أحببتك وتزوجت أخاك

الحلقة الثانية

أحٍـبْبْتٌگ ۆتٌزوجٍتٌ أخـآگ💕
الحلقة الثانية 2 ..

مشينا لُلُكفتيريا خذيت حاجة ناكلها وطلعت جا في وجي #سآلُم 😱😒
          #قَبْــــــلُ_سنْتٌـــيَـنْ
"كان حبيبي ومتحمله كل هم وتعب بيه هو كان مصبرني علي كل حاجة شلت مسؤولية حوش وعائلة بدري😞 سآلُم عمره 24سنة واخرله سنه ويتخرج مهندس معمآريَ كنت نحكي لبنت عمتيَ عليه وتعرف كل حاجة عليه نْحٍـگيَلُهآ هيَ بْس😫..وهو نْآعلُيَآ لنقنه طرف سماحه وذوق واخﻻق وولد ناس يعني لقطه علي قولت المصريه وحبيته واآآجد😍 وهذا اللي صار وكيف ماكملنش ...
سوما.. سلومه توعدني تكون معايا ديما
سالم.. انتي حبيبتيَ ۆحياتي ماتكمل اﻻ بيك
سوما..ربي يخليك ليا خﻻص وقت بنرقد بكرا اول يوم في اﻻمتحانات وشهادة ربي يستر😱
سالم.. ويخليك ليا ﻻشطورة انتي ماينخفش عليك خﻻص تصبحي علي خير انحبك باي
سوما.. وانت بخير انموت فيك باي
  .................................................
اول مآگملُتٌ آلُثْانويَةّ ۆفَيَ آلُصٍيَفَ كنت مزلت مع سالم وتقريباً متفقين علي كل شئ لكن من غير علم هلي وهله بيناتنا بس وكنا متفقين انه اول ما نأخذ الشهادة الثانوية يجي يخطبني رسمي لكن بدا يتغير عليا اﻻنه المسؤولية زادت عليا وقعدت فيه مسافة بيناتنا ومنحكيش معاه ديما يعني الحق اهملته بس الله غالب ظروفي هكي ..في يوم رنيت عليه ويعطي فيا تحويل المكالمة انا انفجعت معقولة داير تحويله ليش شن السبب شن فيه عشُآنْ قَصٍرتٌ معآہ شُۆيَآ قعدت 3ايام نرن عليه ونفس الشئ تٌحٍـويَلُ رنيت علي بنت عمتي ...
سوما..ايوا الهام شن جوك
الهام..الحمد لله تمام كيف حال خالو واموله وادهم
سوما.. الحمد لله يسلمو عليك عميمه شن دايره
الهام..قاعدة من الكساد تنش في الذبان وتلقط في العرسان😏
سوما..هههههههه بسﻻمتكن 5شن يمشيكن
الهام.. هههههه يسلمك شن جوك انتي وسالم😔
سوما..لنا فتره طويلة مش كيف قبل وليا 3ايام نرن عليه وداير تحويله
الهام..اهاا بلكي فونه خارب وﻻصايره معاه حاجة.. "احسن اصلا هو احلي منك وانتي مش مهتمه بيه كان يصير اللي في بالي نقعد اسعد بنت في الدنيا"😄
سوما..وين ياشفشه وين رحتي
الهام..اه معاك ياحبي غير ماما تنادي فيا نحكو بعدين
سوما..اوك تشاو😳

سكرت الهام من هنا وعدت فتحت فيس ودور في ايميل سالم وكان دايره #سالم_احمد
اسمه واسم باته واللئيمه الهام حافظه كل حاجة عليه وبالساهل لقاته وحاط صورته دارتله نكزہ ودزتله مسج وين ((الباش مهندس سلومه مش باين منشغله عليك آنْآ سوما قالتلي داير تحويله ان شاء الله مش صاير معاك شئ))..
طلعلها تمت رؤيته وماردش ثقلت روحها ومعش زادت دِۆہ..
     .........................................
أمل..سوما كنك عيوني صايره معاك حاجة
سوما..ﻻ اموله مفيش شئ اشقي بقرايتك😞
ادهم..اسماآآاااء امل سومااا تي وينكن ازف😫
سوما..كنك شن فيه بسم الله كنك تعيط
امل..كنك احكي شن فيه
ادهم..امي يا سومااا امي
سوما..كنها شن فيه وين كنت انت اصلا كنك ترعش احكي😱
ادهم..امي في العناية توا كلمني راجلها جايتها جلطة
سوما..حي عليا ليش يا امي هكي ﻻحول الله ووووه عليا مااامااا ليش ياربي هكي😭😢
امل..مااماا عشتي بعيده علينا وبتموتي بعيده علينا يانعليا😥

بابا..كنكم شن فيه عياطكم برا😒
سوما..ماما يا بابا مااماا راحت
بابا..من يومها رايحه شن الجديد اسكتي انتي وياها صوتكن في الشارع شن فيها كنها
ادهم..كلمني راجلها وقال قاعدة في العنايه جايتها جلطه
بابا..ﻻحول الله هههههه اكيده من الفول والطعميه😄😝
سوما..بابا واللهي ماوقت ضحك شن بنديروا
"امل😒 صبت تجري وخشت لدارها وسكرت الباب اتحسس من موضوع امها وبعد باتها يحكي عليها بتهزي هكي وخاصة في الوقت هذا"
ادهم..كنها هذه سكرت الباب هكي😡أمل يا أماااال
سوما..خليها في حالها اكيده مضايقه..بابا بنمشي لماما احجزلي بنشوفها انا وامل
بابا..ريحي روحك وسكري ع الموضوع من غير نقاش
ادهم..انا طالع مع الشباب برا😠
بابا..مطولش وفكني منه يوسف اللي تصبي معاه شكله بروحه يفجع
ادهم..هههههههه خﻻص تو نلبسه خمار😄 سﻻم
بابا..ﻻحول وﻻقوة اﻻ بالله أمتي يكبر هذا بس
سوما..هيا بنوتي العشاء انا صبيت نوتي في العشاء وجاني مسج من صاحبتي خوله من اﻻعدادي ((سوما توا دزلي سالم علي الخاص في الفيس مش عارفه من وين جاب ايميلي وسألني علي وحده أسمها #هوما_محمود تعرفيها انتي قالي قريبت سوما))
هييييه طح سعدها 😱 ..... يتبع .....

هڏہ ثْآنْيَ حٍـلُقَةّ آنْ شُآء آلُلُہ تٌعجٍبْگم #safa_alabar 😍😘 آدِعمۆنْيَ بمتابعة 👍