#صراع_الزمن

ثامن عشر

#صراع_الزمن
ثامن عشر
بقلمي : فردوس عبد اللطيف
اعتذر عن التأخير بسبب ظرف خاص
امجد : بقيت بحيره
كلام اهلي معقول ويمكن الوحده هي سبب الحزن الي اني بي
تركت شغلي إجازاتي خلصت
اريد اشغل نفسي اريد انسى منظرهم اريد انسى ذيج الليله المشؤومة !!!!!
قررت افكر بكلام والدتي واخوي
لهالدرجه امجد انت بذات
نسيت هديل حبيبتك لو نسيت ولدك وبناتك
لا لا مانسيتكم بس اريد اكون انسان طبيعي واكمل حياتي
بصوره طبيعيه اريد انسى الحزن
قررت اروح ازورهم اول شي رحت للملجأ زرت مكانهم
وحجيت وحجيت طلبت موافقتهم
بس محد يجاوبني بس اسمع صدى صوتي
حتى الاهالي الي كانوا يجون على طول يتذكرون موتاهم هم انشغلوا بحياتهم واشوف قليل منهم
نعمه النسيان من رب العالمين للبشر والا الحزن ماينسي ابد
وراها رحت عالمقبره بجيت لحد مانشف دمعي
وطلبت من هديل تسامحني اذا تزوجت ومراح اخذ غريبه
راح اخذ اختج هاله الي تحبيها وجنتي تذكريها على طول
رجعت للبيت بس بيومهه حسيت الهم الي بداخلي خُف
لكيت امي واخوي نايمين
تمددت عالقنفه بالهول ونمت بملابسي من التعب
هديل : امجد امجد حبيبي اني اليوم فرحانه لان شفتك
امجد : هديل انت عدله بعدج ؟ مو متي مو دفنتج بأيدي
هديل : وهي مبتسمه
اليوم اني طمنت عليك انت من حقك تعيش بس لا تنساني
امجد : اوكفي هديل هديل وين رايحه بصوت عالي هديل
ام امجد : يمه اسم الله الرحمن اشبيك وليدي
شحلمت ليش تصيح هديل ؟ وليش نايم هنا ؟
امجد : لا يمه ماكو شي
شويه تعبان وتمددت
ام امجد : جوعان وليدي ؟
امجد : لا لا خل اروح انام بالغرفه
****
امجد : يوم اني تعبتج وياي بس اريدكم تتحملوني
ماعندي مانع اخطب هاله بس الي اريده منهه تتحملني
اكيد بالبدايه حايكون تقبلنا لبعض صعب لكن راح احاول
لخاطرج مادام انت واحمد اخترتوهه الي
ام امجد : الف مبروووك حبيبي اريد اهلهل
امجد : لا يمه الله يخليج الهلاهل للسعداء للفرحانين
واني مباقي بي فرحه واريدج تشرطين عليهم
لا هلاهل ولا حفله اخذهه نسافر كم يوم ونرجع
ماريد افرح واني ولدي وبناتي جوه التراب وزوجتي حبيبتي
مابقى من جسمها غير كم عظمه
ام امجد : يمه ماكولك انساهم بس عيش حياتك حتى ربك ميرضاها تزوج وخلف جهال وربك يعوض
امجد : شيعوض يمه ذولي اربعه جنت اباوعلهم يوم بيومه
وضحكتهم هي سعادتي
ام امجد : يمه مردت كلبي كافي الله يحفظك
امجد : حددي موعد الزواج بعد اسبوع
لان لا اريد خطوبه وطلعه وطبه
نروح ناخذهه وأسافر اني وياها حاروح للموصل وهناك نكظي كم يوم احجز بمنطقة الغابات بيت
****
بعد مرور اسبوع تم زواجي من هاله سافرنا للموصل
اول ليله تعبانين من السفر لان طلعنا بالسياره
هاله : تحتاج شي ؟ تكلمت بصوت ناصي وبخجل
امجد : نامي عالسرير اني حانام بالصاله
عفتها ورحت مكدرت اتقرب يمها احساس غريب تأنيب الضمير كلبي يوجعني اعتبرهه خيانه لزوجتي واطفالي
تمددت عالقنفه بالصاله فتحت تلفزيون ونمت والتلفزيون مفتوح ماطفيته لان نمت
هاله : شورطني وتزوجت هالمعقد اشو راح نام بالصاله وعافني لوحدي واني اكبر خوافه مراح اكدر انام
بقيت اتكلب بالفراش مكدرت اغفى اخذت غطاي ورحت نمت عالارض يم امجد هو نايم عالقنفه شفت التلفزيون مفتوح طفيته
وامجد لام نفسه من البرد غطيته
فز باوعلي
امجد : شداتسوين هنا ؟ شعندج جايه يمي
هاله : ها ها خفت وحدي بالغرفه !!!
شكو قابل بعبع ؟ روحي نامي كومي ....روحي نامي بالغرفه
هاله : شال الغطاء مالتي وجرني من ايدي ودخلني بالغرفه
وكف يباوعلي لحد ما نمت بالفراش سد الضوه والباب سده بقوه وبعصبية
كعدت من النوم متأخره سمعته يطكطك بالمواعين
غسلت عالسريع ورحت يمه للمطبخ
ليش ماصحيتني اني اسوي الريوك
امجد : عفتج نايمه المفروض انت تكعدين من وكت وتعرفين واجباتج
ميعجبني اطلب منج انت تعرفين واجباتج
هاله : باوعتله صارت عيني بعينه شفت بيهم حنيه مخفيه بس دايحاول يظهر الغضب والعصبية
انت روح اكعد واني اجيبلك الريوك
طلع من غير مايحجي ولا كلمه
حضرت الريوك عالسريع واني اعرف من اختي الله يرحمها
يحب البيض اومليت ومستوي زايد
سويتله البيض نفس طريقة اختي
والشاي يعجبه خفيف وبعد الريوك مباشره
وديتله الريوك وبقيت اباوعله وهو ياكل
رفع راسه علي واشرلي اكعدي كبالي
هاله كعدت واني صافنه عليه
صح بالبدايه كنت خايفه منه وخجلانه لان حاسبته مثل اخوي
بس من يوم عقد القران ونظرتي اله تغيرت
اذن لازم أكسبه وأكسب كلبه ليش ابقى خجلانه منه
امجد : بعد الريوك حضري نفسج نطلع نفتر نغير جو
هاله : حاضر حاروح ابدل
امجد : اوكفي ليش ماتريكتي ؟
هاله : هو اني ما اتريك بس اشرب شاي
امجد : لا مو زين الريوك وجبه أساسيه تعالي اكلي ولو شي بسيط لحد ماتتعودين
كعدت كباله وكلني بايده حسيت بحنيته باوعت لعيونه
اووف كلبي رف تمنيت يحضني تمنيت يبوسني
امجد : صعب صعب
شكد ما احاول اتقرب منهه اشوف هديل كبالي
دا اوكلهه خليت اللكمه بحلكها باوعت بعيونها ...
نفس عيون هديل نفس النظره
اوووف ربي شوكت اكدر اتقبل الوضع واعيش حياتي
كومي هديل خل نطلع
هاله : حيل انقهرت من غلط باسم اختي
معناها بعدهه في تفكيره بس سكتت ومانبهته لان غلط وكالهه ممتقصد ولا اريد احسسه اني ضايجه
سفرتنا حلوه طلعنا افترينا بالموصل مدينه جميله
اخذني امكانات حلوه ضحكنا واقتربنا من بعض
صعدنا بالزورق مسك ايدي وصعدت
الله ايده دافيه تمنيته يكولي احبج
لو اكدر اكولهه اني واكولك احبك امجد
انت اول حب بحياتي
سامحيني اختي حبيبتي
رجعنا وقت المغرب البيت الي كعدنا بي بمنطقة الغابات
منطقه تجنن كولهه اشجار عاليه نزلنا نتمشى
اقتربت منه من مرت سياره
لزمني وخلا ايده وره ظهري
الله معت تمنيت يبقي ايده !!!!! ليش وخرتهه ماكدر اكولهه بس بداخلي مشاعر تريد تنفجر
وصلنا للبيت الجو يجنن سبحت وفتحت شعري ولبست
قميص نوم وجيت يمه كعدت نفس القنفه
شافني وباوعلي وبقت عينه عالتلفزيون
اشعر بنظراته الخجوله من تحت
شلون ياربي شسويلك امجد لازم هالخطوه انت تخطوهه
مو اني خجلي وكبريائي يمنعوني
امجد : خايف اتقربلهه واتذكر هديل
شسوي خطيه متحضره ولابسه قميص نوم مغري
وكاعده يمي ومبين عليها تنتظرني اني اخطوا هالخطوه
لازم اني اتقرب خل اخلي ايده وره ظهرهه
هاله : اي من خلا ايده وره ظهري معناها يريد يقترب
خليت راسي على صدره وغمضت عيني
لحد ماغفيت
امجد : ولك امجد شتنتظر ماتتحرك اشبيك ولك وين الرجوله
شصاير بيك هيج الصدمه خلتك جبان
حملتها ووديتهه للسرير
غطيتهه وطلعت
رحت نمت عالقنفه وافكر بيهه
كولشي بيهه حلو وجذاب ومغري
اشبيك لعد ؟ شنو الي صار ماتتحرك امجد
هذه زوجتك حلالك
بقيت الوم بنفسي لحد ماغفيت
كعدت الصبح على صوت هاله
امجد حبيبي اكعد
امجد : الله حلوه بحلكها كلمه حبيبي
خل اسوي نفسي غافي واشوفها شتسوي
دنكت علي باستني وابتعدت بسرعه
كعدت  !!!!! هلو صباح الخير
شوكت كعدتي ؟ شكد صارلج تكعدين بي ؟
هاله : ها توني دا اكعدك
امجد : بس اخذ دوش
حضري الريوك
جابت الريوك
تعالي كعدي ليش واكفه ؟
هاله : ممحتاج شي ؟
امجد : اريدج تكعدين يمي
كعدت يمي تريكنا وكتلهه غيري ملابسج خل اطلعج اليوم
لمنطقه كولش حلوه
هاله : رحت للغرفه اغير ملابسي
ودخل امجد شافني بالملابس الداخليه
حاولت أغطي نفسي لكن مالحكت
تقرب يمي ويباوع على جسمي حضني
وباسني ذبت بين ايديه واني مغمضه
كعدت عالسرير وهو يمي تمددنا وهو يحضن ويبوس
وفجأ طفر من مكانه وطلع من الغرفه
اشبي ليش ابتعد اني بي شي لو هو ماحبني وميكدر يتقربلي
خفت من نظرته لميت نفسي ولبست ملابسي
امجد : حضري ملابسنا حانرجع عالسريع
استعجلي وينج شو تأخرتي !!!!!
هاله : اوووف اشبي ليش مستعجل مو متونسين
صعدنا بالسياره ماتكلم اي كلمه واني خايفه
لا يطلكني لان تعلقت بي حبيته
دموعي تنزل بدون توقف ماكدر اطلع صوت وشهكه البجي
وصلنا لبيت اهل امجد خالتي استقبلتنا احسن استقبال
ام امجد : تعالي بنتي ارتاحي اشبيج ؟ شكلج تعبانه ؟
هاله : اي خالتي من السفر اني اتعب بالسفر
ام امجد : خل اروح يم امجد بالخطار شبي راح كبل يدخن
ها يمه طمني شلونهه عروستك ؟ ليش رجعتوا من وكت
امجد : يمه ماكدرت صعبه علي
المرحومه تجي كبال عيني وجهالي ومنظرهم
ام امجد : اسم الله عليك وليدي
اليوم اقرى عليك سوره يسين بلكي تهدأ وترتاح
وما اخليكم ترحون لبيتكم الا وانت متزوج هاله من صدك
مو عالورق كافي ابني كافي تعذب نفسك
هذه إرادة رب العالمين تعوذ من الشيطان
كوم صلي ركعتين وخل اروح على العروس احضرهه الك
بنتي هاله ليش هيجي واني اكول عليج شاطره وسباعيه
هاله : والله ممسويه شي خالتي
ام امجد : اعرف ممسويه لو متحرشه برجلج جان دخل
وكدر ياخذج انت لازم تسويله واهس مو تدرين نفسيته تعبانه
هسه روحي سبحي ولبسي فستانج الاحمر وراح اسويلكم عشاء سمج مسكوف واريد اشوف شطارتج
اذا اجاني الصبح وكال مصار شي ترى ازوجه غير وحده
هاله : لا عفيه حالتي انت كوليلي واني اسوي الي تردي مني
ام امجد : اي اريدج هيج انت الليله اريدج تصيرين بنت ليل
الزوجه لازم هي تسوي واهس للرجال وحتى لو تتصرف مثل بنات الليل هذا حلالهه
روحي شوفي شكد رياجيل عايفين نسوانهم ورايحين ع بنات الليل ليش ؟
لان ذني يعاملن الرجال بآثاره غرائزه بالاغراإت بالحركات
بالتميع اريدج اليوم تصيرين هيج افتحي شعرج خلي عطر
(اكس ) اشو اني الي اعلمج دروحي شوفي البنات كولشي يعرفن
هاله : لبست فستان احمر مغري مثل ماطلبت مني خالتي
وخليت عطر (x) وحمره حمراء فتحت شعري
وطلعت يم امجد وخالتي لكيت خالتي تقرى عليه سورة يسين
كعدت كبالهم
باوعلي امجد وابتسم
خالتي غمزتلي انطتني الشجاعه ابتسمتله
ام امجد : روحي سوي كهوه لمجودي وديها لغرفتكم
هسه يجي وراج
هاله : مجودي تريدهه مره لو وسط وتميعت مثل ماعلمتني
امجد : اريدهه حلوه مثلج
هاله : الله شكد فرحت بهالكلمه أسعدتني ركضت سويت الكهوه ورحت لغرفتي انتظره
وره شويه اجه مبتسم
دخل للغرفه وقفل الباب
الحقيقه كلبي زادت نبضاته وخفت ماعرف شصار بي
امجد : لزمت ايدهه وبستها اريدج تشربيني بايدج الكهوه
هاله : كل جسمي يرجف اخذت الفنجان وشربته بايدي
اخذه مني وحضني ووووووووو
ام امجد : ها يمه اكول مبروووك
امجد : اي يمه روحي عليها تستحي
ام امجد : الف مبارك وليدي ربي يرزقكم الذريه الصالحه
هاله : على كد ماصبرت ربي عوضني بسعاده
ويه امجد انسان راقي
بعد مرور اسبوع رحنا لبيتنا الي بالعامريه الي هو كان بيت اختي المرحومه
اول يوم كظينا بجي والم بس خالتي مفرغه اغراضهم مابقت شي من ملابسهم ولا صورهم لان امجد جان من يشوفهه يبجي وميكدر يسيطر ع نفسه
وره شهرين حبلت والكل فرحوا خصوصا خالتي ام امجد
امجد : حبيبتي اذا ولد اسمي يوسف على اسم ابني المرحوم
واذا بنت اسميها ايه
هاله : ماشي حبيبي مثل ماتريد
*****
بهذا الوقت سهى راجعت الدائره بلكي يترشح اسم فلاح مع الاسرى العائدين
لكن ماكو اسمه !!!!
فقط تجيهم رساله كل سته اشهر كم سطر يطمنون عليه بعده عايش
اما رعد ماكو اي خبر عنه فقط مفقود لكن فاطمه متقبل تسجله متوفي او شهيد عدهه امل برجعته
*****
سنوات الحصار الاقتصادي عالعراق