أحببتك وتزوجت أخاك

الجزء السابع

أحٍـبْبْـــتٌگ ۆتٌڒٍۆجٍــتٌ أخـآگ💕

آلُحٍـلُقَة آلُســآبْـعه 7 ...

واللهي ماني مخليك في حالك حتزوجوا تمام بس واللهي ماني مهنيك يا اسماء يابنت محمد وقاعدلك يانقتلك ياتقتليني والهام منيش مسيبها خذيتي خويا حناخذها..
سوما..خوذها وﻻ انحرق معش تهمني ﻻ انت ﻻ هي انا معش انحبك خﻻص طلعني من راسك سﻻم يا سلفي.
سالم..انا ننحرق السلفي تو نأخذها انا وقبرك سﻻم.
اريج..هذا كله دوه هيا وقت
سوما..هيا ﻻحقتك.. درت حظر لسالم ومسحت مكالمته ومسجاته كلهن ورنيت علي سيف.
سيف..ايوه حبيبي
سوما..خير ياروحي شن جوك
سيف..يا شنووو
سوما..راه نسكر
سيف..مراتي يالهبله جوي عسل بكل في شنو اديروا انتوا
سوما..توا بيحنوني قلت نسأل عليك قبل مش حنفضي بعدين
سالم..اهاا نجك ليا العروس هههه ربي يخليك ليا قاعد مع الشباب جايبين العكشي وجو توديع العزوبيه عاد
سوما..هههههه عليك جو بنشوفه العكشي عمريش شفته😁
سيف..تشوفي عينك ريحي روحك😒
سوما..امبه صوره ليا بس ورأس سيفو
سيف..ههههه تي ﻻحول الله وبه
سوما..نجك ليا هيا البنات يستنن فيا
سيف..وليا نجك خﻻص ديري بالك علي روحك تنقصك حاجة كلميني تشاو
سوما..حتي انت امبه تشاو

عاد حنني البنات ودارن جو وغنن ودربكن وهرجه ومشي هاليوم علي خير وجا ثاني يوم مع الساعه 3مشيت للكوافير ونستني في دوري وبدن في شعري وكملن التسريحه وجت تهبل بكل وكانت معايا اريج بنت عمتي واموله اختي بس
صاحبت الكوافير..وين اسماء محمد راجلها يبيها
سوما..نعم انا (سيف كنه شن جيبه) لو سمحتي ممكن لحظة منطولش
هااااااه سالم شن جيبك شن تبي كنك مجنون انت 😳😨
سالم..اطلعي امشي معايه توا
سوما..شن تخرف انت لو سمحت امشي وفوتني انساني 😞 مراة خوك انا كنك اريج جوا متحشمش انت
سالم..تحبيه يا اسماء قي شنو خير مني هو عليش خنتيني معاه
سوما..اها انحبه ومنشوفش في راجل اخري بعدہ خﻻص راجلي هذا ومفيش داعي للدوه اللي بﻻ فايده وقت عليا سالم الله يربحك خليني في حالي وخليني نتريح تعبت من هالموضوع انا
سالم..تو نشعفك عليها دوتك هذه واللهي نكرهك في عيشتك
سوما..خطاني لو سمحت باي

خشيت وراعشه بكل حي عليا هذا توا يديرلي وجيج مش حيريحني اناا عارفه كملت وقتلهم بنطلع من حوشنا مش من الكوافير..جا خذاني من الكوافير ادهم وولد عمي انا واريج لكن اموله جا خذاها بابا للقاعه عشان تسبقنا غادي زفوني من حوشنا وخانقتني العبره خﻻص مخنوقه منها مسيبه بابا والعيال وكيف بيديروا بروحهم ومنهآ عارفه انه  مشُ حيريحني سالم ويخليني في حالي ااااه وخﻻص خليتها علي الله واللي كاتبه ليا يصير خشيت للقاعه وكانو اقارب بابا كلهم قاعدين وجيراننا وصحباتي وطبعاً ناس واجد منعرفهمش..قريب يغمه عليا عاد قعمزة وعلي تصوير وتسليم وجو والفرقه مكثر هرجتها والهام مكملتها مقعمزة وتمقل فيا قل اعوذ برب الفلق 😒😠..
وسكتت الفرقه فجأة ونسمع في أسماء الله الحسنى قلبي بيوقف خﻻص😞 خش سيف يانعليتي هههههه نسيت سالم والهام وتقريبا حتي امي عليك السموووح😍 تي كيف حبيت خوه المغولي ثاريتني مسيبه العسل وماسكه البصل ربي يحفظه 😘😘 خﻻص ان شاء الله من هاليوم بننسي حاجة اسمها سالم هو سلفي وخو راجلي وبس وصل سيف لُعنْدِيَ 💝
سيف..شكلي بنبكي😲
سوما..ههههه كنك نفجع انا للدرجة هذه
سيف..تي ملحد واجد بكل الله أكبر عليك سماحه😍
سوما..ههههه مستحيل تسيبهن هالكلمات
امل..تي بوس راااسها وقعمزو يا سيييف مش وقت هدرزة😒
سيف..ههههههه بسم الله أعوذ بالله من الشيطان فجعتيني😡
أمل..😏
سوما..ههههههه
عاد صورنا ودرنا جونا ورقصنا سلووو و علييييك جو يهبل بكل وانا طالعه سلمت علي عماتي واموله والبنات والهام مشفتش وجها لقيت بابا يستني فيا برا في صالة اﻻنتظار عاد لميت دموعي بالغصب😓 وجو العزاء الليبي في وسط الفرح ضروري منا ووصلت لشقتي ..
سوما..ماشاءالله تهبل ياسيف ذوقك يجنن😍
سيف..انتي اللي تهبلي😘
سوما..ربي يكمل علينا ونتهنوا في حياتنا
سيف..يارب آمين

ثاني يوم الصبح كانت طيارتنا مسافرين لروما..المهم كمل شهر العسل وفعﻻ كان شهر كامل وسيف مش مقصر معايه بكل كل اللي في خاطري نلقاه ربي يحفظه ليا ويبعد عليا النكد بلكي ربي كاتبلي الراحه بعد التعب والحزن هذا كله..
روحنا لليبيا ع شقتنا دغري تريحنا وهكي وثاني يوم مشيت لحوش عمتي وكان سالم مأجل الفرح هذا عليش مددنا شهر العسل وخليناه شهر كامل ..

سيف..بعد خطرها يا امي كنه سالم أجل الفرح
امه..واللهي ماني عارفه خوك جايته حاله معش فهمته كنه كل يوم بجو ومتعصب وخﻻص
سوما..بدينا😔
سالم..شنو ياسوما
سوما..قلت ربي يهديه 😁
سالم..اها امبه يا امي نخلوك نحنا مزلنا بنمشوا لنسباتي
امه..ﻻحقين تمشوا بكرا حاسبتكم في العشاء
سوما..امبه خﻻص يا سيف مره اخري نمشوا
سيف..وبه
هدرزنا مع عميمه ومع صبيتي اللي في الحوش وطبْعآ صٍبياتيَ ثْﻻثة وحده اسمها "سارة" واثنين متزوجات "سمر و سارين"..

سارة..صار هكي امبه اللي انسجمتوا انا قلت اكيده استاحشتي عشان عمركش سافرتي اﻻ لمصر😏
سوما.. اه اﻻ عادي معايا سيف عليش بنستاحش😒
سيف..جعنااا نحنا مطولين باتي و سالم شكلهم يا امي
امه..رنيت علي سآلُم قال قاعد في المنطقة قريب يوصل هو وباتك مقلتش قاعدين تو سالم يتحشم ميجيش
سوما.."ان شاء الله مايجي"😞
سارة..اهو عمرهم طويل
سيف..اووو طيوري😁
باتهم..هههههه جيتوا حمد لله على السلامة
سالم..😡
سيف.. هههههه الله يسلمك ياباتي.. كنك سلومه علي اﻻقل قول خير
سالم..ههههه السلام عليكم سامحني يانصي غير عقلي مش عليا 😜
سارة+سوما..وعليكم السلام
سالم..لكي وحشه ياطيري ۆ حٍـمدِ لُلُہ علُيَ آلُسلُآمہ شن اﻻمور
سيف..واللهي انت أكثر آلُلُہ يَسلُمگ
سوما.."ياربي حي عليا قلبي بيطلع ﻻحول وﻻ قوه اﻻ بالله 😨"

((حآۆلُـــتٌ نسيَانــك يا حبيَبْيَ حآولــت نسيانك ياقرة عيني آااه قلُبْي يؤلمني عند رؤيتك أتذكر گل ماعشناه معآ ضحگتك غيرتك نظرتك وعصبيَتٌــك لقد كان أجمل شُئ ياربي خــذ انفاسي في هڏه اللحظة 😞))

سيف..الله يسلمك واللهي جو ماﻻخير ننصحك تمشي غادي بعد فرحك انا وسوما مافيه مكان مامشيناله ..
باتهم..وبه تمام المهم نبسطتوا نمشي نغسل انا قبل العشاء نستأذن يابنيتي متحشميش منا وفينا انتي توا😁
سوما..تسلم ياعمو امبه حاضر
سيف..مطولش ياباتي لنقني جعت.. تي بعد خطرها كنك أجلت الفرح انت
سالم.. خلاص بنلغيه بكل 😒مش متريح الحق
سوما.."حي عليا بيسيبها هااااه يانعليا خاطري نحكي معاه حبيبي كنك مضايق ونقوله كل شئ يهون بما اننا مع بعضنا بنخفف عليه منتحملش نشوفه مضايق هكي"
سيف..ليش ياراجل كنك
سارة..شن فيه عليش بتلغيه وكيف مش متريح مااامااا سمعتي سالم
امهم..كنه بسم الله شن فيه
سارة..قال بيلغي الفرح بكل مش متريح
امهم..كيف مش متريح توا تحكي هكي مش ياما درت عشان نخطبوها 😒وسامحينا سوما بنيتي عارفتها بنت عمتك غير عاد مننا وفينا انتي توا
سوما..ﻻعميمه مفيش مشكله خوذو راحتكم
سيف..خﻻص اجلوا الموضوع هذا مش وقته جعاااان انا😁
امهم .. هههههه هيا حاضر
سوما.. هيا عميمه جايه نحط معاك "وانا خاطري نقعد حتي في الحمام😓 منبيش نقعد انا وسالم في نفس المكان خﻻص نفسي ضاق عليا منقدرش منبحتش فيه ﻻ إراديا والله ساد صوته ياربي تؤ استغفر الله استغفر ربي صبرني"
حطينا العشاء وقعمزنا كلنا على طاولة اﻻكل وانا اللقمه محوتك تنزل ووووه عليا في حوشه قاعده ...

......يَتٌــــبْع.....

#safa_alabar ♡