هههه المخلوق درتلو سكانير المهم خزرت فيه و انطلقت باتجاهه قبل مانوصل ليه بعشر ميترات خبطتني ريحة parfun نتاعو في نيفي دوختني...قالي oui mademoiselle سلام واش خصك.... قتلو و عليكم السلام أ .. أ...انا نتاع la annonce قالي a.....ok.... ايه خلاص ااتفضلي معايا للدار نتفاهمو على ls conditions. ..انا قالي الدار و انا تكمشت...قتلو ماعليش موسيو خلينا هنا خير ...ماقيمنيش كمل يمشي وقالي نعطيك معلومة انا végétarien مانكلش العباد ...ماعليش انسة تتفضلي معايا...تبسمت تبسيمة خفيفة و مشيت موراه...بصح قلبي يخبط خفت اول مرة نروح لخدمة نتاع ديار ...و عندي الحق نخاف الحال صعيب و المجتمع عاد مايرحمش.
المهم دخلت معاه للدار واش من الدار حبيت نقول للقصر ....ديكور نتاعو يقتل moderne. .. كيما نتاع الافلام ...نمشي و نتفرج...ههه مخلوعة...قالي اقعدي في صالون سامحيني دقيقة و نرجع....راح و رجع في يدو زوج قرع صغار نتاع jus لا كأس لا هم يحزنون...بقيت نخزر فيه قالي انا قاسم عندي ولد صغير حبيت نشوف شكون تقوملي بيه في وقت لي نروح للخدمة حتى نرجع على هذيك حطيت إعلان و حبيت وحدة تكون مثقفة..وسكت قطع هدرتو و خزر فيا من بعد قالي اشربي ماتخافيش مافيه والو....قتلو لالا سي قاسم هه نشرب بصح من فضلك كأس برك
