الجزء الثامن:
دخلت سامية و سلمت ع زياد و دعوه للأكل
محمد:قمر...يلا تعي تعشي
اول ما سمع زياد اسم البنت ابتسم و ظبط حاله مشان يسحرها كالعادة،دخلت قمر و هيا مبتسمة ابتسامة حياء و اول ما شافت زياد..شهقت و اطلعت فيه و عيونها لوحدهم صاروا بيحكوا كمية الدهشة اما زياد وقف من ع الكرسي و اطلع فيها
قمر:انت مو معقول...لهون كمان ياربي...جايبه
زياد:انتي...لك..شلون
محمد:انتو بتعرفوا بعض
زياد:عم انا فنان شي طبيعي تكون بتعرفني...و اطلع فيها نظرة كبرياء و ظبط ياقة قميصه
رمقته قمر نظرة استهزاء بشكله و ضحكة ضحكة جانبية و اطلعت فيه بطرف عينها و قالت
قمر:بابا انت بتعرفني اني مابسمع اغاني و بالنسبة الي كل المغنين تافهين...و لهيك هالتافه كتير اخد ضجة شفته صدفة...بس ماعرفته لو ماعرف عن حاله
زياد:انا تافه؟؟؟؟!!!!
اطلعت فيه قمر و رفعت كتافها و لوت شفتها السفلية اي انها ما بتعرف....حبت سامية طري الجو
سامية:ايييه...والله يا ابني نحنا ما منسمع اغاني و حصراً قمر ما بتحبهن ابداً..يعني من ناحية انهم حرام و هيك لعيك حكت بهالطريقة
زياد:ااااه ... بس ع فكرة اسم ع مسمى ... هههه ... بقصد الله يحميها
اطلعت فيه قمر من فوق لتحت و خجلت من كلامه و اتفاجأت بجرائته بنفس الوقت
محمد:يلا اتفضلوا ع الأكل...احسن مايبرد
زياد:اي والله...خلينا ناكل لأنو ريحة الأكل بتجننن😋يسلم ايديكي خالة
سامية:هاد طبخي انا و قمورة....ابتسمت قمر لأمها
زياد:و بتعرفي تطبخي كمان ياعيني...بقصد..ماشالله يعني بنات المدينة بالعادة ما بحبوا الطبخ
سامية:اي هي كل بنت و كيف
و اعدوا يتعشوا و ما كان الكلام كتيير
#زياد:
يخربيتك شو حلوة...لعما شو هالجمال لك قديش سافرت متلك ما شفت...
#قمر:
شكله وقح ع الأخر..بس حلو ليش الكذب...اي خلص..خلص قمر...هاد الإنسان ما بيشبهنا...و تافه كمان و مابيعرف يحكي....اييه قمر شو صرلك ما خليتي ع الشب 😂
