الجزء السادس:
طلعت قمر و تركت زياد بحيرة من امره ماعرف كيف يحكي او شو يعمل هي اول مرة بحس بالإهانة كان حاسس احساس عريب لما حاكته هيك و كأنه ضعف للحظة قدامها بس كيف و هيا يلي هانت كل مسيرته الفنية و اتهمته بإنسان فاضي طلع ع بيته و سكر الباب بعد ما كان رايح.....اما قمر فاتت ع غرفتها و صارت تتنفس بسرعة و قربت ع المرايا و اطلعت بوجهها كان عبارة عن كتلة من اللون الأحمر الفاقع قلبها رح يطلع من مكانه
قمر:هوووو...لعما هي اول مرة بكون فيها وقحة هيك....هههههه ماحسيت ع حالي الا عم بهدله...
نادت ام قمر عليها...
قمر:يلا امي جاي اساعدك...لنشوف شو ناطرنا بالمطبخ
.............
عند ادهم:
ادهم:اي زيادو ميف الأحوال بالقرية
زياد:والله يا أدهم بس توقع بأيدي لخليك تندم ع الساعة يلي عرفتني فيها...و بتشوف
ادهم:له...له يا شريك شبك
زياد:لك انا تبهدلت..صبية بهدلتني بهدلة...لك مسحت الأرض فيني
ادهم:بربك...لك ليش...بعدين ماعرفت مين انت
زياد:اااااخ..يا ادهم قال ضو ما بتسمع اغاني قال انا انسان فاضي و ماعندي هدف و اغاني تافهة
شهق ادهم متل البنات...😂
ادهم:هيك حكتك...لك انت مو رجال..لك ليش مارديتلها ليش ما سلختها كف
زياد:اسلخها كف...مو؟مشان تسلخني عشر كفوف...لك اول مرة بشوف هيك بنت كل البنات بحبوني و بيحلموا بتطليعة مني الا هي تقول مو بنت
ادهم:يلا ماتاخد صاحب الا بعد قتلة
زياد:ادهم حل عني...و حاج زناخة...ناقصك انا لأنو...انت كيف وضعك
ادهم:يلا حبيب هونها بتهون و صعبها بتصعب...انا مكيف لك اكتر من هيك بسط الله وكيلك بنتزع
زياد:ايامك ياعمي...روح انقلع مدري مين جايني
ادهم:اوكي..باي شريك
.......................
توكه زياد ليفتح الباب فكان رجال كبير بالعمر و مقتدر
زياد:اهلاً عم خير في شي
العم:لا ولاشي يا ابني...انا جارك يلي تحت و حابب اعزمك ع العشا عندي كونك جارنا لجديد..شو رأيك؟
زياد:تسلم ياعم...بتشرف اكيد..
العم:معناتها ناطرك ع السبعة المسا..بناسبك؟؟
زياد:اكيد بناسبني
