خزرت فيه لقيتو شاد زريبة نتاع صلاة و مصحف و داخل لوحد البيت هو شافني حبس ...قالي شفتي محمد قتلو و انا نتبسم شفتو الله يبارك عليه ربي يحفظو...قالي واش قررتي..سكت ...انا جيت راح نهدر ...قالي روحي صلي صلاة استخارة و لا ارتاح قلبك مرحبا بيك و ضرك نعطيك الرقم نتاعي...أنا بقيت مخلوعة فيه...حط هو الزربية و المصحف وراح لوحد كومندينو جبد ورقة و ستيلو كتب الرقم و اعطاهولي..وقالي خوذي وقتك... و قري براحتك كي شفتو.شاد مصحف و يصلي الحق ارتحت شوية...شديت الرقم عليه و قتلو انشاء الله و رحت للدار و بقيت نخمم بيني و بين نفسي و مع الأخير قررت نخدم محمد يبان عاقل بسلامتو و دخل في قلبي مام باباه..ههههه ااااا قصدي و سي قاسم انسان يبان محترم و يخاف ربي...قلت مع الصباح نعيطلو و نتفاهمو و أمري لله على خاطر محتاجة للخدمة...و هكذاك كان الحال عيطتلو و تفاهمنا على الوقت و السومة و النهار لي نبدا فيه...و عمي قتلو بلي لقيت خدمة في بوتيكة نتاع حوايج نخدم vendeuse. على خاطر لكان قتلو الصح مايخلينيش...
المهم بديت خدمتي عند سي قاسم نروح صباح نلقى سي قاسم رايح لخدمتو نقعد مع محمد حتى يرجع باباه لعشية ....سي قاسم علاقتي معاه صباح الخير مساء الخير...ولا كاش ما خص محمد حوايج و لا كاش حاجة...كنت أنا نهتم بمحمد في كلش ماكلتو حاويجو...و أبسط حاجة...ولا محمد يحبني صح مايهدرش معايا بصح كي يشوفني جيت الصباح يطير من الفرحة و كي نروح لعشيا مرات مسكين حتى يبكي عليا...
