(قلبها حجر)
في منزل حمزة
حمزة:نوران انا مسافر بعد بكرة
نوران بحزن:لية بس كدة يا حمزة
حمزة بغضب:زهقت من البلد ومن انى اشوف حبيبتى في حضن صاحبي زهقت يا نورا
نوران:بس انت لسه فضلك سنة في الكلية وبعدين انت حجزت امتى
حمزة:حاجز من يومين كدة ومردتش اقولك
نوران:بس اقعد السنة دى وبعدين سافر
حمزة:بابا اكيد محتاجني في الشغل في دبي واكيد هسافر يعني السنة دي او السنة اللي جاية
نوران:خلاص يا حمزة اعمل اللي انت عايزه يا حبيبي و إن شاء الله ربنا هيرضيك
حمزة:انا بكرة هنزل اجيب حاجات للسفر
نوران:ربنا معاك يا حمزة
فى منزى إسلام
اسلام بإبتسامة:نورتى بيتك يا حبيبتى
ساندي بكسوف:منور بيك يا حبيبي
اسلام بغمزة:ما تجيبي بوسة ذى بتاعة الفرح
ساندي:دة انت كنت جزمة ابعد كدة
اسلام وهو يضيق عينيه:لا بقولك اية انا راجل يعنى مش جزمة
ساندي بسخرية:طيب يا عم الراجل تصبح علي خير
اسلام بسخرية:رايحة فين انتى غيرتى ولبستى بيجامة عليها دبدوب كأنك بنت اختى وانا ساكت لكن كمان عايزة تنامي
ساندي بتعب:تعبانة يا إسلام عايزة انام
إسلام:ادخلي خدي دش علشان تفوقي وتعالي علشان في حساب قديم ولازم نتحاسب دلوقتى
ساندي بكسل:حاضر يا اسلام
لتذهب إلى المرحاض مرة اخرى
اسلام بسخرية:ايه ده نضفتي يا ساندمتسبنيش
ساندي بضجر:علي اساس اني مكنتش نضيفة قبل كدة
اسلام:بس ايه القمر ده طلعتى موزة ليقبل يدها
في منزل جدة ساندي
ليلي(مامتها):وحشانى ساندى اوي يا ماما
جدة ساندى:مهو انتي علي طول سيباها اعتبري نفسك في مؤتمر يا ليلي
ليلي بسعادة:دلوقتى بقت عروسة وفي بيت جوزها وبكرة تبقي ام وابقي جدة
لتلوي العجوز فمها سخرية من كلام ليلى
في صباح اليوم التالي
اسلام بهدوء:حبيبتى يلا بقينا الظهر
ساندي بتعب:شوية كمان يا اسلام
اسلام بهدوء:يلا بقي مامتك اتصلت وكلهم جايين قومي البسي حاجة بدل اللي انتى لبساه داا
ساندى بهمهمة:شوية يا اسلام بقي علشان خطرى
اسلام بصوت مرتفع قليلا:يلا علشان متتعبنيش معاكى
ساندى:في حد يصحي حد نايم الساعة 8 الصبح الساعة12
اسلام:طب قومى قابلي ماما وبابا ومريم وماما وادخلي نامى تانى
ساندى:حاضر يا اسلام
و ذهبت لتستحم و تتوضأ و تصلي فرضها
ليلي:الفطار اهو يا ساندى عايزة اى حاجة تاني
ساندى:ربنا يخليكى ليا يا ماما
ماجدة:ايه بقي عملين ايه من غيرنا
ليذهب إسلام إلى و يقبل يد والدته
محسن:فرحني بقي بكام عيل يقولولي يا جدو تعالى العب معانا
ساندي:تعالي يا مريم معايا علي المطبخ
لتذهب معها مريم إلى المطبخ
ساندي بقلق:مالك يا مريم مش عجبانى
مريم:انا ومصطفي كل شوية نتخانق انا بقيت بكرهه من كتر ما هو بقي رخم ونكدي كل حاجة لاء وبلاش انا اتخانقت كل شوية اتصل بيه القيه وايت اقوله بتكلم مين يقولي بكلم حد من اصحابي انا اتخانقت يا ساندى:بس لية كل دة دة انتوا كنتوا بتحبوا بعض اوى
مريم:يا ساندى ده بقي علي كل حاجة يتخانق معايا علي كل حاجة يعنى لو ماشية معاه وهو راح علشان يجيب حاجة و رجع وشاف حد بيعاكس يبقي انا السبب وانتى عارفة ان انا لبسي كله طويل انا يا ساندى من كتر الهبل اللي هو بيقوله خلاص زهقت بقي عصبي من ساعة ما اتخاطبنا وهو بيعملنى كأنى جارية واشتراها
ساندي:وانتى لية متقوليش كل الكلام ده لبابا او لاسلام
مريم:بابا لو عرف هيقولي انا قولتلك قبل كدة بلاش تتخطبي لمصطفي وانا اللي صممت واسلام لسة عريس مش ممكن انكد عليه علي الأقل في الوقت دة
ساندي بحيرة:لو حد ادخل ممكن تسيبيه ولا متمسكة بيه
مريم بنفاذ صبر:ده اللي تتخطب لواحد زى مصطفي ترمى نفسها في النار اسهل
ساندي:يعنى نفركش الموضوع علي كدة يعنى اكلم اسلام
مريم:كلميه يا ساندى انا خلاص زهقت من مصطفي وقرفه بس استني لحد ما ترجعوا من شهر العسل جايز يتعدل
ساندى:يبقي خلاص سيبى الموضوع ده عليا انا
مريم:والنبي متنكديش علي اسلام
ساندى:متخافيش مفيش اى حاجة هتحصل كل اللي هيحصل انك هتطلعي من البلوة اللي وقعتى نفسك فيها دي
لتقفز الأخرى محتضنة ساندي بسعادة
مريم:انتى اجدع صاحبة في الدنيا وتدخل ليلي
ليلي:مالكوا اتأخرتوا لية
ماجدة من الخارج:هما كدة طول عمرهم لو بعدوا عن بعض يوم واحد ينزلوا رغي مع بعض طول اليوم اللي بعده كبري مخك منهم علشان هتتعبي يا ليلى ولله
محسن:يابت بطلي اكل في ودان مرات اخوكى
لتخرج مريم و اضعة يدها في منتصف خصرها
مريم بغضب :لالالالالا دى صحبتى واختى قبل ما تكون مراته اصلا
اسلام بإستفزاز:بس بقت مراتى حبيبتى انا
مريم بغيظ:لا يا حبيبى هتفضل حبيبتى انا وبعدين اصلا انت مالك بينا لحسن اخدها وانزل تحت ومتشوفهاش تانى ادينى اهو بقولك وبحذرك
اسلام بتراجع:وعلي ايه خلاص احنا اسفين يا صلاح
لتخرج ساندي لهم حاملة الحلوى و مشروبات ليذهب إسلام سريعا لها ويحملها بدلا عنها
ماجدة بتوعد:الا عمرك ما عملتها معايا يا جزمة
اسلام بنفي:لا بعملها لما بتأكلينى مكرونة بالبشاميل
ماجدة:خلاص يا ساندى هديكى طريقة المكرونة بالبشاميل وانتى تعمليها لاسلام
ساندى:يسلام اول لما نيجي من السفر هعملها على طول
اسلام بإبتسامة:تسلم ايدك قبل ما تعمليها يا قلبي
مريم بغيظ:قلبك مين انا بس يا اسلام
اسلام بحب:وانتى كمان قلبي وحبيبتى وعيونى كمان
لتغمز مريم إلى ساندي و ينقضوا عليه الأثنين لتبدأ حرب الدغدغة
ماجدة بضحك صاخب:حرام عليكوا سيبوا الواد تعبان
اسلام بتوعد:خلاص يا مريم انتى وساندى بدل ما اقوملكو ولله
و في اليوم الأخر ذهبوا معا إلى إحدى فنادق العين السخنة
ساندي بإلحاح:تعالى نلعب في الرملة يا اسلام
اسلام بتعب:انا جى من السفر تعبان خالص يا ساندى
ساندي بإلحاح اكثر:علشان خاطري هدخل اغير وننزل صح
اسلام:خلاص ماشي ادخلي غيري وانا كمان وننزل نتغدا ونلعب ذي ما انتي عايزة
و بعد ان بدلوا ملابسهم ذهبوا لتناول الغداء و من ثم إلى البحر و العودة مرة اخرى إلى غرفتهم
اسلام:ساندي يلا ننزل نتعشا انا جوعت
ساندى:حاضر يا حبيبي البس بس
اسلام:طيب انا مستنى ولا اجى اساعدك
ساندى:بس بقي خلينى البس
اسلام:هترجعى للدراسة من اول يوم
ساندى:ايوة طبعا
اسلام:ده خلاص هتبدأ كمان اسبوعين
ساندى:وفيها ايه يعنى يا اسلام
اسلام:فيها اننا عرسان جداد
ساندى:ماشي يا اسلام باردو هنزل من اول يوم
اسلام:انتى زهقتى منى ولا ايه
ساندى:وانا اقدر ازهق منك يا حبيبي
اسلام:يعنى نرجع كمان اسبوعين
ساندى:لا كمان اسبوع بس
اسلام:ليه يعنى الدراسه كمان اسبوعين
ساندى:علشان نلحق دى اخر سنة ليك بطل بقي كسل
اسلام:طيب اللي انتى عايزاه
لتخرج ساندي من الغرفة مستعدة للنزول
ساندي:يلا يا حبيبي انا خلصت
ونزلو راحو علي المطعم
اسلام بمغازلة:انتى حلوة اوى اوى انهاردة
ساندى:علي اساس اني وحشة
اسلام:انتى حلوة اوى من غير اى حاجة امال انا وقعت من شوية
ساندى بإبتسامة:ربنا يخليك ليا
اسلام:ويخليكى ليا يا قلبي
ساندى:وانا بموت فيك
و بعد ان قضوا اجمل شهر عسل يعودوا مرة اخرى إلى منزلهم
اسلام بهدوء:وحشتينى اوى
ساندى:ما انا معاك اهو
اسلام:بتوحشينى حتى وانتى معايا وفي حضني كدة
ساندى:لا انا كدة مقدرش علي الكلام الحلو دة
اسلام:بموت في كسوفك حتى بعد ما اتجوزنا
ساندى:انا بقي بعشقك مش بموت فيك بس
اسلام:اخيرا رجعنا بيتنا
ساندى:رجعنا علشان اتحمل مسؤلية بيت واحسن راجل في الدنيا
اسلام:وانا هرجع لشغل الشركة تانى واتحمل مسؤلية احسن بنوتة في الدنيا وبعدين ولاد وبنات شبهك كده قمر
ساندى:عارف يا اسلام انا لما بقعد مع نفسي بعاتب نفسي اوى علشان مكنتش حاسة بيك في الاول
اسلام:ودلوقتى بقى حاسة يابت ده انتى من اول ما اتولدى وانا عينى عليكى من اول ما سمعت صوت مامتك وهى بتصوت يوم ولادك ومن ساعتها وانا بموت فيكى وعينى عليكى يا اجمل ساندى في الكون كله من وانتي صغيرة وانا بعشقك اصلا يلا ننام بقا علشان من بكرة هتبدا الزيارات
ليذهبوا معا إلى نوم عميق
ساندى بفزع:اسلام حاسب يا اسلام حااااااااسب ويتقلبو بالعربية اسلام انت كويس فوق يا اسلام رد عليا
اسلام:انا بحبك اوى ياساندى اوعي تفتكرى ان حد هيحبك اكتر منى
ساندى:وانا مش هحب غيرك وانت هتبقي كويس
اسلام:خلاص يا ساندى ربنا اختارنى اكون عنده
ساندى:لا متسبنيش يا اسلام انا ضعيفة اوى اوى من غيرك وانت هتبقي كويس
اسلام:لا انتى اقوى من كدة اوعي تقولي كدة
ساندى:انا من غيرك مش هقدر اقف قدام الناس يا اسلام ارجوك متمتش يارب خليه يارب ملحقتش اشبع منه
اسلام:اتجوزى بعد ما انا اموت انتى لسه صغيرة
ساندى:انت هتبقي كويس يا اسلام انا واثقة في ربنا رد عليا يا اسلام والنبي ردعليا علشان خطرى رد عليا يا اسلام لتفيق بفزع و صراخ:إسلام متسبنيش
ليستيقظ إسلام سريعا:متخافيش انا جانبك ليحتضنها
ساندي بقلق:انت كويس صح انت كويس
اسلام:اشربي ماية وتعالي في حضني نامي
ساندى:ماشي بس متسبنيش
اسلام:ده انتى الهوا اللي بتنفسو ازاى بس اسيبك
لتذهب في نوم عميق بعد أن احتضنها وكانت متشبثة به كأنه طوق النجاة
وتانى يوم
ساندى:اسلام انا عايزة اقولك علي حاجة
اسلام:قولي يا حبيبتى
ساندى:مريم عايزة تسيب مصطفى وقالتلي انا اللي اقولك
اسلام:قالتلك امتى
ساندى:من ساعة ما كانت هنا وتبقي تكلمها
اسلام:ازاى يا ساندى متقوليش كل دة
ساندى: يا اسلام مهو انا لو كنت قولتلك واحنا مسافرين كنت هطنش هو انا مش عرفاك و بعدين هي قالتلي إنها محتاجة وقت
اسلام:خلاص اصلا ادخلي البسي علشان ننزل عند ماما
ساندى:حاضر يا حبيبي ثوانى
لتبدل ملابسها سريعا و ينزلوا إلى منزل محسن
ماجده:اهلا وسهلا بالعرسان
محسن:ايه يابنى اللي جابكوانتو مش كنتو حاجزين شهر
اسلام:علشان ننزل من اول يوم الدراسة
محسن:طيب ربنا يكرمكوا ادخلي يا ساندى لحسن مريم بقت بتنام كتير اوى الايام دي
اسلام:وانا كمان هدخل معاها علشان اخلي مريم تشوف الهدية بتاعتها ليدخل اسلام وساندى إلى مريم
ساندى:عارفة انك مش نايمة قومي اسلام قولتله علي كل حاجة
مريم:قامت بسرعة بجد يعنى هتخلينى اسيب مصطفي
اسلام:طبعا يا حبيبتى لو انتى مش عايزة
مريم:انا خلاص ده قرار نهائي
اسلام:يبقي هكلموا يجي ياخد شبكتوا
مريم:ربنا يخليك ليا يارب
و أول يوم دراسة يذهب إسلام مع ساندي إلى الجامعة لينزلوا من السيارة و هو يضع يده على كتفيها محتضنها
اسلام:حبيبتى انا هروح اجيب فطار
ساندى:ماشي يا حبيبي
ليذهب إسلام إلى كافتريا الجامعة
حازم:الف مبروك يا اسلام عقبال ما اشوفك اب
اسلام:الله يبارك فيك يا حازم
حازم:امال متعرفش فين حمزة
اسلام:لا بقالي فترة مشغول عنو بسبب الجواز وكدة
حازم:طيب تبقي تسأل عليه
و يعود إسلام مرة اخرى و يرى معتز جالس مع ساندي
اسلام:انت ايه اللي قعدك هنا
معتز:كنت بجيب لساندى جدول المحاضرات
اسلام:طيب شكرا يا عم روح بقي علشان المدام بقت بتاعتى ومينفعش حد يشوفكوا كدة ويقول عليا حاجة
معتز:انا ولله كان قصدى اساعد وجبتلها جدول المحاضرات
اسلام:خد اهو رقمى وانا اي حاجة هجيلك اخدها منك ماشي
معتز:ماشي يا اسلام ليذهب معتز في طريقه
اسلام:انتى دلوقتى مراتي مينفعش حد يقعد معاكى
ساندى:بس معتز ذى اخويا يا اسلام
اسلام بعصبية:كلمة وخلاص كلامي يتنفذ من كلمة واحدة مفهوم
ساندي بضجر:حاضر مفهوم
اسلام بإبتسامة:بحبك بقى
ساندى:وانا بموت فيك يلا ناكل بقي علشان كمان نص ساعة عندي محاضرة
اسلام:حاضر عليكي حاجه تانى
ساندى:لا لية
اسلام:اصل انا فاضي وهروح اشوف حمزة علشان مش باين بقاله فترة وبتصل عليه دلوقتى تليفونه مقفول هروح عنده البيت اشوفه
ساندى:طيب عقبال ما انا اخلص محاضرتي
ودخلت ساندى المحاضرة واسلام راح عند بيت حمزة
ليدق إسلام باب منزل شقيقة حمزة ليفتح ابن شقيقته
اسلام:ازيك يا حبيبي مش ده بيت حمزة
الولد:ايوة هو بيت حمزة ثوانى انادى ماما
نوران بحزن:اهلا يا اسلام حمزة ولله سافر بعد فرحك بيومين راح دبي هيكمل هناك مع بابا انشاء الله
اسلام: شكرا يا نوران مع السلامة بس هو مفيش ليه رقم هناك اعرف اكلمه
لتخرج رقمه من هاتفتها و تعطيه لإسلام
نوران:اتفضل يا اسلام اهو الرقم بتاع تليفونه
اسلام:لو عوزتي اي حاجة انا هنا مكان حمزة
نوران بإبتسامة:مستغناش يا إسلام يارب
اسلام:طب سلام انا بقي علشان مراتى زمانها خلصت المحاضرة
نوران:سلملي عليها كتير
اسلام:يوصل انشاء الله ويعود اسلام مرة اخرى إلى الجامعة لينتظر ساندي
لتأتي من خلفه و تقبل صدغيه
ساندي:انا جيب
اسلام:يلا نروح علشان انا تعبان جدا
ساندي بتساؤل:روحت لحمزة
اسلام:سافر ليقص عليها ما حدث بينه و بين نوران بالتفصيل
وتعدى السنة عليهم جميعا
حمزة في دبي اشتغل وكالعاده طلع الاول وبيكمل دراسات عليا
اسلام طلع الاول ومستنى بفارغ الصبر ان ساندى تكون حامل
ساندى طلعت الاولي لانها عرفت توفق بين اسلام والكلية والبيت
مريم:كانت على طول بتكلم حمزة فيس وتقريبا ابتدو قصة حب جديدة مع بعض وساندى عارفة. ماجد كل يوم عند مروة بس بدأ يخف من المخدرات ويتجة لطريق ربنا واتغير هو ومروة كتير
وفي يوم اسلام وساندى عند محسن
ماجدة بأمل:مش ناوية تفرحينا يا ساندى بعيل صغير ولا اتنين
اسلام:انشاء الله احنا بندعى وربنا يستجيب
ساندى:انشاء الله يا جماعة انتو مستعجلين لية
و بعد الحديث يصعد إسلام و ساندي إلى منزلهم و تذهب ساندي إلى المرحاض و تستحم
اسلام:حبيبتى مشوفتيش الساعة بتاعتى
ساندى:لا يا حبيبي مشوفتهاش
لتخرج من المرحاض و هي تجفف شعرها بالمنشفة
اسلام بصراخ وعصبية:سااااااااااااااااااندى تعالي هنا
ساندى:طب ثوانى يا حبيبي
اسلام:تعالي هنا قولت مفيش ثوانى
ساندى:يا حبيبي حاضر بس ثوانى
اسلام اتنرفز اكتر وزعق:تعالي هنا قولت ولو قولتها تانى هتشوفي ايه اللي هيحصلك
لتدخى ساندي إلى الغرفة بضجر
ساندى:ايه يا اسلام مش قادر تصبر عليا يعنى هى الدنيا هطير
اسلام بغضب:ممكن افهم ده بيعمل ايه هنا في درج الكيمود
ساندي بتوتر:انا هفهمك
اسلام:لما انتى مشعايزة تخلفي منى لية اتجوزتينى
ساندى:اهدا و انا هفهمك
ليستشيط غضبا أكثر
---------------------
_بحبكم في الله_
اسفة على التأخير جدا
ل/سندس محمد السيد
أنت تقرأ
قلبها حجر
Ficción Generalهي تربت في بيته بعد ان توفي والدها لا تشعر بحبه رغم معرفتها الجيدة انه يعشقها يتحكم بها ويخاف عليها كأنها ابنته وليست حبيبته سيتنازل من اجلها عن حبه لقد اخذ وعد علي نفسه منذ وفاة والدها انه سيكون الحامي لها الي ان يسلمها الي زوجها الذي يغار منه ويش...
