الجزء السابع:
زياد:اكيد بناسبني
العم:بانتظارك انا...
زياد:انشالله...
دخل زياد ع البيت بعد ماراح العم..و تنهد
زياد:و هي اول يوم عرفنا زين رح نتعشى...الحمدالله...لنشوف شو بدنا نلبس
...........................
ببيت قمر:
ابو قمر:يا سامية (والدة قمر)
ام قمر:اي محمد (والد قمر)خير
محمد:جاينا ضيوف ع العشا..و بدي ياكي تنوعي بالأصناف
سامية:بتؤمر..في شي حابب اعمله..
محمد:لا انتي ابدعي من عندك
سامية:بتؤمر...رح اعملك سفرة مادقت متلها
محمد:اي تسلميلي...بضلك مبيضة وجهي...
قمر:احم...احم نحن هنا...ع فكرة نص الأكل انا يلي بطبخه
محمد:هههههه اي يلا لكن فوتي ساعدي امك
قمر:مسكت الصينية المدورة و كطتها فوق راسها..اسعوا هيك و هلق بتشوفي شو رح اطبخ
سامية:طيب الصينية ليش
قمر:هي قبعة الشيف ماما...😌
محمد/سامية:هههههههه مجنونة
ساعدت قمر امها بالمطبخ و عمل محمد كم شغلة من اشغاله و بعدين دخلت قمر لتغير تيابها و تلبس شي مناسب فلبست...فستان كحلي طويل و واسع فيه وردات زهر فاتح..و حجاب زهري مشان يعكس مع لون الوردات...و جهزت السفرة مع امها
اما زياد لبس و تعطر و ظبط حاله كأنه رايح يخطب 😂🤦🏻♀فلبس بنطلون بيج و قميص كحلي فتح اول زرين منه و ظبط شعراته و للصراحة فضى علبة البارفان عليه..و بعد هيك اعد يتغزل بشبوبيته قدام لمرايا😂
.........
نزل زياد لعند الجيران...و دق الباب و ظبط ياقة قميصه
فتح الباب والد قمر
محمد:هلاً اتفضل يا ابني
زياد:الله يزيد فضلك ياعم...
دخل زياد و دخلت معاه ريحة بارفانه و اعد ع الكنبى كان البيت بسيط بس فيه شي غريب بخلي اي شخص يرتاح اول مايدخله يمكن صوت القرأن او راحة الأشخاص يلي فيه، الإبتسامة الدائمة يلي بتزين وجهوههم
