#صراع_الزمن

الحادي وعشرون والاخير

#صراع_الزمن
الاخير
بقلمي : فردوس عبد اللطيف
مرحله مابعد الاحتلال
اندلعت الحرب الاهليه عندما وقع انفجار قنبلة ألحق أضرارا بالغة بمقام الإمام العسكري في سامراء ، ويتسبب في هجمات طائفية قتل فيها المئات خلال بضعة أيام و الهجمات تتسع لتشمل معظم أنحاء العراق ولا سيما بغداد واستمرارها طوال العامين 2006 و 2007 و إحصاءات عن مقتل عشرات الألوف من المدنيين، وتخريب وتفجير مئات المساجد بسبب هذا التفجير و عثر على عشرات الجثث في بغداد ، أغلبهم عذبوا وأعدموا تحدث الرئيس العراقي عن ألف قتيل سقطوا في بغداد وحدها خلال شهر أبريل / نيسان ثم في 7 يونيو ،و الولايات المتحدة تعلن نقل مزيد من القوات الأميركية من بغداد لمواجهة حالة الفوضى والاقتتال الطائفي في الحرب الأهلية و قائد القوات الأميركية في آسيا جون أبي زيد لا يستبعد تحول الاقتتال الطائفي إلى حرب أهلية في العراق رغم أنه قال أنها اندلعت قبل ذلك. في 15 أغسطس، تحدثت وزارة الصحة العراقية عن مذبحة بغداد و وجود نحو 3500 مدني قتلوا في يوليو /تموز و تقرير استخباراتي أميركي سري سرب إلى الصحافة، يقول إن حرب العراق زادت خطورة "الإرهاب" و عدد القتلى المدنيين لشهر أكتوبر يبلغ معدلا قياسيا بنحو 3700 قتيل، وهو أعلى مستوى منذ بدء الاحتلال ثم في 23 نوفمبر، كان مقتل أكثر من مائتي شخص في تفجيرات بسيارات مفخخة هزت مدينة الصدر في بغداد ، تبعتها هجمات استهدفت مساجد في نفس المدينة و بعقوبة وسقط فيها العشرات. في 6 ديسمبر، أصدر تقرير للجنة من الحزبين الديمقراطي والجمهوري الأمريكيين ينصح بالانفتاح على إيران وسوريا لاحتواء الوضع في العراق حيث "المهمة تبدو بلا نهاية منظورة" . و في يناير 2007، جورج بوش يعلن نشر عشرين ألف جندي إضافي في بغداد لاحتواء الاقتتال الطائفي و الحرب الأهلية و الحكومة العراقية تقر مشروع قانون يدعوها لتوزيع عائدات النفط على كل محافظة بحسب سكانها، ويسمح للمحافظات بالتفاوض مع الشركات الأجنبية على العقود البترولية ثم في 12 أبريل، ثم وفاة أكثر من مائتي شخص بهجمات فيها كذلك بينهم نحو 140 في مدينة الصدر و في 24 يونيو، و مقتل ما لا يقل عن١٥٠/من الأقلية اليزيدية في تفجيرين بشاحنتين مفخختين في بلدتي القحطانية والجزيرة شمالي العراق بإقليم كردستان العراق و في فاتح فبراير، وقع مقتل نحو سبعين شخصا بتفجير انتحاري في سوق شرقي بغداد ثم تفجير انتحاري يقتل أكثر من خمسين شخصا من الزوار كانوا في طريقهم إلى مقام الإمام الحسين في كربلاء. و بعد ثلاثة أيام من الذكرى الخامسة لغزو العراق، وقع انفجار قنبلة في بغداد يرفع عدد قتلى الجيش الأميركي
*******
سمير : حضرت جوازاتنا وبعد مانبقى دقيقه بالعراق
ايمان : وين نروح سمير ؟
سمير :نهاجر لسوريه وراح اعرض البيت للايجار ونروح نستقرهناك اتصلت بصديقي وكال خابرني استأجرلكم شقه
والوضع هنا مريح وامان
ايمان : زين شلون نعيش ؟
من ايجار البيت وراتبي ولو مايسد العيشه بس احسن من الرعب الي عايشينا هنا
ايمان : وشغلي ؟
سمير : اخذي اجازه بدون راتب
ماعندي استعداد اخسر ولدي اخاف عليهم
من يوم الي انفجرت سياره مفخخه واحنا قريبين عليها
قررت اخذكم واسافر
رتبي امورج خل ننفذ بولدنا
لان خطف وقتل عشوائي لحد ما تهدأ الأوضاع
عود نرجع هيأتها سوريه
*****
منى : اشبيك صفاء وجهك مصوفر ؟ وهاي شنو الظرف بايدك ؟
صفاء كاعد عالقنفه ولازم الظرف بايده وصافن يفكر
منى : صفاء ....صفاء جاوبني اشبيك ؟
صفاء : هذا تهديد ذابينه بالحديقه طلقتين بظرف
معناها لازم نترك البصره ونرجع للموصل
منى : صدك تحجي وين نروح بالموصل منو عدنا ؟
صفاء : انت ناسيه اني مصلاوي ونص اقاربي هناك لاتخافين بس
خلي سيوفي يكمل اوراقه ويسافر يدرس بسوريا
ونأخذ البنات ننقل كلياتهم هناك بجامعه الموصل
بنات صفاء الكبيره مهندسه والصغيره دكتوره
كمل اوراق نقلهم بس زوجته تركت عملها وغادروا البصره بعد ماعاشوا بيها سنين عمرهم (التهجير القسري )
استقروا بالموصل
******
خلدون : الحمد لله ع سلامتكم سعد وين كظيت هالسنين
وشلون كدرتو تعيشون بعيد عن العراق
سعد : كولشي بدايته صعبه
اول سنه كانت حيل صعبه علينا لكن بعد مرور سنين
كدرنا نتوالم ويه المجتمع الأوربي وهسه اولادنا ميحبون يجون للعراق
جيت وحدي اشوفكم واسأل على اصدقائي ومناك اتواصل معاهم
دخلت التلفونات الخلويه للعراق والنت وصار نكدر نتواصل معاكم صوت وصوره
سفرة سعد كانت قصيره وسريعه مدتها اسبوع واحد
التقى بمعن وامجد واخذ عناوين وإيميلات باقي المجموعه
استمر يتواصل وياهم ورجعت علاقتهم مع بعض ماعدا رعد
زوجته ماتقبل تسجله شهيد بقى اسمه مفقود
سافرت فاطمه لايران وبحثت بالمقابر الي اندفن بيها الشهداء العراقيين لكن اسم رعد غير موجود
ولحد الان تنتظر يرجع رعد وينور حياتها
******
عقيل : نفس وظعه ابنه مريض بالسكر وهو ماتغير معاملته لزوجته ماكدر يغيرهه
بعض الاحيان من يشوف ابنه يتندم ويهدأ ومايضرب زوجته
*****
فلاح : زوجته ولدت بنت ثانيه
بس مكدر يتوالم مع بنته امل وبقت علاقتهم متوتره
لحد ما تزوجت امل وابتعدت عن البيت وبدت تتفهم ابوهه وسبب تصرفاته معاها
*****
امجد : عاش حياته مع هاله وثلاث اطفال سماهم باسم اطفاله الشهداء
ورجع لوظيفته بالجيش وحاليا أحيل عالتقاعد
*****
معن : بعد ماطرد ابنه من البيت
سيف : كلولي شسويله ابوي ليش يطردني من البيت
عبود : سيوفي اخذ هذه الحبايه وتعال عندي خطه نفذهه بالليل ونأخذ ويانا  خميس وسرور
سيف : وين نروح وشنسوي ؟
عبود : انت ومتريد تخلص من ابوك
مو دكول حارمك من الفلوس وهو متمتع بيهن وطاردك من البيت نروح لبيتكم وانت قتله ،،،،
بس كولي هو وين ينام ؟
سيف : ينام بالهول لوحده علمود يشغل المولدات من تطفى الكهرباء والباقين كلمن بغرفته
عبود : حلو سهله يعني كتلته سهله  بس ابوك اهلك معلينا بيهم لو تريد نقتل واحد منهم مضوجك
سيف : اي اي امي خطيه من اكولهه ع فلوس تنطيني
بس ابوي هو المشكله
عبود : ولا يهمك تعال ادربك عالمسدس
روح جمعلي  قواطي البيره وذاك بطل العرك
امشي بالسطح نخليهم نيشان وأعلمك شلون تنيشن
حتى من طلقه وحده تكتله مو تالي يعيش وينتقم منك
سيف : اوك
تدرب سيف على استخدام المسدس
مده يومين واصدقاءه يقرون براسه
لازم تخلص من ابوك ولازم تقتله
وهو يتعاطى حب مخدرات
****
معن : وينج رونق ابنج ماخابرج وين صار هالكلب
رونق : مو كتلك لاتطرده الشوارع ملفيه اشكال والوان
هسه شمدرينا الولد وين اخاف انكتل
معن : لا تخافين مابي شي جان جوي بلغونا شبيج ماتفهمين
باعي اذا خابر كوليله يجي ويعتذر مني وعندي شروط
لازم يترك جماعته ذولي الهتليه ويعوف الكبسله
مستقبله ضاع ويه هالزبايل
رونق : اشو اخابر تلفونه مغلق
معن : هسه تخلص فلوسه ويجيج يركض
على شنو ملفي ذولي كوله عالفلوس لو يستغلوا يبوك وياهم
لو يقتلون احد ...هما سمعتهم زفت شورطه وياهم
ها وين رايحه ؟
رونق : نعسانه اريد انام
معن : ولو مانعسان ماعرف شبي سويلي كلاص لبن اريد اشربه حتى انام
****
الساعه /١٢/ليلا
عبود : ها سيف اخذت الحبايه ؟
سيف : اي اخذتها
عبود : وهسه شلونه كلبك مات ؟
سيف : كلبي حديد مستعد اقتل اهلي كولهم مو بس ابوي
عبود : اسد وبطل وينكم خميس ....سرور
خميس : نعم عمي !!!
عبود : تعالوا ويانه عدنا مهمه
خميس وسرور : عد عيناك
سيف : فتحت باب الحديقه واصدقائي كل واحد يحمل سلاح مسدس ودخلنا بأطراف أصابعنا
ابوي ينام بالهول لوحده رحت على شباك الهول باوعت شفته نايم وغافي بسابع نومه
رحت على باب المطبخ مديت ايدي وفتحت السركي
ودخلت رحت عالهول فتحت الباب بخفه لجماعتي ودخلوا
كولنا نحجي بالاشاره ونمشي على اطراف الأصابع بدون مانطلع صوت
وكفت يم راس ابوي وجهت المسدس على راسه
صح كلبي جان ينبض سريع وايدي ترجف
عبود : تقرب يم سيف
ها سيف جبنت لو شنو ؟
سيف : أطلقت رصاصتين براس ابوي
المسدس كاتم للصوت بس هو فتح عينه وصاح لا لا لا
مالحك جته الثانيه
وتطشر دمه عالفراش بعض القطرات جتي على وجهي
بقيت واكف من الصدمه
عبود والولد انهزمو لان اخوي وامي وخواتي
جوي يركضون
اني هم ركضت وراهم وصعدت بالسياره وركض قبل ما اهلي يشوفوني
انهزمنا لغير محافظه اخذنا خميس لبيت عمه  بالبصره
*****
في بيت معن :
رونق ولكم معقوله منو يدخل ويقتل ابوكم
زيد : يمه راح اشوف الكاميرات حايبين منو دخل
بعد  ربع ساعه
زيد : ولكم الله واكبر معقوله اخوي سيف يقتل ابوه
اجوي المحققين والشرطه
طلبوا الكاميرات الطبيب الشرعي فحص الجثه
اخذوا الجثه للطب العدلي
الضابط : منو ذولي الي دخلوا تعرفهم ؟
زيد : ذولي اخوي الصغير وأصدقائه
الضابط : اخوك وين هسه ؟
زيد : ابوي طارده من البيت وهو يم جماعته
الضابط : تندل بيوتهم ؟
زيد : نعم سيدي اندل
****
عم خميس : بويه خميس ضيافتكم ثلاث ايام خلصت فهمني جماعتك شنو فلمهم
خميس : ها مابيهم شي جينا زياره
العم : لا بويه ابوك خابرني وكالي اطردهم
ماريد افشلك كدامهم اخذهم ورجعوا منين ماجيتوا
مالي خلك مشاكل
خميس : ياجماعه ترى انطردنا
امشوا نرجع لبغداد
عبود : اني هم ضجت
****
رجعوا الجماعه لبغداد ووصل الخبر للشرطه
وتم إلقاء القبض عليهم
بعد التحقيق
اصدر القاضي قرار الحكم على سيف
السجن /١٧/سنه كونه لم يبلغ السن القانوني ويتعاطى المخدرات وبسن المراهقه
وعبود :السجن 15سنه
والباقين كل واحد عشر سنوات
****
بعد الفوضى الي حدثت بكل المحافظات وبغداد خاصه
قررت الحكومه تشكيل الصحوات والي هما من ابناء المنطقه نفسها لحمايه المنطقه وسلمت من الجيش الى الصحوات
قوة من الصحوات يفوق عددها خمسين ألف مسلح و في 7 أكتوبر، العراق و الولايات المتحدة، يتوصلان إلى مشروع اتفاق أمني يحدد نهاية 2011 كآخر أجل لانسحاب الجيش الأميركي ، لكن أعضاء في الحكومة العراقية يشترطون إدخال تعديلات لقبوله و تقر اتفاقا أجازه البرلمان ومجلس الرئاسة لاحقا، ينظم تواجد الجيش الأميركي حتى تاريخ انسحابه بنهاية 2011 ، ويحدد صيف 2009 كآخر أجل لخروجه من المدن لتنتهي الحرب الأهلية العراقية الأولى في هذا اليوم.
مرحله دخول الدواعش
القوات الامريكيه صح انسحبت من العراق لكن أمنت لنفسها الحق بالسيطره على الحكم بالعراق والتحكم بموارده واشعال الفتن باي لحظه