أحببتك وتزوجت أخاك

الجزء الخامس

أحٍـبْبْتٌــگ ۆتٌڒٍۆجٍــتٌ أخـآگ💕

سيف..كنك سكتي مش قتلك نستناك انا ماصدقت رنيتي تقولي غالطه
سوما..مش عارفه شن انقولك دكتور
سيف..قوليييلي سيف اسمي سيف
سوما..امبه ان شاء الله نستأذن منك توا بنرقد
سيف.. ههههههه تي تهايالك بعد خطرها كيف حال امك
سوما..أعطاتك عمرها😞
سيف..ﻻ اله اﻻ الله عظم الله اجركم امتي توفت
سوما..اجرنا واجرك علي الله وحكيتله شن صار معايا الفتره هذه كلها وهي سنة ونص....
سيف..ﻻحول الله ربي يصبركم هذا كله صاير معاك ومتحمله ربي يكون في عونك و ان شاء الله من اليوم انسيك كل شئ مريتي بيه وانا نبيك حﻻلي ياسوما وام لعيالي شاريك والله من يوم ماشفتك وانا بالي عندك
سوما..ااا بس
سيف..اششش مترديش شئ انخليك ترقدي وفكري في كﻻمي اناا نبيييك ومستحيل نسيبك
سوما..ان شاء الله(بدينا في الوعود والكﻻم هذا كله هكي 😓في اﻻول دوه ووعود وكﻻم ووعود وفي اﻻخر يطلع عيل ويفوتك) تصبح علي خير
سيف..وانتي من اهلي
رقدت ومشي كم يوم ومشيت الجامعة نفس الروتين قرايه ونتﻻقي مع خوله وعرفتني علي بنيه اسمها سها ونروح حوسه وغدا وغشاء وضم وهكذا وسيف قعد يرن عليا تقريباً شبه يومي ويهدرز عادي مواضيع عامه ومحكش علي روحه وﻻ علي هله شئ لعند في يوم..
سوما..سيف
سيف..عيونه😍
سوما..انت مسألتنيش وﻻ مره كنتي تعرفي حد قبلي وﻻﻻ وانا بنقولك..
سيف..اشششش منبيش نعرف وميهمنيش متأكد انك بنت شريفه وبنت حﻻل ومستحيل اديري الغلط ولو سمحتي معش نبيك تعاودي الدوه هذه منبيش نحط شئ في بالي خليني كيف ماعرفتك وكيف ماخشيتي قلبي
سوما..ان شاء الله ((معقولة في حد هكي في الدنيا😲 كيف منبيش نحكيله علي سالم ياربي ريحلي بالي)) ....
بس انت محكيتليش شئ علي هلك حتي لعيت من مقتليش .
سيف.. تمام انا لعيت الحمروني
سوما..امبه بالجوده نستأذن انا نعست
سيف..نوم العوافي تصبحي علي خير
سوما..وانت بخير
سكرت منه وقعدت نفكر انا معش نبي نتعلق في حد اخري انا خلاص معش بنحكي معاه وكان عندي فيه نصيب حياخذني..

هذي قصتي مع سالم وسيف وبنت عمتي وماما الله يرحمها تذكروا بعد قَلُتٌ 
(وجا في وجي سالم و قلت #قبل_سنتين )..
توا نكمل بعد طلعت من الكفتيريا وجا في وجي سالم ومعاه إلهام انا نبحت فيهم ومصدومه😱😲 اوكي عارفتكم علي عﻻقه وخدعتوني وغدرتوا بيا وسودتوا عيشتي بس انا ما نستهلش هذا كله منكم كنت مكمله طريقي وبنمشي كلمتني...
الهام.. يا سومااا
سوما..😲
الهام..متبيش تقولي مبروك خطبتي انا وسلومتي اﻻسبوع الجاي😜 بيش اتفضلي
سوما.. (وهو يبحت وكيف اللي عاجبته دوتها قصدك بجد مصدق اني خنتك ) اه امبه ربي يتمم علي خير
الهام..تسلمي عيوني لعقبالك عاد
سالم..ﻻ في هذه اطمني شكلهم العرسان واجد مش حتوحل😒
سوما..مصدومه هذا حبيبي 😱معقوله يحكي عليا انا هكي مش عارفه كني تبكشت وقلبي وقف اااه وجعتني وجعتني صبرك ياربي ..اعطيتهم بظهري وكملت طريقي وقعمزت تحت الشجر في قسمي لحقتني خوله سيبتها مع البنات في الكفتيريا...
خوله..بيبتي بسم الله كنه وجك اصفر
سوما..نضت نبكي ولميت دموعي بالغَصٍبْ
خوله..اكيده شفتي سالم والهام صح
سوما..غدروا بيا يا خوله قهروني باعني انااا معقوله ياربي صبرك😥
خوله..من زمان كنت بنقولك لكن مقدرتش حتي في عزاء امك كنت بنقولك لكن مقدرتش كانت نفسيتك تاعبه ومبيتش نزيد عليك
سوما..كيف عرفتي
خوله..من البوستات اللي ينزلوا فيهم لبعضهم ع الفيس و هنا شفتهم كم مره مع بعضهم
سوما..شفت محادثتهم ع الفيس مره من ﻻبتوب الهام لكن قلت مش درجه علي عينك ياتاجر في وسط الجامعه ولعند الكفتيريا وامتي لحق تعرف عليها وبيخطبوا اااه سلومه😞😢 بيخطبها يا خوله بنت عمتي ازف حي عليا يعني بنقعد ديما نشوف فيهم مع بعضهم حرقوني حسبي الله ونعم الوكيل فيهم
خوله..اكيده تعرفوا من بعد دزتله المسج اللي ع الفيس هي اللي لئيمه😒 وبرمت عليه ان شاء الله ما اتهني معاه ربي يفرق بينهم بموته تشيلهم متحرقيش دمك طنجره ولقت مغطتها مرضي كيف بعضهم
سوما..تي محرم عليا حتي الفيس والنت حتي بعد سيبني مدرتش مزلت حاطته بين عيوني مخليني كيف الجاهله وهو نازل فيها هدرزه معاها وينزلوا في حاجات لبعضهم حتي اسمهن مانعرفه وين يفتح
خوله..هههههه بوستات😁 قصدك ضحكتيني عطك الخير واللهي انديرلك فيس خليه ينطح راسه في الساس
سوما..ههههه صار ينطح😏 ﻻفكيني ماعندي عليش نقهر في روحي عارفه نكملها ندور فيهم هيا بابا يرن شكله جا انتﻻقوا
خوله..ديري بالك على روحك ومتحرقيش دمك
سوما..ان شاء الله تشاو
روحت ونفس الجو والروتين في الليل رنيت علي سيف..
سيف..وبه اللي خطرت عليك
سوما..كيف حالك اليوم
سيف..توا عسل واجد عرم ملحد بكل وانتي
سوما..هههه ان شاء الله ديما انا الحمد لله..بنقولك حاجة
سيف..حتي حاجات ادللي
سوما..كان تبيني جديات نعطيك رقم بابا وكلمه
سيف..تحكي بجديات يا سوما😍
سوما..اها
سيف..تي رقمه قاعد باتك نرن توا عادي😘
سوما..ﻻﻻﻻﻻ كنك خرياط الوقت متأخر توا
سيف..تي انا اللي متاخر بكل
سوما..ان شاء الله خير
سيف..خﻻص بكره بإذن الله نكلمه
سوما..ﻻ احكي مع هلك قبل😳
سيف..هلي مش فاضيين توا مع اني انا الكبير بس انتي اللي طولتي عليا
سوما..عليش كنهم
سيف..اهو امور عائليه بعد تقعد عندي تو تعرفي كل حاجة عليهم ومنحبش ندخل حد في حاجة تخصني لعند نتمها للاخير
سوما..اهاا ان شاء فيها خيره خﻻص نخليك تصبح علي خير
سيف..ان شاء الله وانتي من اهلي
سكرت من سيف ونفكر كني قتله هكي هذا كله مكر😱 في سالم اااه ياربي خﻻص معش بنحكي معاه لعند يجيب هله بإذن الله...
ثاني يوم رن علي بابا ودواله لكن بابا ماقالي شئ هو رن رن مرديتش دزلي مسج سومتي اليوم اتفقت مع عمي وبعد يروح من السفر نتفقوا ..
جا اسبوع خطبة سالم ومبيتش نمشي واصﻻ بابا مسافر شغل وحتي اموله ممشتش عندها امتحان تمت خطبتهم وانا معبرتهش بكل ان شاء الله تموت😡 روح بابا بعد خطبتها باسبوع وميندرش قتله انخطبت وخﻻص بابا معدلش ميحبهش اصلا قالي ربي يهنيها..وفتح معايا الموضوع
بابا..حتي انتي ان شاء الله نفرح بيك جا واحد طلبك مني
سوما..من هو ضاربه استعباط😏
بابا..تذكريه الدكتور اللي بعد مرضتي في خبر امك مريضه وعاينك
سوما..مش عارفه مش مركزه 😒اهااا اذكرته
بابا..خﻻص هذا هو شن رايك
سوما..الراي رايك يا بابا
بابا..يعني موافقه انكلم الراجل
سوما..امبه وانتوا كيف نسيبكم بروحكم😞
بابا..تو نزوح حتي انا 😁
سوما..كيف اماﻻ واتيه العروس
بابا..ههههه خلينا فيك
سوما..امبه علي خيره ان شاء الله
بابا..ربي يهنيك يا بنيتي راجل الله اكبر عليه عاجبني ويعتمد عليه
سوما..ان شاء الله خير
بابا..امبه فزي من قدامي قول في جامع قاعده😡
سوما..ههههههه امبه
وهكي اتفق هو وبابا ومن غير رؤيه شرعيه عشان شايفني وشايفته في المستشفي وبابا اتفق معاه علي دفع رجاله وخﻻص قاله معندنش صبايا وسيف قاله نبي دفع وفاتحه عشان الفرح مش حيطول واحتمال نطلعه انا وخويا مع بعضنا بابا وافق..جا يوم الدفع  وبابا ما كلمش راجل عمتي عشان ماعطش علم وﻻ كلمه حتي بالتليفون وعزمه علي دفع الهام فاته 😥.. تعرفوا وهدرزوا الرجاله وكان جاي باته وعمامه وخواله وجده المهم مني منك عرفوا انه نفس العرب اللي خطبوا الهام هما نفسهم اهل سيف😱😭 بابا مادققش ع الموضوع عشان عادي مش مهم مايندريش علي الكارثه اللي طحت فيها انا😲 ..
بابا..ان شاء الله الف مبروك بنيتي الحمد لله هذا وين تهنيت عليك رجاله مزبوط تي حي مقتلش
سوما..الله يبارك فيك شنو عيوني
بابا..ههههههههههه انتي والهام بتقعدن سلفات😁
سوما..نعم!! كيف؟ شن تحكي 😳
بابا..طلع خطيب الهام سالم خو سيف يا سبحان الله
سوما..شن تحكي كيف تجي هههه ﻻﻻ تهايالك لعيت الحمروني سيف وسالم لعيت بو نقطه
بابا..ههههه كنك هبله انتي عيت بونقطه لقب يرجعوا لعيت الحمروني يقولوا حمروني ويقولوا بونقطه
سوما..انا دخت وفقدت الوعي

أحٍـبْتٌتٌگ وتزوجٍتٌ أخـآك هڏآ نْصيَبْيَ منْ آلُحٍـيَآةّ يَآ أخ زوجٍيَ أرآك مع غَيَريَ ۆﻻ أحٍـرك سآگنْ أسمحٍح لُيَ گرآمتٌـيَ ُﻻ تٌسمحٍ بْآلُتنازلُ أگثْر...
َ
بابا..سوما بنيتي كنك نوضي متفجعنيش امااااال جيبي اميه ﻻختك
امل..هاك يا بابا كنها شن صار
بابا..ﻻ اهي ناضت اكيده هبوط من حوسة اليوم
سوما..نبكي ونعيط اااااه حي عليا حي عليا ووووه 😥😩ياربي خوذني وريحني
بابا..تي كنك بطلي عياط شن فيييه كنك احكي
سوما..فطنت لروحي 😳اااه يا بابا كيف بنزوج وماما كيف سكرت سنه
بابا..بطلي هبال ههههه ربي يتمم علي خير فجعتيني وخﻻص عدي تريحي في دارك
سوما..ان شاء الله...خشيت لداري ولقيت سيف ران 4 مرات وسالم 25 رنه حي عليااااا😱😭
......يَتٌــــــبْع........

آنْ شُآء آلُلُہ تٌعجٍبْگم 👍
#safa_alabar... ♡