أحببتك وتزوجت أخاك

الحلقة الثالثه

أحٍـبْبْتٌگ ۆتٌـزوجٍتٌ أخـــآگ 💕

آلُحٍـلُقَةّ آلُثْآلُثْة 3 ..ّ

صبيت نوتي في العشاء وجاني مسج من صاحبتي خوله من اﻻعدادي ((سوما توا دزلي سالم علي الخاص في الفيس مش عارفه من وين جاب ايميلي وسألني علي وحده أسمها #هوما_محمود تعرفيها انتي قالي قريبت سوما))
هييييه طح سعدها 😱الهام كنها الشفشه معايا حي علي امي انظر شن ملبزه معيشتي مستحيل تسقم عارفه انا
حطيت العشاء لبابا وخش أدهم تعشي لقيت اموله راقده ..
سوما..اموله نوضي حبيبتي مترقدش بﻻ عشاء
امل..ﻻمعنديش نيه خلوني راقده😔
سوما..استغفر الله امبه براحتك
تعشيت وغسلت المۆاعين وبابا وادهم رقدوا وخشيت حتي انا بنرقد كملتها نتقلب ونفكر في سالم كنه تغير شن جد عليه والهام عليش دزتله مسج زعميتك تهزب فيه عشان دايرلي تحويله حي اكيده هكي هذا اللي حكيناه مبدري نجيها بتاخذلي حقي ظلمتها انا😘 اعوذ بالله من الشيطان ..
وانا نفكر رن عليا سالم 😲كنه صحله توا واللهي مش بجوه منيش راده عليه كملت رنته من هنا قعدت الهام ادير في رنه وتسكر نين منلحقش نرن عليها ومعنديش حتي رصيد قعدت نص ساعة ادير في رنه وتسكر 😒..كنها المصيوبه عقاب الليل ..جاني مسج منْ سآلُم..
((خليك مشغول الحق عليا مزلت ندور فيك وتقولي ظروف خزي ع اليوم اللي عرفتك فيه واحذفيني من حياتك نهائي تشاو يا كذابه))
هااااااه كنه هذا حي عليا 😥😨شن درت انا واللهي ماكذبت انا يقولي خليك مشغول وكذابه هالحقير هذا واللهي ماني معبرته كيف مفيش ثقة معقولة 😓
بكيت بكيت بكيت نين طاب خاطري ورقدت وانا نبكي نضت الصبح مع 10 لقيت بابا ماشي العمل مش قاعد فطرت و بديت نضم في الحوش وولعت الغساله حوسه لعند قريب 12 نوضت ادهم واموله وحطيت الغداء ع النار وركبت كرت سيبه ليا بابا معنديش رصيد ورنيت علي رقم ماما مقفل ..
سوما..ادهم هيا عاد ساعه عشان تنوض اعطيني رقم المصري بسرعه😒
ادهم..هههههه راجل امك ياذوق سمير قولي سمير احفظيه اسمه
سوما..عطا بير يطيح فيه ماعاد يطلع وجه النكد
ادهم .. اهوه سجليه وديرلي فطور جعان بكل😍
سوما..وقت غداء مش فطور هيا صحصح علي ما رنيت انا

سوما..الوو السلام عليكم
سمير (راجل امها)..ايوه وعليكم السلام مين معايه
سوما..ههههههههههه عنجد دوته😂 اسفه قصدي اسماء بنت مريم
سمير..ايوووه اه عاوزه حاجة وكان علي امك لسه في المستشفي من امبارح لو رحتلها حطمنك عليها
سوما..كنك عبيط انت كيف مسبيها بروحها في المستشفي وكيف لو رحتلها تواا امشيلها ساعه ونرن عليك و تقولي شن قالك الدكتور انا بإذن الله اﻻسبوع هذا نكون عندها تعب روحك واقعد معاها لعند نجي بس 😫
سمير..انتوا مايجي من وراكو اﻻ الهم طيب أكثر من أسبوع مش حستحمل دي خﻻص كبرت وعايزة بيبي ستر 😜
سوما..واللهي ماتحشم علي وجك عارفه انك حتبيعها بعد اطيح هيا ساعه ونرن
سمير..قلة أدب صحيح سﻻم
سوما..سﻻم
يانعليا يحرق الدم ويجعون كيف متحملته ماما ووووه هذا كان العصمة في يدي اول مايقول حبيبتي نطلقه بثﻻثه😁 خزي رجاله اخر الوقت