أحببتك وتزوجت أخاك

الجزء الثامن

أحٍـبْبْــتٌگ ۆتٌڒٍۆجٍــتٌ أخـــآگ💕

الحلقة الثامنة 8..

حطينا العشاء وقعمزنا كلنا على طاولة اﻻكل وانا اللقمه محوتك ماتنزل ووووه عليا في حوشه قاعده ومع هله وعلي طاولة اكلهم استغفر الله العظيم..وهو مبحتش فيا بكل وﻻ كأنه يعرفني وﻻ كأني قاعده 😓 اصلا مش معبرني بكل ..
روحنا وثاني يوم مشيت لهلي وسلمنا ولقيت عميمه قاعدة غادي وغيرنا جو ..وهكي مشي كم شهر من يوم الفرح وجونا عسل انا وسيف لكن مستغربه في هدوء سالم وليش لغي الفرح ان شاء الله علي خير يارب

بعد مرور #خمسة أشهر....

سيف..ان شاء الله مبروك علينا عيونْيَ😍
سوما..زعميتك بنوته وﻻ ولد
سيف..اللي ايجي من ربي باهي المهم صحته تكون كويسه
سوما..نمشو لحوشنا نقولولهم😁
سيف..نخطموا علي امي قبل
سوما..اه امبه😢

سيف..امممي يا امي
سوما..تي بشويش تفجعها
امه..اهلييييين نورتوني كنكم ان شاء الله خير صوتك عالي
سيف..سوماا حااامل يا امي😁
امه..لللوووووووولي ان شاء الله الف الف مبروك
سوما..الله يبارك فيك عميمه
سالم..كنكم صوتكم عالي و تزغرتي ع الصبح شن فيه😒
سيف..اي صبح الساعه 11 تي بتقعد عم يابرو
سالم..كيف!!😲
سيف..هههههههه شن اللي كيف قول مبروك سوما حامل😘
سارة..حيييي احلي خبر الف الف مبروك
سوما.."ناعليا حتي حملي مافرحت بيه " الله يبارك فيك عيوني
سيف..وين باتي
امه..مزال ماروح عاد غداكم هنا اليوم
سوما..ﻻ ياعميمه مفيش داعي نتعبوك وبعدين مزلت بنمشي لبابا والعيال
سارة..ﻻحقه عليهم بعد تروحوا تخطموا عليهم😏
سيف..خﻻص تمام حتي باتي ليه كم يوم ماشفته
سوما..😒
سالم..مفيش قهوه يا سارة راسي بينفجر😡
سيف..خليك يا سارة تو اديرلنا سوما حتي انا نبي
سوما..هيا حاضر

سيف..وبه شن جوك
سالم..من ربي الحمد لله
سيف..تي طفي دخان وانت كيف نايض شن اﻻستهتار متاعك
سالم..الله يربحك فكني من محاضراتك مش ناقص😠
سيف..تي كنك قول شايل هم الدنيا انت شن صاير معاك من ازوجت وانت مش كيف قبل
سالم..تفوت الموضوع وﻻ نطلع
سيف..ياسوماا وين القهوه
سوما..اهو جيت..تفضل 😓
سالم..معش نبي😒
سيف..كنه هذا
سوما..خلاص خليه براحته
"ركب سالم لداره وانا ضايقت بكل حسيته كاره سيف حتي دوه مع بْعضٍہم معشُ يَحكوا مع بْعضهم وانا مشُ طايقَ يَبْحت فَيَ وجيَ بْگـل"

تٌغَيَـرتٌ يا حبيبي آنْــتٌ لُم تٌعدِ آنْــتٌ ۆأنْـآ لُم أعدِ آنْآ ظّلُمنْآ آنْفَســنْآ ۆ أصٍبْــحٍـتٌ آلُحـيَآةُّ ﻻ تٌـطاقَ حٍـآولُنْآ آلُنْسيَــــآنْ ۆلُگــنْ آلُحٍـب أگبْر منْ آنْ يَنْسـيَ...َ

بعد #7شهور وطبعاً حامل في السابع سيف جاته سفره وبيحضر دوره لمدة اربع اسابيع في كندا وانا مقدرتش نمشي معاه قالولي خطر علي حملك وقعدت في حوشنا مع بابا ولعيال كملن اول اسبوعين ونص الثالث دق الباب...
سالم..السلام عليكم☺
بابا..اوووو وعليكم السلام سلومه نورتنا تفضل
سالم..واللهي ياعمي مستعجل وعندي شغل ان شاء الله مره اخري غير امي وسارة مرايفات علي اسماء وقالنلي جيبها
بابا..به حاضر غير خش تريح علي ما قتلها..

بابا..سوما هيا بنيتي سالم برا عمتك وسارة يبنك
سوما..سااالم!! 😳ﻻﻻ قوله منبش😓
بابا..عيب متجش الدوه هذه هيا يستني فيك بﻻ دلع😡
سوما..بس يا بابا
بابا..قلت هيا تو يزعلوا منك من يوم سافر راجلك ممشيتش
سوما..ان شاء اللہ 😒

بابا..هيا سلومه وليدي تۆتٌي روحها بس
سالم..خﻻص في السيارة انا

سوما..السلام عليكم😒
سالم..وعليكم السلام كيف حالك يا حبيبي😘
سوما..سالم 😥لو سمحت شيلني لحوشكم ومفيش داعي نحكو شئ
سالم..ﻻﻻﻻﻻ كيييف نحنا حنحكوا وحنتفاهموا علي حاجات واااجد من زمااان مفروض حكينا فيهن😁
سوما..الله يربحك سالم خﻻص معش فيه مانحكوا وانا حامل توا بولد خوك ومنبيش نخون سيف😢
سالم..متبيش تخونيه بس انا عادي تخونيني عادي تزوجي خويا عادي تحملي منه عادي تاكلي معايا علي نفس السفره وعادي نشوفك في حوشنا منقدرش نحكي معاااك😡 سومااا تي كيف تعبت انااا تعبت واللهي تعبت مقهووور يا سوما حرقتيني مش عارف حتي نفكر شوفي منظري كيف قعدت حتي الدخان ماكنت نعرفه منك كل حاجة غلط درتها وجربتها نهيتيلي حياتي
سوما..بشوييش سالم الله يربحك 😩 ماتجريش عشااان خاطري حااامل انا كنك متفهمش
سالم..تو نصرف انا
سوما..وين ماشي وين شااايلني انت 😨 مش طريق حوشكم هذه...

#safa_alabar 👍