الجزء الأول:
بأحد اجمل و ارقى القصور بأحلى منطقة بكل البلد كان نايم على تخته و غير مبالي بشي بفيق على رنة تلفونه يلي ازعجته كتير
زياد:يا الله مين هالسئيل يلي عم يتصل من صباحية الله...الو
ادهم:الو...شو شريك صار العصر مو ناوي تشوفني بعد رجعتك من السفر
زياد:ادهم شايفني بمنامك يعني والله تعبان لك انا رجل عندي مسؤوليات مو متلك انا عندي جمهور يعني بدي راحة
ادهم:اي خف علينا يا كاظم الساهر..قوم..قوم..تضرب بمنظرك ما تعمل عليي واحد مشهور ..فز لبيس و تعا لعندي اشوفك
زياد:استغفر الله ماني طالع من البيت مو ناوي اخد صور مع حدا هلق تعا انت لعندي
ادهم:من زمان صير مغني و شوف حالك علينا
زياد:يا أخي الله يوفقك تعا و خلصني يا أما تركني كفي نومتي
ادهم:لك جاي..جاي مسافة السكة
سكر زياد و قام ليبدل تيابه لبين ما يوصل رفيقه
حابين اعرفكن على زياد...يلا نبلش
زياد شب بأوائل العشرينات عندو شهرة كبيرة و على مستوى الوطن العربي لأنه مغني شبابي شأنه شأن باقي المغنين عنده جمهور كبير و حصراً البنات يعني البنات بموتوا عليه فيو علة متكبر شوي و شايف حاله يمكن بسبب الظروف البشعة يلي عاشها لحتى وصل لشهرته ما عنده اهل لأنو والده توفى اما والدته فتوفت و هيا عم تولده و الي ساعده ليوصل لشهرته هوي صوته و ملحن عطاه طرف الخيط و زياد بشطارته وصل
هوي مو مرتبط لأنو بيستخسر جماله و اناقته و شهرته ببنت وحدة يعني برأيه لازم يتزوج ملكة جمال و بس
بعد نص ساعة:
وصل ادهم و دخل ع الفيلا ليشوف رفيقه
زياد:سلام(الخدامة)تنين قهوة الي و لأدهم
سلام:بتؤمر استاذ زياد
ادهم:ايامك يا عمي هات لشوف شو صار معك بفرنسا
زياد:ااااخ يا أدهم ناس و جمهووور كبيييير و بنات كتيييير من كتر البنات قلت مارح اطلع من فرنسا الا كون متزوج
ادهم:و تزوجت؟؟؟!
زياد:ولا وحدة عبت راسي ...كالعادة انا بدي وحدة غريبة
ادهم:هفففف عليك خلص..خلص انتي تعودت ع الحياة الرفاهية و ماعد تعجبك البساطة
زياد:لا بالعكس انا بحب البساطة
ادهم:و بتقدر ترجع تعيش ببساطة لمدة شهر؟
زياد:بتحدي بقدر اكيد
ادهم:بتراهن
زياد:براهن
