قتلو قاسم ادخل البرد تعود تمرض ماردليش خرجت ليه قتلو زعفت؟؟؟؟ من قبل كنت تقولي حدك حد روحك بصح ضرك راني مرتك و محمد رآه وليدي ...خزر فيا و دمعة في عينو و عنقني قاسم و زير عليا قريب طرطقلي ظهري يا جدكم....قالي الله غالب قتلو أنسى الماضي ينساك متيتمش وليدك و انت في الحياة علاش حارمو من حنانك....أوعدني تفتح صفحة جديدة في حياتك تبدأ من 0 معايا و تخايل محمد وليدي انا وياك قالي ربي يخليك ليا ربي بعثك نعمة في حياتي نوعدك نتبدل مع محمد و ننسى الماضي ....دخلنا للبيت قاسم خزر في محمد قالي و و و ...محمد يرقد هنا اديه لبيتو قتلو انت تديه انا ظهري قسمتولي بالتعنيقة نتاع مقبيل.....قاسم رفد محمد اول مرة نشوفو رافد وليدو...حطو في الفراشو و بقى معنقوا سلم عليه و بدى يبكي ...حسيتو كي البابات لأول مرة يسلم على بيبي نتاعو ...متوحش وليدو و هو كل يوم معاه..كي شفتهم فرحت هذا واش كنت حابةيصير....
رحت انا و قاسم لبيتنا و ياااااااااع هذيك الليلة كانت أحلى ليلة في حياتي بلا مانحكي و نفصل و نرغي باطل و زيد بزيادة أسرار دولة و الفاهم يفهم..هههه... لقطة محذوفة كي نضت الصباح لقيت قاسم ماشي قدامي هبطت نشوفو وين رآه سمعت الضحك و الحس من بيت محمد دخلت لقيت قاسم مع محمد يلعبو و يدغدغ فيه ...
#ام و الله فرحت حتى هبطو الدموع من عيني كي شافني قاسم قال لمحمد راهي جات ماماك اليوم ناكلكم في زوج و طاح يدغدغ فينا و يخبط فينا بالمخايد...😄😄😄😄😄
قاسم رجع كي السمن على العسل مع محمد و لا مايقدرش يقعد بعيد عليه ... و حبو ليا كل يوم يزيد و قاسم بفضل الله ثم بفضلي احم...احم.. نسى الماضي نتاعو و الدليل رجع للكلينيك نتاعو و لخدمتو. و لا نعم الأب لمحمد.......
ااااه الحمد يا رربي .....ربي نعم عليا بزوج صالح و يحبني... و ولد كي القمر....وزاد ربي تمم فرحتي كي رفدت من حبيبي و نور عيني و جبت أخت لمحمد سميتها فرح...و انشاء الله ربي يدوم لفراح و يفرح كل وحدة منكم.
#النهاية #النهاية #النهاية
