أحببتك وتزوجت أخاك

الجزء السادس

أحٍـبْبـــتٌگ ۆتٌڒٍۆجٍـــتٌ أخـــآگ💕

آلُحٍـلُقَةّ آلُسآدِسةّ 6..

وخشيت للدار لقيت سيف ران 4مرات وسالم 25رنه هيييييييه 😱😥حي علياااااا اكيده عرف ووووه علي معيشتي السوده مانعرف نصرف وماني كيف البنات كني ماسألته كني ماتأكدت من هله ليييش هكي يا نعليااا كيف بندير انااا...
رن الموبايل في يدي..ساااالم😨
سوما..😓
سالم..الووو اسماااء
سوما..😓😥
سالم..ساكته ماااه يابنت ال....
تي كيف شن درتي انتي حي على امك يا تعبانه هو اللي لقيتك تهدرزي معاااه ومشغول واللهي نسود عيشتك واللهي نخليه يطلقك يا...
سوما..واللهي ماكنت نعرف😭
سالم..مكنتيش تعرفي يا... تي خويااا ازف خويااا معش فيه رجاله اﻻ هو بنت حرااام انتي حسبي الله ونعم الوكيل فيكي حسبي الله ونعم الوكيل فيكي
سوما.. احترم نفسك واحكي باسلوب واللهي ماهو اللي كنت نهدرز معاه ماكنتش نحكي اصلا الهام كانت ترن عليا
سالم..بتكذبي توااا بتكذبي تي حرام عليك ارحميني ارحميييني كرهتيني في عيشتي تي تحشمت انقوله كانت حبيبتي تي مراته انتي توااا مراااااته يااااربي الصبر
سوما..حسبي الله ونعم الوكيل فيك انت اللي دمرتلي حياتي وصاحبت بنت عمتي وخطبتها شن تبيني اندير مش في ايدي واللهي العظيم ماعندي علم واللهي ماكنت عارفه وتربت ماما شافني في المستشفى كنت مريضه واللهي ماخنتك الهام كانت ترن عليا وتسكر
سالم..هيا تشاو😡 يا بنت ال... حتي صوتك مش طايقه
سكرت وقعدت نبكي حي علياااا 😥😢شن درت انا شن الحل ياربي مايحكيله ياربي حرام سيف ماضرنيش بشئ 😞كنت بنحكيله هو مبش يسمع ياربي رحمتك..رن سيف..
سيف..سووومتي مبروك علينا 😍
سوما..الله يبارك فيك
سيف..كنه صوتك باكيه😲
سوما..كنت نبكي كيف بنسيب بابا والعيال بروحهم بس "حي عليا قعدت كذابه بدعه"
سيف..هههههه هبلتي تي كل يوم نحطك عندهم غير متبكيش😜 خلينا فرحانين اليوم اسمعي راه دوبك شهر وتي روحك ونطلع الفرح
سوما..كيف شهر ماقليش بابا😱
سيف..واني قتلك انا بنطلعه مع خويا حتي هو خاطب له اسبوعين تقريباً وﻻ متبيش معاك وحده اخري😝
سوما..اه مشاءالله ااا اهاا منبيش عاد هيا ليله تٌبي ۆحٍـدِہ آخـريَ تٌشاركني فَيَها

"مآنْآقَصٍنْيَ غَيَر آلُهام يَطًلُع فَرحٍـيَ معآهآ"

سيف..هكي رايك خﻻص اللي تبيه يصير عارفه تو نطلعه قبلهم معناها😁
سوما..كيف قبلهم وانت قلت شهر بسرعه هكي حتي مانلحقش نوتي حاجتي😫
سيف..مافيها من حاجتك شنطة دبشك بس ماتجيبي شئ معاك
سوما..كيف هكي متجيش وبتاتي😓
سيف..قلت شنطة دبشك انا بس شقتي مش ناقصها شئ😒
سوما..ان شاء الله خير حاولت نبعد الفرح لكن مقدرتش😓
سيف .. هيا نخليك جوني الجماعه عيَونْيَ
سوما..امبه تشاو
نضت نعيط ونبكي أخري 😭😢خﻻص حصلت مفيش حل ومنبيش نطلق اناا كيف نقعد مطلقه مزلت صغيره😞 اااه ياربي..
مشي اسبوع وانا نهدرز مع سيف عادي وسالم معش رن وممشيتش للجامعه جا اﻻسبوع الثاني وهو يوتي للفرح وهله جو دارولي تلبيس😳 واعطوني فلوس الفرح وجن عاد عماتي لكن البقره الهام 😒مجتش اكيده طايحه عليها حيطه هي صح وجعتني كأنْها ضحكه علي سيف بس هو مبش يسمع مني لكن لنقاااانها بردتٌ عليا😏 رديتها في سالم..شريت دبشي وحاجتي اللي ناقصتني وسيف حدد الفرح مزال عليه أسبوعين بس ومستغربه في سالم لعند توا مقالش لُسيَفَ ومشيت الجامعه عزمت صحباتي وخذيت اللي فاتني الفتره اللي فاتت ووصيت علي المحاضرات يسجلنهن ليا الفتره الجايه عاد ماحتي جيت عروس😁 وسيف مانقصش شئ كل حاجة دارها ليا وحجز القاعة والعشاء عليه وبابا تحشم منه محوتك ماخﻻه يدير الديكور ويجيب الفرقه المهم من هالسريب جا اسبوع الفرح وجنا عماتي وصبايا عمامي وبناتهم وحوسه لكن الهام مجتش😒 .. طلعت انا وبنات عمتي خوات الهام وشالتنا اريج بنت عمتي الكبيره تسوق نحجز في الفيلو والكوافير..
سوما..شن رايكن في هذا يابنات😃
أريج (بنت عمتي)..حي يهبل بكل هييييه يجنن خشي قيسيه😍
سوما..امبه هيا ..وقسته وجا علي مقاسي بالضبط
أريج..ناعليااا تزوجيني 😘
سوما..ههههه بطلي يافرخه شن رايكن😄
إبتهال(بنت عمتي)..يجنن يا سوما ملكه طالعه الله أكبر ربي يحفظك
إكرام(بنت عمتي)..قتلك سمسومتي مزلت نكون في روحي آنْآ آصبْريَ علُيَآ 😁ورأس امي طرف حي علينا تو يعطوك بعين
سوما..ههههه عطكن حبه نعني مانفقدكن😜 نعتمده يعني حتي انا حبيته
اريج..هاكي فونك من بدري يرن
سوما..اهاا هذا سالم ااا 😳قصدي سيف "والبنات يبحتن في بعضهن كني نعجن في الدوه😢"
الوو سيف
سيف..اهلين عيوني مزلتي ماروحتي
سوما..اهاا توا كنت نقيس في الفيلو خﻻص ان شاء الله هو اللي بناخذه بس مزال الكوافير
سيف.. حي ماشاءالله وبه بنجي انا😘
سوما..وين بتجي ﻻﻻ
سيف..تي مراتي كنك نعطيك ذوقي فيه
سوما..ﻻﻻ فال مش كويس وبعدين كيف ذوقي مش حلو يعني😏
سيف..هههههه اللي يقدر عليك يحاسبني خﻻص اللي يريحك بس شن اسم المحل
سوما.."اﻷميره " عليش
سيف..خﻻص احجزيه و أنا تو نجيه
سوما..كيف عليش كنك واللهي سمح
سيف..تي مش هكي تو نخلصه انا
سوما..ﻻﻻ ماه اعطيتوني فلوس الفيلو
سيف..خﻻص عاد كلمه يا سوما😒
سوما..ﻻﻻ سيف متجيش هكي قاعد حقه وبعدين إجار هو بس انا اول لبسه😁
سيف..نعم عنجد تلبسه وحده أخري بعدك ﻻﻻ خﻻص كلمه😡 وديري كيف ماقتلك ساعه ونكون غادي
سوما..بس ياسيف 😓
سيف..خﻻص يا سوما ديري اللي قتلك عليه هيا عيوني عندي كم حاجة نديرها توا
سوما..امبه مع السلامة
هييييه يا بنات قالي احجزيه وتوا نجيه نأخذه انا وقالي ميبيش أجار بيشريه
أريج..ما شاء الله ياخيه عليك الجنتل😁 ميرضش وحده تلبسه بعدك
إبتهال..ربي يهنيك يا خيه هههههههه حي علي الهام تو تركب في سالم😂
سوما..😏
إكرام..ههههههه هالكلوط وحصله ماحبيته بكل مش كيف سيف ناعليا😘
سوما..ههههه لمي روحك يا شفشه😡
إكرام..حي حي طلعت تحس وتغار
اريج..هيا عطكن الخير وقت عالكوافير
سوما..هيا نعدي نتفق مع صاحبة المحل ونطلعو
المهم حجزته باسم سيف وفي نفس الوقت مأنبني ضميري كأنها خيانه😓 ياربي كل حاجة جت حلوه وكيف مانحب وبزيادة لكن فرحتي مكسورة واجعني سيف بكل خزي حسبي الله ونعم الوكيل ياريتني ماعرفته سالم ياربي سآمحٍـنْيَ ..وطلعنا شور الكوافير حجزت وروحنْآ لقيت الهام جايه😒...
انا والبنات..السﻻم عليكم
عماتي وباقي البنات..وعليكم السلام
عمتي (ام الهام)..شن صار حجزتن
اريج..ماشاء الله يا ماما عليك فيلو وعليك ميك اب اختاراته ربي يكمل عليها
إكرام..وسيف الطرف شرالها الفيلو مبش يخليها تأخذ إيجار دعيلي يا ماما عايزه من ده😘😍 هههه نْبْيَ كيف سيف
إبتهال..ههههههه اوكي يا عيزه اتجوز😁 بﻻ نق ع البنت يافرخه
سوما..ههههه نجك ليا ان شاء الله يجيك اللي يستاهلك
إلهام..وعليش مبش إيجار مش اعطوك الفلوس😒
سوما..واللهي هو قالي هذينا اشري بيهن الدبش العادي😏 و حجزت بيهن الكوافير
إلهام..طايح علي رأسه😌
إكرام..حسديه عليك غيره
عمتي (فيروز)..خﻻص خاطن البنت اكيد تعبانه ربي يكمل عليك ياعمري
سوما..تسلمي عميمه😃
المهم مشن اﻻيام بسرعه وجا يوم الحنه وجني صحباتي وباتن ودرنا جو ورن عليا سالم...
هااااه شن يبي حي عليااا وحي😱😳 مرديتش عليه ورن اخري وسكن بكل قريب 10 مرات ردِيَتٌ..
سوما..آيَۆہ😓
سالم..عروس يا سوما تي كيف يأخذك خوياااا تي انحبك انا خنتيني ازف😭 شن درتي فيا عليش هذا كله ظلمتيني خويااا هذا كيف بنقعد نشوف فيك معاه ننجن واللهي قريب ننكلب😨 من امس مسيب الحوش كيف بنقعد وهما يوتوا لفرحك معاه كييييف بس كيييف ردي كنك ساكته ادوووي😩
سوما..بنات نستأذن شويا منطولش عليكن
أريج..ههههههه قوليله ﻻحق ع الهدرزة ياسيف هيا عشان تحني
سالم..ياااربي صبرني هديتيني هديتيني واللهي تعبت اناا

أحٍـيَـــآنْآ نْقَولُ ويَـــاليــتٌ آلُزمـآنْ يَعودِ يَومآ لُنْصٍحٍـٍح أخـطًآء آرتٌـگبْنْآهآ آۆ لُنْلُغَيَ أشُخـآصٍ قَدِ أفَسدِۆآ حٍـيَآتٌــنْآ 👎

سوما..مش وقتها الدوه هذه ياحبْ..😱 ياسالم خﻻص بكرا زفتي شن تبيني اندير انت اللي خنتني اﻻول وخطبت بنت عمتي شن متوقع مني نقعد علي اطﻻلك😒 وبعدين وتربت ماما ماكنت نعلم انه سيف خوك قالي لعيت الحمروني ومحكاليش علي هلك شئ خلينا الموضوع رسمي دغري وانت قايلي لعيت بونقطه تبيني نوحا مثﻵ بعد نقرت فاتحتي عرفت تبيني نطلق وانت والهانم متريحين واللهي ماتنكتب عليا انحرق كيف ماحرقتني ومعنديش لكي دوه اخري وشكلك سكران امشي صبي مع خوك أفضلك
سالم..ههههههه هذه دوتك سكراااان اهاا انا سكرااان شن تبي اديري واللهي ماني مخليك في حالك ....

........يَتٌـــبْع.......

ان شاء الله تعجبكم 👌👍
#safa_alabar