أحببتك وتزوجت أخاك

الجزء العاشر والأخير

أحٍـبْبْتٌـــك ۆتٌزوجٍـــتٌ أخــآك💕

الحلقة العاشرة واﻷخيرة...

سارة.. بابا كيف طلع وسوما في حوشهم
سيف..كيف امتي روحت
امه..كنك بسم الله وجك نصفر ماجتش مراتك بكل
ساره..بس..
امه.. ساااره صبي جيبي ميه لخوك😒
سيف .. كنه موبايلها مقفل تي وينها كيف تندروش عليها امبدري مكلم عمي وقالي لها خمس ايام هنااا
ساره..هاك اشرب واللهي ماني عارفه منندروش علي شئ علمنا علمك
سيف.. تي ازف نسيبكم كم أسبوع ماندروش عليها وكنه الزفت سالم قافَل موبااايله هذا وقته
امه..له قريب اربع أيام في المزرعه مع اصحابه

سيف..الوو السلام عليكم ياعمي
محمد..مرحبا سيف حمدلله علي السﻻمه كيف وصلت شكلك
سيف..الله يسلمك اها واللهي كيف خشيت قتلك ياعمي سوما جنبك
محمد..كيف!! مش قتلك لها خمس ايام في حوشكم
سيف..ياعمي كييييييف اسمااااء وين محد يندري عليها قالو مجتش بكل
محمد..تي وطي صوتك كيف مجتش جا خوك سااالم وخذاهااا من عندي سالم وين بنتي شن درتوا فيها
سيف..ﻻحول وﻻقوة اﻻ بالله بلكي حطها عند حد من اقاربكم لكن مترنش علي حد تو نعاود عليك ياعمي
محمد..حسبي الله ونعم الوكيل اخلقلي بنتي كيف ماخذيتوها جيبوها
سيف.. ان شاء الله خير مع السلامة

سيف..اممممي ولدك الزفت مع من ماشي من اصحابه
امه..واللهي ماني عارفه ماقالش عارفه خوك انت
سيَفَ..😒

سيف..الووو باتي
باته..اهلييين حمدلله علي السﻻمه
سيف..سااالم وين ياباتي
باته..بسم الله كنك
سيف.. سااالم مع من ماشي اسمااااء وين شالها
باته..ﻻحول الله اهدا مافهمت شئ في بدايه اﻻسبوع جابها خوك وقال هي رنت عليا بتجي لحوشنا جابها وحطها قدام الحوش لكن بعد روح سألنا عليها قلناله ماخشتش وثاني يوم مشي لباتها وقاله روحت في تاكسي وعندها حالة وفاه
سيف..تي تلعبوا بيااا انتوااا كل واحد كﻻم
باته..ﻻحول الله كلم جماعته اللي تعرفهم واسألهم عليه شويا ومروح انا
سيف..مع آلُسلُآمه

سيف..الوو ياعمي توا باتي قال بعد كلمت سالم وجا خذها حطها قدام آلحوش ومخشتش وروحت في تآكسي عشان عندكم حاله وفاه
محمد..سيييف تلعبش عليا انت وهلك بنتي ويييين سالم جا خذها وقال امك واختك مرايفات عليها وهي مكلمتش حدِ وبنتي من يومها ﻻ شفتها وﻻ حكيت معاها ومعندنش حالة وفاه سيييف نفهم بنتي اليوم تكون عندي.

سيف..امممي ساااره
امه..شن صار طمنا
سيف..انتن دزيتن سالم لعند أسماء وقلتنله جيبها
ساره..ﻻه
امه..ﻻ مدزينش هي قالت بتجي
سيف..حسبي الله ونعم الوكيل وانتوا ماينعبي عليكم بنت الناااس ويين رآآآاحت

سيف..الووو حسام
حسام..اهﻻ يابرو
سيف..بنسالك ماشفتش سالم
حسام..ليا كم يوم مشفتش وامس رنيت عليه بنمشوا نباتوا في المزرعه لقيته خارج التغطية ان شاء الله خير مافيش شئ
سيف..اهااا ﻻ خير غير محصلنش والوالده منشغله ممكن خدمه
حسام..تفضل اكيد
سيف..انا عارفك اقرب حد لسالم ياريت تكلم اصاحبكم وتسألي عليه معنديش ارقامهم
حسام..حاااضر من عيوني تو نحكيَ معاهم و نكلمك بعدها تم
سيف..تم مع السلامة