أحببتك وتزوجت أخاك

الحلقة الرابعة

أحٍـبْبْتٌگ ۆتٌڒٍۆجٍتٌ أخـآگ💕

آلُحٍـلُقَةّ آلُرآبْعہ 4

الدكتور..انا الدكتور سيف☺
سوما..تشرفنا"ناعليا عليك الطرف فيه شبه من سالم "😓
الدكتور..نستأذن انا

دارولي تحاليل واعطوني فيتامينات وفي الصبح..
الدكتور.. صباح الورد يا سوما
سوما..صباح النور دكتور
الدكتور..قوليلي سيف
(أصدفة ام قدر منذ ان رايتك لم يغفي جفني ولم يهدأ قلبي أقدري أنتي)💝..

سوما..سيف او دكتور كله واحد
الدكتور..سوما ممكن سؤال
سوما.. تفضل😲
بابا..السلام عليكم صباح الخير
انا+سيف..وعليكم السﻻم
سوما..صباح الورد بابا جبتلي فوني معاك
بابا..ﻻوالله .. طمنا دكتور
الدكتور..الحمد لله بخير ربع ساعه وتقدر تروح بيها كمل انت اﻻجراءات
بابا..خﻻص هيا شويا ونجي
الدكتور..سوما نقدر نأخذ رقمك
سوما..عليش 😲
الدكتور..سوما انا مش فاهم شئ من اول ماشفتك نفكر فيك اسمعي متلطيهش في وجي هذا رقمي ونستني فيك تكلميني نيتي نظيفة وقصدي الحﻻل يوم شهر سنة 10 نستناك رني عليا😍
سوما.. ان شاء الله خير
الدكتور..انآ حنادي السستر تحولك التغذية
سوما..اوكيَ

جا بابا وروح بيا وحجزلنا كلنا نمشوا المصر 3يوم من مرواحتي من المستشفي مشينا المصر سكرنا شهر ونحنا غادي وماما في العنايه وكل يوم حالتها للأسوء ((اللي مش فاهم ماما ليبيه لكن متزوجه مصري وهي وحيدة هلها وباتها وامها متوفيين عندها خاله وحده وكبيره في السن وعم واحد عايش في بريطانيا وعمتين متزوجات في مصراته)) هههههههه المهم عيله هبله هلها مطرطشين..بعد شهر و10 ايام بالضبط توفت ماما😢 نفسيتي انا وخوتي في الزيرو بكل روحنا بعد اربع ايام ودار بابا العزاء في حوشنا يجو الناس يعزو واغلبهم اصحابنا واقارب بابا مشت اول ليلة و2ليلة حوسه وتعب وارهاق ونفسيتي تعبانه و سالم مرنش وﻻ حتي عزاني رآيَفَتله بكل "خزي قليل اصل" في ثالث ليله مقعمزه جنبي خوله صاحبتي...
خوله .. سوما كويسه انتي توا
سوما.. الحمد لله صح عشت معاها 8سنين وكنت صغيرة 😞ونشوفوآ فيها مره كل بعد كم لكن مهما كان مامتي يآخوله ياانعليا ماما😢 قهرتينا و كبرتيني قبل عمري ااااه😥  ربي يرحمك ويغفرلك ويجعلك مثواك الجنة
خوله..ربي يرحمها هذا حال الدنيا محد دايم لحد كلنا لها..سوما بنقولك حاجة منبيش نزيد همك بس ..
جارتنا..البركه في راسك يا اسماء ربي يصبركم هذا حال الدنيا يا امي ديري بالك علي خوتك وصبيلهم مالهم اﻻ انتي نستأذن انا
سوما.. البركه في سيدنا محمد ان شاء الله بارك الله في مع السلامة ونضت نبكي اخري ااااه يا ماما ماكانت عالبال ولا ع الخاطر😫 يجو يعزوني فيك ..اااه ياربي الصبر شن كنتي تقولي ياخوله
خوله..ﻻ خﻻص مش مهم صبري روحك وهونيها علي خوتك😓
فضت حوست العزاء والناس وفات اربعين ماما وبدت مدرسة العيال وانا ﻻهيه في الحوش وتطييب غداء وعشاء وغسل وضم وكان مزال 15يوم ع الجامعة عدن في غمضة عين ونمشوا مره مره لعماتي وعمي واستمريت ع الروتين هذا ۆمشُيَتٌ آلُجٍآمعہ وكملت نص السنة وفي يوم مشينا لعيت عمتي [أم إلهام] حطني بابا انا وامل وادهم طلع مع اصحابه هدرزنا مع البنات وغيرنا جو شويا..
الهام..سوما كذا تعالي شويا نأخذ رايك في هذه😲
سوما..اه شنو عيوني
الهام..تي نبصر ﻻ راي ﻻسوء غير ماخذيتش راحتي معاك قدامهم شن صار فيك مع سالم
سوما..اي سالم يا مسكينة باعني في اول ظرف .. بس بنسألك 😒في مره قعدتي ترني وتسكري عليا قريب نص ساعه مفهمتش شن فيه وكل ما بنسألك ننسي من كثر الهم
الهام.. ااا كيف اامتي مش عارفه مش مذكره😨
عمتي..الهااااام تعالي شويا
طلعت الهام وكانت مسيبه ﻻبتوب بتاعها مفتوح نص فتحه وكان صفحتها ع الفيس جاني فضول بحتت للمسجات😲 وكانت اول محادثة مع ساااااالم هااااه كيف ليش يحكوا فتحت وكان كﻻمهم يوحي انهم علي عﻻقة ونفس الكﻻم اللي كان يقول فيه ليا يقول فيه لها رديت ﻻبتوب كيف ماكان وانا انصدمت ووجي اصفر 😞خشت هي تجري..
خـوله.. ااااسفه ماما نادتني كنه وجك اصفر فيه حاجة
سۆمآ.."ياحقيره مصاحبه حبيبي وديرلي في طروح خزي اﻻقارب عمرك ما تأمنيلهم أكثر ناس يحسدو ويحقدو والله انا نبحت فيها ومصدومه راسمتلي وجه البراءة لنقني شلت في قلبي وكان انحصل ننتقم منهم بأي طريقه" ﻻﻻ مافيه شئ عيوني صوت بابا جا نتﻻقو😫
روحت ومغلوله بكل شايله في قلبي عليهم😞 ماعرفت ماندير رنيت علي سيف..
سوما.. ايوا السلام عليكم
سيف.. وعليكم السﻻم من معايه
سوما..اااا هو ماحتي أذكرتني لكن😲..خﻻص اوكي باي اسفة
سكرت مش عارفه ارتبكت ومعرفتش مانقول اصل😫ا توا يقول شن خطر عليها توا رنت قعد شويا ورن مارديتش رن اخري..
سوما .. ايوا خلاص اسفه غالطه في الرقم
سيف.. متاكده ياسوما😍
سوما..😓
سيف.. كنك سكتي مش قتلك نستناك انا ماصدقت رنيتي عليا تقولي غالطه
سوما...

'''''''يَتٌبْع'''''''

زعميَتٌك سومآ شُنْ تٌردِ علُيَه وسآلُم گيَفَ يَصٍيَر فَيَه ۆگيَفَ بْتٌحٍـبْ آخـريَ بْعدِ سآلُم ۆخـۆلُه بْنْتٌ عمتٌهآ گيَفَ بْتٌصٍرفَ معآها!!؟؟

ان شاء الله تعجبكم  👌⭐..
#safa_alabar