتبت رقم بابه جنت حافظته
شمس: دك ويه كل رنه اني كلبي يرجف
..... رد
ابو شمس: الوو
شمس: .......
ابو شمس: الو منو
شمس: متحملت طفيته ونهاريت بلبجي
مجد: شفت فرحتهه من قبلت
من سمعت صوت والدهه طفتهه وكامت تبجي انكسر كلبي عليه
مجد: مسحت دموعهه
مجد: اششش لتبجين اسكتي
ضليت امسح بدموعه واسكتهه لحد ماسكتت وهدت
راحت للغرفه
شمس: ضل يسكتني مجد ويمسح دموعي رحت للغرفه
جانو نايمين البنات
حطيت راسي ومثل كل مره اهلي مراحو من بالي نمت من كد مافكرت
نجي الاهل شمس
ابو شمس: نور اني بعد مااتحمل غياب شمس لحد وين انضل هيج
ام شمس: الله يرجعهه بسلامهه والله لا ليلي ليل ولا نهاري نهار
فادي (اخو شمس): والله حيييل مشتاقله
يعني حته ماعدنه عداوه ويه احد حته ياخذوهه والله سالفه تحير
منكدر انسوي شي ايدينه مربطه
شمس:كمت اغسل اجه مجد كبالي
مجد:شلون صرتي
شمس:احسن
مجد:يله روحي تريكي
شمس:ماشي
شفت اهتمام.زايد من مجد يعني ويه بقيه البنات مو هيج بس وياي هديت السالفه
رحت غسلت وتريكت
خلصت هليوم اول يوم بشغل
رحت عل مجد
شمس:ممكن افوت
مجد:فوتي
شمس:اريد اعرف شنو الشغل الي حدزونه عليه
مجد:اجدون بشارع للضهر وتجون واكو وجبه وراكم هم
شمس:انجدي؟؟
مجد: اي هاذا الشغل
شمس:ماشي شوكت تودونه
مجد:هسه شوي ونروح
