أحببتك وتزوجت أخاك

الحلقة الأولى

بابا.. سوما هي نوضي 7:30 راحت علينا نومه
سوما.. حي عليا 😱موبايلي طافي شحن هذا عليش مفطنتش حط براد الميه ع النار يابابا انوض العيال .. امل نوضي هيا طولنا
أمل..منبيش نمشي مفيش حاجة مهمه
سوما.. تنوضي وﻻ نعرف كيف نتفاهم معاك😒
امل.. ﻻحول الله ماتخلي حد متريح اووف نضت نضت خﻻص
سوما..تردي ترقدي سطل ميه مصقعه عليك راه نعدي انوض المرزي ﻻخر ... ادهم نوض هيا الله يربحك تأخرنا
ادهم .. هيا هي "طبعاً رد رقد"
خشيت الحمام غسلت وتوضيت وحطيت فوني في الشحن وصليت ووتيت الفطور ورديت علي ادهم نواعي فيه كالعادة يبهدل فيا في الصبح ولبست وفطرنا كلنا ع السريع ماطلعنا اﻻ 8 ومعاها بابا حط امل في المدرسة وبعدها حط ادهم مدارسهم مش بعاد من بعضهن ..
محمد.. عندك حق فطورك
سوما..اهاا عندي بس نبي حق كم شيت مزلت ماخذيتهم
محمد..هاكي وديري بالك علي روحك تكملي رني عليا عندك رصيد
سوما ..ان شاء الله اهاا عندي هيا في امان الله راه تنسي جيب بطاطا تو تروح تعبان وتنسي😁
محمد.. هههههه عطك بطاطا علي راسك ع الصبح ان شاء الله حاضر اي خدمة مدام اسماء😏
سوما.. ﻻعيوني تشاو ..نزلت وبديت نسلم علي البنات وصباحو عاد معش تفض بكل
سها.. ماشاء الله شمستك عاليه وزاهيتلك انتي وباتك تضحكو ع الصبح
سوما..ﻻ شئ نهدرزوا ع البطاطا "البنت هذه قصقاصة ودوتها واجده زقااابه بكل وعينها حاره "😓
سها.. وبه ربي يدوم الود والمحبه
خوله.. ههههه راه ياسوما حتي علي باتك يحسدو ^^
سوما.. رسمي ههههه فكني من هرجتكن ع الصبح هيا المحاضرة قريب تبدأ خلينا نخشو
..... خشينا حضرنا المحاضرة وكملت طلعنا مشينا الكفتيريا خذيت حاجة ناكلها وطلعت جا في وجي .... يتبع...

#safa_alabar...