رحت للدار و النار شاعلة فيا غاضتني عمري و غاضني محمد مسكين والله خليت قلبي معاه ..... ورجعت ريمة لعادتها القديمة رجعت حيطيست ورجعت لعالم البطالة...عمي ما قتلوش بلي حبست الخدمة كنت كل يوم نخرج من الدار صباح على أساس نروح للخدمة و نرجع للعشيا في وقتي...و انا في الحق كنت نحوس على خدمة...
اااااا واش رايكم في زهري..هههههه معوج؟؟؟ زعما يجي نهار لي يتعدل؟؟؟؟؟ اليامات الجاية تبين.
يومين جازو ولا قاسم يعيط و انا ما نرفدش وحد النهار عيطلي num جديد قلت بلاك كاش واحد حطيت عندو cv و عيطلي على الخدمة انا رفدت و انا نسمع في صوت ملايكة ..توحشتو...قالي ثباح الخير اثراق توحشتك.....انا سمعتو و انا بديت نبكي قتلو انا تان يا عمري توحشتك...انا نبكي و نسمع في صوت قاسم قالي ارجعي إشراق ..و الله محمد من لي رحتي و هو يبكي قتلو اسمحلي مانقدرش و متزيدش تعيط...و كوبيت عليه ... و قعدت نبكي في الطريق الناس كامل تشوف فيا.....
رجعت للدار كي العادة نكركر في رجليا ما لقيتش خدمة و المورال يتسحب..
غاضني محمد بصح الله غالب باباه قطعني...بقيت نخمم اذا نرجع و لا لالا
#ام #اويسselmabakir تعشيت و غسلت الماعن و جوزت نشاف ههه راكم تعرفو دار البنات و الدالة زعما خدامة في النهار نخدم حقي في الليل....كي دخلت لفراشي كانت 10 وهو صونا التليفون...خزرت قاسم..يا ربي واش يحوس عند جدي مايفهمش....رفدت عليه معرشة...قتلو ياك قتلك ماتزيدش تعيط..قالي اشراق محمد رآه مريض في حالة وراه غير يبكي و يعيط غير باسمك....قتلو ايه خلاص غدوة الصباح نجي قالي واش من الصباح قتلك الطفل رآه في حالة ....نجي ضرك نديك...قتلو هبلت..حبيت عمي يذبحني..قالي عمك؟؟؟ قتلو ايه عايشة عند عمي...قالي المهم انا ساعة و نكون عندك مانلقاكش تستناي ندقدق في الباب...جيت راح نهدر كوبا.....ياااااه هذا مهبول صح ...يا ربي حب يقتلني هذا لبست حوايجي و خرجت للكولواغ كان كل واحد في بيتو...غلقت بيتي بالمفتاح و رحت للكوزينة و خرجت من بالكون...لقيت قاسم يستنا فيا بالطموبيل...فتحت الباب و ركبت..قتلو ازرب روح يا ربي استرها معايا....قالي محمد رآه مريض قتلو مريض تجبني انا..ياك ترفد وليدك و تديه للطبيب....قالي باباه طبيب و نديه للطبيب...
هههههه معلومة جديدة
#ام وصلنا للدار لقيت محمد داير حالة بالبكى هو شافني و هو قالي ماما اثراق...قتلو يا عمري ..قالي ماتزيديش تلوحي..قتلو ايه يا حبيبي....قاسم واقف و غايس فينا....كي نتبهلي نشوف فيه حط راسو و خرج ...انا درت محمد في حظني و رقدتو.....و انا داتني عيني معاه...حتى حسيت قاسم ينوض فيا نضت مفجوعة...قالي امشي نرجعك لداركم يعود يفيقو بيك رآه الفجر....سلمت على محمد في راسو و نضت...ركبت معاه في الطموبيل و في الطريق قالي اسمحيلي إشراق المرة لي فاتت كثرت معاك...قتلو السماح حتى انا تزايدت معاك.....سكت شوية من بعد قالي شفت محمد شحال رآه متعلق بيك لقى فيك الحنانة لي كان محروم منها ...تبسمت وسكت يعني ما عقبتش على كلامو حتى نطق قالي واش رايك تقبلي بيا...فمي تكمش.. قتلو انعم سي قاسم قالي تتزوجي بيا....?
