أحببتك وتزوجت أخاك

الجزء التاسع

أحٍـبْبْتٌــك ۆتٌـزوجٍــتٌ أخــآك 💕...

آلُحٍـــلُقَةّ آلُتٌـــآسعةّ 9..

سوما..وين ماشي وين شااايلني انت مش طريق حوشكم هذه في شنو تشرب حي عليااااا كنك انت مش طبيعي
سالم..في شنو اديري علي من ترني هاتي هاااتي الموبايل
سوما..حرام عليك هكي شن تبي مني خلاص اللي صار صار معش نقدروا نغيروا شئ فكر بعقل يا سالم وين ماشي
سالم..اسكتي فكيني من القطاف

بعد #3ساعات ...

سوما..وين المكان هذا عليش جايبني هنااا
سالم..نحنا في شحات توا هيا انزلي
سوما..منش نازله تحسابني مش حنحكيه لسيف هذا كله واللهي حنحكيله اللي صار كله
سالم..هههههههه 😒 هذا لو شفتي وجه مره اخري هيااا انزلي حتقعدي هنا لعند نجيك وكل حاجة فيه جوا هياا سﻻم يااا حبي
سوما..ساااالم حرام عليك واللهي اللي تبيه يصير مديرش هكي الله يربحك سااالم افتحلي افتح الباب
سالم..تشاااااو

*روح سالم لحوشهم ..
سالم..السلام عليكم
امه+باته..وعليكم السلام
سالم..كيف وين ساره
ساره..اه عيوني في المطبخ قاعدة😘
سالم..وبه ربي يعطيك الصحة كيف ساره فرحانه بمراة خوها عشان هي اللي ادير في العشاء
امه..كيف جايه اليوم كنها ماجت بدري😒
سالم..عنجد هذه حطيتها امبدري قدام الحوش ومشيت نكمل في كم حاجة
باته..شن تحكي انت كيف حطيتها قدام الحوش ومستنيتهش لعند تخش
امه..حي علينا الستر ياربي
سالم..هذا اللي صار ياباتي مش صغيره هي نستناها لعند تخش شن دخلني انا كثر خيري اللي جبتها كلمتني قالت تعال خوذني
ساره..يانعليا ﻻحول الله بلكي صارت حاجة في حوشهم ورنوا عليها روحت دغري
امه..رن علي باتها شوف وينها
باته..ﻻ يامسكينه وقت متأخر توا ان شاء الله مافيه اﻻ كل خير اكيد كيف ماقالت ساره
سالم..ﻻ صح الوقت متأخر الصباح رباح بكره كلمه وﻻ نقولك تو نمشيله انا عيب بالتيلفون واكيده عندك عمل انت خﻻص ماعندي شئ بكرا نمشيلهم
باته..وبه تمااام هيا حطوا العشاء

ثاني يوم الصبح..
طلع سالم برم برم برم في البﻻد ورن علي باته
سالم..ايوا باتي
باته..أنعم سلومه شن صار معاك
سالم..ﻻ الحمد لله فعﻻ كيف ماقلنا انا حطيتها من هنا ورنت عليها أختها مش عارف من توفي عندهم خذت تكسي وردت
باته..ﻻ اله الا الله معقولة بس تروح في تكسي كان رنت علي حد مننا
سالم..واللهي ماني عارف ياباتي هذا اللي صٍآر المهم كان كلمك سيف متقولش شن صار تو يتعصب منها وﻻ حاجة 😒
باته..ان شاء الله خير
سالم..واهاا انسيت انقولك راه موبايلها طاح منها خرب المهم اطمنوا انتوا ماحدها سوء
باته..اهااا وبه به ان شاء الله خير هيا مع السلامة
سالم..مع السلامة

سكر سالم من هنا وعلقها لعند سوما وصل قريب العصر وفتح الباب وخش..

سالم..سمسومتي عيوووني
سوما..لعنة الله عليك ياتعبان ويا مريض حول بنطلع حوووول تعبتني الله يهدك
سالم..اشششش مستحيل تطلعي اﻻ بعد نقول😁
سوما..شن تبي فيا شن فيه في راسك شن تبيني اندير تي اكيده هلك وهلي حيعلموا كنك تفهمش
سالم..ههههه ﻻ نفهم ياسمحه ومحد حيعلم باتك يحسابك عندنا وهلي يحسابوك في حوشكم بس ياشطوره طبعاً قلت لهلي اني حطيتك قدام الحوش ومشيت وبعد روحت ياحليوه سألت عليك ههههه طبعاً كنتهم حبيبتي مخشتش للحوش فقلت تو نرن علي باتها ونسأل وياعيني صدقوا اني كلمته وكنتهم السمحه حرااام عندها حالت وفاه وروحت
سوما..هييييييه يامريض ياحقير كنك انت كنك شن تبي بتلبسني تهمه حي علياااا 😢😨شن يخلي فيا نركب معاااك الله يسامحك يا بابا الله يربحك سالم روح بيا نوعدك حنطلق من سيف لكن نطلق وانا سمعتي نظيفة مديرش فيا هكي
سالم..ههههههههه دا كان زماااان يا اموره زمااان كنت نبيك تطلقي بس توا تؤتؤ😏 مايردليش حقي الطﻻق هيَا شويا وبنجيك بﻻ هرجه
سوما..ااااه وينك يا بابا وياغيبتك ياسيف حسبي الله ونعم الوكيل

سالم..ايوا
امه..ايوا سلومه
سالم..قتلك يا امي بايت مع الجماعه في مزرعه متنشغليش
امه..وبه وليدي دير بالك علي روحك بس
سالم..مع السلامة

سالم..سمسومتي
سوما..حسبي الله ونعم الوكيل فيك بنرووووح يا سالم 😩
سالم..ﻻ يا عيوني بايت حتي انا هنا
سوما..ساااالم ان شاء الله تموووت ﻻحول وﻻقوه اﻻ بالله شن اندير في روحي انا
سالم..هههههه تخفيش مش شورك 😏 انا بنرقد في الصاله خشي اندفسي جوا

بات سالم 4 ايام ويمشي ويجي علي سوما وهي منهاره وفي حاله وﻻ تاكل وﻻ شئ تأزمت حالتها بكل ..

سيف..الوو السلام عليكم ياعمي
محمد"بات سوما"..وعليكم السلام اهلييين سيف.. كيف حالك وين قاعد شكلك روحت
سيف..واللهي الحمد لله ياعمي توا كيف نزلت من الطياره في طرابلس كيف حالك انت وكيف حال سوما والعيال
محمد..الحمد لله كلنا بخير وسوما عند هلك لها قريب خمس أيام لكن مفضيتش والله نخطم عليها غادي عارف الشغل مايكمل ومتحشم مع باتك نرن عليه ليا زمان ماشفته ونكلمه نسأل علي اسماء مش حلوه
سيف..وبه تمام ﻻﻻﻻ ياعمي معقولة محشوم والله كلنا عارفين الظروف لكن سوما نرن عليها مقفل مافيها شئ هي و ان شاء الله المغرب نكون في بنغازي انا
محمد.. بارك الله فيك ﻻ الحمد لله ممكن جهازها خارب توصل بالسﻻمه وليدي في امان الله
سيف..ان شاء الله خير مع السلامة

طبعاً سالم وهو مسافر مقدرش يرن علي حد اﻻنه ممنوع كمل 4اسابيع وهو في المستشفى مخلوهمش يطلعوا بكل وممنوع يتواصلوا مع حد والدوره شغلها يومياً 18 ساعه فيها فترات الفطور والغداء والعشاء بس والباقي يتريحوا ويرقدوا فيهن وارهاق بكل..

سوما..سالم الله يربحك سيف بيروح يا اليوم يا بكرا خليني نروح نوعدك منقولش لحد
سالم..من قالك في اليومين هذينا
سوما..اصلا مدة الدورة 4اسابيع بس
سالم..ساهل بﻻ صدااع😒
سوما..يااااربي خوذني وريحني تعبت الله ﻻيسامحك ياسالم الله ﻻيسامحك نادمه ع اليوم اللي عرفتك عليك عرفه سوده علي راسك
سالم..وعلي دوتك هذي حتي موبايلي قفلته ويفهموها كيف مايفهموها

بعد كم ساعة
سيف..السﻻﻻﻻﻻم عليكم
سارة..سيفووو حمدلله علي السﻻمه حبيبي وحشتنا😍
امه..مرحبتين وليدي حمدلله علي السﻻمه
سيف..كيف وين باتي وكلمي سوما ياسارة
ساره..بابا كيف طلع و سوما في حوشهم...

....يتبع....

انتظروا الحلقة الاخيرة 😊
#safa_alabar