حبيت نعرف واش حكايتهم بالضبط...عنقتو و قتلو راني هنا يا عمري ماتخافش منخليكش... كي غاضني قررت ندير حاجة ماشي من طباعي نكذب على عمي و نبات مع محمد قلبي ما طاوعنيش نخليه مريض و نروح .....رفدت التليفون وعيطت لعمي قتلو راني رايحة نبات عند يما توحشتها و حبيت نشوفها..قالي ايه....علابالي راكم تقولي كيفاش ماخفتش...علابالي بلي عمي مايهدرش مع يما من نهار لي خلاتني و تزوجت..و يما ماتحملوش....
المهم رقد محمد و انا هبطت للصالون نستنى في قاسم يجي باش ندو محمد للطبيب ... 8 نتاع ليل و ما جاش ...هو دخل قاسم و شافني نخلع قالي اشراق مزالك هنا؟؟؟ رحت ليه كي المهبولة قتلو سي قاسم محمد مريض راهي معاه الحمى من الصباح و ما حبتش تهبط قالي اممممم...يااااه اممم واش اممم يا ودي راني نقولو وليدك مريض و هو ولا على بالو...ماهدرش معايا نحا la veste نتاعو في عقل عقلو و طلع الدروج درجة درجة قتلو نوجدو ندوه للسبيطار...يا لبنات و الله ما رجعلي و انا قالي راسي جيبي حاجة و اخبطيه بيها على قلبو البارد انا مراهش وليدي و قلبي تقطع عليه.....دخل قاسم عند محمد حط يدو عليه قلبلو عينيه و فمو و ناض وخرج ماهدر حتى كلمة و انا من خلعة بقيت ساكتة...يا ربي هذا عبد و لا حجرة وحدة منكم تجي تشدني خير مانخبطو
#ام انا بقيت مخلوعة من برودة دمو...قعد يا ربي ربع ساعة وعاود رجع وفي يدو دواء. قالي شربيلو هذا ضرك و الصباح زيديلو....اااا وجدي روحك نوصلك..قتلو اذا ماعليش نقعد مع محمد كي شفتك بطيت عيطت لدارنا وقتلهم راني في الخدمة...قالي امممم..رمى الدواء وخرج...ياااااه...هههه أنا هنا ضربني الجن لحمر مزلنا مع اممممم .....ااااااا الله غالب تقلقت تشدوني و لا تقعدو غير رحت ليه و نسمعو واش يستحق اليوم نديرلو محاضرة ولي يصير يصير....خرجت نجري موراه قتلو سي قاسم وليدك رآه مريض و محتاجك...انا مكملتش عنوان المحاضرة.ههههه...وهو خسر عليا خزرة وحدة كيلني مليح و قالي حدك حد خدمتك...و راح.....اااااو لالة يمااااا على الحرقة وصلتكم الريحة و لا مزال.....(نستهل الكية انا لي بغيت..انا لي بغيت) تحية لكل وحدة قراتها باللحن.
المهم رقدت مع محمد ليل كامل وانا نخمم في قاسم علاش يعامل وليدو هكذا نموت و نعرف...
محمد تحسن ناض الصباح بدلتلو شربتلو الدواء و هبطتو باش يشرب حليبو...و انا درت في بالي قاسم خرج على خاطر هذاك الوقت يكون في خدمتو.
هبطت طيبت القهوة و قعدت مع محمد نشربلو في حايبو و نضحك معاه حتى سمعت قاسم يسعل قفزت من بلاصتي....ياااه هذا رآه هنا....غير شافو محمد دخل تحت يدي وو عنقني....
