قتلو من فضلك برك كاس.... (أي الله غالب لازم نتقلش... للحفاظ على بريستجي صح في دار نشرب من القرعة بصح ماشي قدام المخلوق👅👅) قالي و الله سامحيني الكيسان كامل موسخين.. La femme de ménage هربت..لي نجيبها تروح ما تحبش تقعد ...هو قال هكذا و انا بدا مخي يخدم ...لي يجيبها تهرب فيها إن يا اما قبيح يا إما مايسواش...بقيت غايسة نخمم حتى قالي اذا حبيتي تشوفي الولد اطلعي في الدروج رآه الفوق في بيتو...انا نروح نبدل حوايجي و كي نرجع رجعيلي الخبر هكذا mademoiselle قتلو إشراق قالي متشرفين....وراح...و انا نضت و طلعت في الدروج لقيت بزاف بيوت بقيت نفتح فيهم ...حتى فتحت بيت لقيت قاعد فيها ولد صغير يلعب يكون عندو 3 سنين و لا 4 يبان بوبية ماشي ولد..شعرو صفر مذهب...و عينيه أزرق و خدودو حمر يشهو...يا ختي يا ختي ...عسل يتااااكل😗😗😗....رحت ليه و حطيت يدي على راسو ماخزر ما هدر معايا شغل مرانيش قدامو....انا قريب كليتو..ههه عجبني بقيت نلعب معاه و نهدر معاه و هو كيما قلتلكم..ماشي مركز معايا...و الله نسيت روحي معاه خزرت في الساعة لقيت جازت ساعة بلا مآ نجيب الخبر بستو و هبطت نجري تفكرت سي قاسم ...هابطة في الدروج و نخمم واش نقولو...و الله طفل عجبني بصح كيفاش نخدم في دار عايش فيها راجل وحدو....حتى سمعت حسو
#
