فجر الاقدار ..باللهجه العراقيه

لحظاتي الاخيره

راح اكمل الكم قصتي

الساعه 3 بليل انا قاعده ومانمت ماقدرت انام ماادري ليش احس قلبي ينبض بطئء كلش ونفسي ايقل .....فرحت اسبحت وطلعت بالحديقه اشوي شميت هوى ارتاحيت شفت السماء صافيه وتلمع ... ابتسمت من تلقاء نفسي ........ ورى اشوي سمعت صوت حس احد قعد دخلت ابسرعه للغرفه وسويت حيلتي نايمه .....صارت الساعه 5 الفجر قعد ابوي وامي اتحضر ملابسه للشغل وتضحك وياه ولا كأنه شي صار انا ارتاحيت وحسيت اكو امل واحد يحجي ويه امي ويفهمه الي صار ........

المهم بعد ساعه ابوي راح للشغل  سدت امي ورى الباب وهي تضحك وسلامت عليه ودخلت للغرفه وماشفته الا بعد 4 ساعات اجت للغرفه وقعدتنه ......

امي :وينكم انتم قوموا ابوكم اريدكم بسرعه

انا:قعدت انا قبلهم قتله هااا يمه شنو اشبي ابوي قالت اريد يحجي وياكم بتليفون بسرعه يلا .......

اخذت التليفون وحجيت ويه ابوي وقالي بابا اتني الجبيره ديربالج على اخوانج والبيت وامج .....ليش يبه انت وين ....قالي انا سافرت يومين ورجع خوش بابا انتبهو على روحكم خوش ....قتله حاضر يبه بس لا اطول خو... خوش ...باي ....سديت التليفون ونطيته لامي وامي راحت بدون ماتحجي كلمه

صار الظهر سويت غده اتغدينه ومشت الامور طبيعيه حد ماصارت الساعه ب12 بليل ......  صرخت امي على اخوي حسن اتريده راح هو اله بلغرفه ....ورى نص ساعه سمعت صوت تكسر شي ركضت وانا الرعب ماكلني فتحت الباب ولقيت اخوي طايح على الارض ويده كله دم وامي تصرخ عليه ويم اخوي مزهريه مكسره ... (اكيد بعد فهمتو ا شنو صار صح 😔😔)  اخوي يبجي ويعصر ايده ايحاول ايوقف الدم ....

يمه اشبيج ليش هيج ....

انتي مالج غرض طلعي منا ابسرعه لا ايلوحج شي يلاااا ...

انا ماطلعت اخذت اخوي بسرعه للغرفه وامي تصرخ عليه اتقلي عوفي اهنا دخلنه للغرفه وشديت جرح اخوي .،ودخلت امي وبيده مقص جبير
انا متت خوف مااعرف شسوي

حسن تدري شنو هذا المقص هذا حنى اقص بي السانك وماتحجي شي بعد ...اخوي ما خاف بس مدنك راسه ويبجي بحرقه ويكول يمه ميخالف شنو اسوين بيه انا قابل لان انا غلطت .......

امي اشجعت من كلامه واجت ابسرعه رادت اتقص بس وقفت انا اقبالها ..لا ..لا لا يمه حبوبه هذا اخوي وابنج ليش هيج سامحي خلينه انفكر بعقل يم...يمه الله ايخليج لا ....دفعتني على الباب حيل واتاذيت بس حسيت ظهري انكسر والله .....قمت ابسرعه يمه يمه لا بس باوعي ...كضيت ايده الي بيه المقص ودفعته على الجربايه وجريت اخوي وطلعت من الغرفه وسديت الباب عليه وهي اصرخ علينه ...... ( هسه اتقولون وين حسين احسين وصيته ياخذه عباس اخوي الصغير قبل ماايصير شي لان مااريده ايشوف شي بعده هو صغير المهم ) اخوي كعد على الارض ويبجي ايقلي انتي مالج غرض لا تتاذين عوفي امي اسوي شنو اتريد ...مي ...ميخالف قابل ...مااتحملت انا اهنا نزلت ادموعي وضربته كف على خده ....قتله اسكت انت غبي ....

وصوت امي يعله اكثر واكثر حد ماصارت الساعه 4 الفجر وقفت اقبال الباب وباوع عليه.  ....،ماكو فايده بعد امي اتريد تقتله حسن مستعد اله .......رفع راسه وقال اييي مستعد لاي شي ....قتله حتى انا انا وياك حسن شنو ايصير قابله بي ...ابتسمت ابتسامه خفيفه ارتاح اله اخوي .....مديت ايدي للباب وفتحت القفل الاول ودررت وجهي للساعه وشفته الساعه 4. ونص بده الفجر يطلع وضوه الشمس بده يبين اكثر  ...وقلت  بين نفسي ....هذا الفجر نهاية حياتي وقدري واحلامي ......فتحت القفل الثاني وفتحت الباب وشفت امي اقبالي ابتسمت اله وقتله يمه حبيبتي

حضنيني قبل لا ......حضنتني امي وقالت بما ان هذا اخر طلب الج راح انفذه ......حضنتني حيل بس ماحسيت حنانه او امان مثل كل مره ماادري ليش ..،يمكن مااتحبني ..ما...ماادري  بس المهم انا احبه امي هواي حتى اخواني وا....ا..،،

ماكملت كلامي ويه روحي حتى طلع دم من حلكي دم اهواي كلش دمرت ملابس امي  وحسيت شيي يحرقني بظهري ...،،وخرت عن امي وعيوني تارسه دمعه ونص وجهي كله دم تخلطن كلهن سوى حطيت ايدي على ظهري وتحسست المكان وماخاب ظني امي طعنتني بظهري بسكين جانت ضامته  مااتوقعت امي امي اسوي هيج بيه وبه خواني .....لا يمه ليش يم ..،،يمه ....لي.......يش ......طحت عى الارض على وجهي وحسيت الم بصدري اكثر من الالم الي بظهري ....يمكن هذا الم قلبي ......مااهتمت امي للموقف واخذت المقص وراحت لاخوي ودخلته بصدره كله ماقدرت انا اسوي شي او حتى اتحرك ابد ماجنت احس بايي جزء من جسمي بس عيوني اتباوع واشوف اخوي يطيح اقبالي والدم تارس ملابسه .......ماتتخيلون الشعور الي حسيت بي تجاه هيج موقف ابد ....بس سمعت اخوي حسن ايقلي بصوت ناصي ومتقطع ......اسفه خيتي .........هاي الجمله الي فهمته منه بس وبعد ماسمعت صوته ..........

امي قعدت يمي وملامح وجهه ماايبين اي شي جنه بيه جني ماادري احسه مو امي ابد ........ورى ثواني دخل اخوي حسين وجهه اصفر وبين ايدي اخوي عباس يبجي ........شفته ودموعه تنزل ...من شافني عباس نزل ابسرعه من حضن حسين واجه يمي وحط ايده الصغيره وناعمه وبارده على اخدودي ويقلي بكل برأه ليش بيج دم هووواي لالاا (هو ايصيحلي لالاا معنى لارا )  قتله بصوت متقطع ....ع..،عباس ......حبي..بي.....مابيه شي بس ....اتعورت انا ...... وانا ابتسم ابتسامه متصنعه صغيره

صرخت امي على عباس اتقله وخرا منا عباس لا اقتلك عببببببببببااااااااااس

خاف اخوي من امي بس راح حضنه وقاله يمه ليش ليش لالاا بيه واوا ......امي مااتحملت اخوي عباس سحبت السكين من ظهري ودخلته بخوي عباس حتى طلعت من ظهره من قد ماجبيره طاح عباس على ايدي بدون اي حركه .....وانا بديت اشوف الدنيا ظلمه حد ما غمت عيني ..............................

هاي نهاية  .....

اكيد محد راح ايصدك بحجييي ابدا بس صدكو هاي حقيقة قصتي

طبعا ابوي بعدين من درى ورى يومين اتخربط بالمستشفى وصارت بي جلطه ومات

واخوي حسين صارت عنده حاله نفسيه معقده كلش من كلشي وقليل الكلام  حتى الدكاتره حطوا بغرفه منعزله محد يدخل اله ابد

وامي  اخذوه للمصحه وهناك عالجوه ورى يومين ماتت همه ....

.............بقى شي واحد ما قلته الكم بالبارت الثاني اقوله الكم ..........

باي .......