انا كيما قلتلكم رحت لدار عمي ...و عاودت وليت لقرأيتي و خدمتي...كنت سارفوز في بيتزيريا...عمي شحال من مرة قالي حبسي الخدمة كيما نصرف على بناتي نصرف عليك بصح انا ماحبيتش....المهم كملت قرايتي... و بقيت نخدم حتى مول بيتزيريا لي نخدم عندو غلق وليت بلا خدمة....
كل يوم و انا نهوم نحط في cv نتاعي و نجري بلافايدة... وحد النهار خرجت كي العادة نحوس على خدمة لقيت ورقة نتاع إعلان ملصقة في الطريق مكتوب فيها {مطلوب Babysitting مربية اطفال} و مكتوب فيها العنوان....و كانت البلاصة ماشي بعيدة على وين نسكن ..قلت نروح و نجرب حظي قطعت الورقة من الحيط و درتها في صاكي ههههه باش حتى واحد مايكحل على الخدمة ...حكمت طاكسي ورحت...هذيك البلاصة يسموها كرتي نتاع لي غيش يعش فيه غير القماقم....المهم حبست قدام فيلا الطول و العرض..الله يبارك ناطحة سحاب...صونيت برا فتحلي العساس قالي واش تحوسي وريتلو الإعلان قتلو على الخدمة قالي ااااااا ادخلي دخلت باسم الله ماشاء الله جنينة قوجة من هي و بيسين الله الله ....بقيت مبوهة...قالي العساس هاوليك لي طلب الخدمة خزرت لقيت واحد يدير في السبور في الجنينة يكون في ثلاثينات لابس survêtement بيضة تشعل و داير lunettes bleu لحية خفيفة.. الكور مانحكيلكمش...العينين ماشفتهمش قتلكم كان داير نواظر المرة الجاية نقرعج و نقوللكم ... طويل مكسل ... المهم بالمختصر المفيد خمسة و خموس عليه
