قلبها حجر

part 20

(قلبها حجر)

عند مروة في البيت
مروة:ايه اللي جابك مش انت كنت رايح انهارده تشوف العروسة
ماجد:ما انا اهو جيت علشان اشوف مراتى حبيبتى كمان
مروة:بجد يعنى انا العروسة
ماجد:هاتى رقم باباكى بقي علشان اكلمو واجي اتقدملك في اقرب وقت
مروة:امسك اهو010..................
ماجد:مبسوطة بقي
مروة:جدا جدا يا حبيبي ربنا يخليك ليا
ماجد حضنها وهي بتعيط ماجد رفع وشها بأيدو:لالالا مش عايز اشوف الدموع دى تانى ابدا ابدا علشان انتى هتكونى مرات ماجد محمود
مروة:دى دموع من فرحتى انا اول مرة اشوفك بالحنية دى بجد
ماجد:وانا بقي اول مرة اشوف مروتى حبيبتى فرحانة كده
مروة:ربنا يخليك وتفرحنى اكتر واكتر كلم بابا دلوقتى بقي
ماجد:ماشي ويتصل :الو السلام عليكم حضرتك والد مروة
فريد:ايوة انا والد مروة هي فيها حاجه
ماجد:لا حضرتك انا بس كنت بكلم حضرتك علشان عايز اخطب مروة
فريد:ومين حضرتك
ماجد:انا ماجد محمود عندى شركة كبيرة وساكن في...... وعندى 24 سنه والحمدلله
فريد:تشرفت بيك يا ابنى انا فاضي انشاء الله بكرة
ماجد:حضرتك الساعة كام
فريد:علي 7 نتقابل في الفيله عندى
ماجد:شكرا حضرتك ويقفلو مع بعض
مروة:قلك ايه
ماجد:انك مخطوبة لابن عمك من وانتو صغيرين
مروة:ابن عمى مين انت بتضحك عليا انا اصلا معنديش اعمام
ماجد:هههههههههههههههههه اصلا معادى بكرة الساعة 7 في البيت
مروة:ده انت رخم وتخبطو في كتفو
ماجد:بس عندى شرط
مروة:ايه
ماجد:الفرح يكون بعد ما ساندى تولد وبعد امتحانتها نعمل الفرح ماشي
مروة:يعندى لسه هستنا اكتر من 6 شهور
ماجد:لو عايزة نعمل خطوبة نعمل ولو مش عايزة نخليها فرح بالمرة
مروة:لا خليها كل فرحتى تبقي مرة واحدة
ماجد:اصل بصراحة ساندى امبارح هي اللي قالت لماما عليكى
مروة:بصراحة انا مش عارفة رقم ليها هات رقمها
ماجد:الرقم مش معايا علشان اسلام بيزعل منها
مروة:ربنا يخليهم لبعض
ماجد:يارب
في بيت اسلام
اسلام:انتى ازاى عرفتى كل حاجه عن مروة كده
ساندى:فاكر اليوم اللي كنت ضربتنى فيه بالقلم هي اتصلت بيا وكان هتقبلنى زى ما انت عارف حاكتلي كل اللي حصل بينها وبين ماجد
اسلام:علشان كده طيب ربنا يخليكى علشان ساعديها
ساندى:الحمدلله اننا روحنا في الوقت المناسب
اسلام:الحمدلله في رقم غريب بيرن عليكى
ساندى:عادى رد
اسلام:الو مين معايا
......:هو ده تليفون مدام ساندى
اسلام:اه هو مين حضرتك
.....:مش لازم تعرف انا صاحبتها
اسلام:ساندى حبيبتى كلمى
ساندى:الو السلام عليكم مين معايا
....:انا سلمى اللي كسرتى قلبها روحى منك لله
ساندى:وانا مالي ومالك
سلمى:انا العروسة اللي كان المفروض ماجد يجي يشوفها انهارده
ساندى:وانا اصلا معرفكيش وبعدين ماجد هيخطب واحده تانية
سلمى:مهو انتى اللي اقنعتى طنط سهير انها تخطبلو مروة
ساندى:علشان مروة احق بيه منك وبعدين مروة كان كل حاجه فيها هتكسر كانت هتفقد كل حاجه ليها
سلمى:وانا مالي بست زفت انا اللي بحب ماجد من ايام الكليه وهو ولا كان معبرنى ولما يجي علشان يتقدملي انتى توقفى الجوازة وبعدين البت اللي انتى جايباها دى شمال ولله والطيور علي اشكالها تقع
ساندى:ولله بقي ملكيش دعوة شمال ولا مش شمال وبعدين هي نضيفة من جوا مش زيك بصرم يا معفنة يا صفرا
سلمى:انا معفنة وصفرا
ساندى:تقفل الخط في وشها وتحط الرقم علي البلاك لست
اسلام:مين دى
ساندى:دى العروسه اللي المفروض ماجد كان يتقدملها انهارده
اسلام:ودى عايزة منك ايه
ساندى:دى واحده حيوانة عصبتنى ولله
اسلام:اهدى بقي علشان العيال وخدى اشربي لبن
ساندى:لا بقيت بكرهو
اسلام:ده انتى بتحبي طول عمرك ومش بتشربي غيره
ساندى:مش عايزة يا اسلام الله بقي
اسلام:انتى هتتعصبي عليا ولا ايه
ساندى:يا حبيبي لا ولله انا بس تعبانة جدا من الحمل ده
اسلام:طب اشربي اللبن ده ومش هتتعبي
ساندى:حاضر وشربت اللبن
اسلام:ايه الشنب الابيض ده
ساندى:انت اللي عملت فيا كده
ااسلام:مش بزمتك احلى عمله خليتك كده شبة البلونة
ساندى:اه احلي عملة امشي ياض ما انت مش حامل زى
اسلام مسك المخدة وخلاها تحت التيشرت:والنبي شعور جميل بس الواد ده تعبنى حبتين طالع لابوه بيقلد ساندى تعالي يا اسلام ساعدنى علشان البس تعالي يا اسلام ساعدنى علشان اخلع
ساندى:انا بعمل كده يارخم
اسلام:ماشي بقي قررتى تسمى العيال دى ايه
ساندى:ايه رئيك في ادم ومحمد
اسلام:لا والواد ادم تبقي اسمو فياول القايمة في المدرسة ويبدأو بيه
ساندى:انت بتفكر في ايه من دلوقتى طب قول انت
اسلام:ايه رئيك في حمزة وحازم
ساندى:ما في حمزة في العيلة
اسلام:خلاص حازم وعمر
ساندى:ماشي يا اسلام حلو حمزة وعمر
في بيت حمزة
حمزة:ايه يا حبيبتى تعبانة
مريم:شويه انا داخله في التانى وشكلي كده امال لما ادخل علي الشهور الباقية هعمل ايه
حمزة:ربنا يقويكى يا حبيبتى ويطلعو توأم
مريم:لو طلعو بنات هتزعل
حمزة:لا طبعا وانشاء الله نجيب الولد بعديهم
مريم:ربنا يخليك ليا هو انت مبقتش تفكر فيها فعلا
حمزة:لا طبعا سها دلوقتى زى اختى
مريم:ربنا يخليك ليا يا حمزة يارب
حمزة:ويخليكى ليا ياقلبي يارب
في بيت سهير
سهير:يعنى كلمة ابوها وهو مرحب ولا كان كلامو رخم
ماجد:ولله يا ماما هو مرحب جدا وقالي بكرة المعاد الساعة 7
سارة:يعنى مش هتخطب سارة خلاص
ماجد:لا خلاص هي مروة وبس
سارة:دى شمال فاكر كنت بتقول عليها اية
ماجد:والحمدلله هى كويسة وانا كنت ظنيت ظن وحش
سارة:بس دى شمال بقولك
ماجد:مسمعكيش تقولي شمال دى خالص انتى فاهمة
سارة:كريم عايز يكلمك علشان يجي يتقدملي
ماجد:انتى كنتى ماشية معاه
سارة:بصراحة اه
ماجد:خلية يكلمنى علشان نحدد معاد
سارة: ربنا يخليك ليا يارب
نرجع تانى لبيت اسلام
وتانى يوم في الفيلا
فريد:بص يا ابنى انت انسان كويس جدا وانا اتشرف بيك قدام الناس
ماجد:شكرا لحضرتك انا انهارده جي ومعايا امى واختى علشان نقرأ الفتحة وانا انشاء الله تحت امرك في اي حاجة
فريد:بنتى هي اللي تتشرط وهي تقول عايزة اي انتى ايه رئيك يا مروة
مروة:انا اى حاجه ترضيك ترضينى يابابا
فريد:التفاصيل زى هتسكنو فين وكده مروة وانت اللي تحددوا مش احنا وبالنسبة للتفاصيل انا وانت هنتكلم فيها دلوقتى واتكلمو في التفاصيل وقرأوا الفتحة
وبليل
مروة:انا فرحانة بجد يا ماجد حلوة الهدية بتاعتك اوى
ماجد:انتى ميخلش عليكى حاجه ده الخاتم تمنو 25 الف جنية بس
مروة:بس ده الماس
ماجد:يا حبيبتى خلي ايدك تكون حلوة بيه
وتعدى الشهو واخر يوم امتحانات لساندى
ساندى:اخيرا خلصت امتحانات والحمدلله لسه مولدش
اسلام:الحمدلله يا قلبي خلي بالك بقي علشان انتى في اول التاسع
ساندى:بطنى وجعانى من الصبح
اسلام:طب نامى يا حبيبتى بقي وانا اهو هنام جنبك
والساعة 5 الفجر
ساندى:اسلام قوم يا اسلام
اسلام:نعم يا حبيبتى في حاجه
ساندى:اسلام بطنى وجعااااااانى وتصوت
اسلام:يا حبيبتى اهدى
ساندى تمسك فيه جامد وتعض في دراعو:ااااااااه حرام عليك
اسلام:وانا مالي انا هو انا اللي بضربك
ساندى بتصوت جامد طلعت ماجدة ومحسن ومريم وحمزة
ماجدة:في ايه يا اسلام
اسلام:المجنونة دى صحتنى وشغالة تعض فيا علشان بطنها وجعاها
ماجدة:شكلها بتولد روح هات دكتور
ساندى:يا اسلالالالالالالالالام حرام عليك الحقنى
اسلام:وهو اسلام في تار بينك وبينو
ماجدة:هاتلها حاجه تعض فيها علشان سنانها
ساندى:اطلع برة مش عايزة اشوفك
اسلام:وانا مالي انااااااااااااااا عملت حاجه
ساندى:ما انت السبب اطلع برة
اسلام:انا السبب ماشي يا ساندى انا هوريكى يا جازمة
ساندى:انت لسه هتقعد قوم هات دكتور مش قادرة
ماجدة:انزلو هاتو دكتور انت وحمزة
اسلام:هتصل بالدكتورة بتاعتها
ساندى:اتصل يا غبي مش قادرة حرام عليك
اسلام:انا غبي
محسن:انت لسه هتتخانق اتصل بسرعة اتصل وراح علشان يجيب الدكتورة هو وحمزة
الدكتورة:يابنتى حولي تمسكى نفسك عن كده
ساندى ماسكة في شعر اسلام:لما يتولدو عيال الجزمة دول
اسلام:يابنتى حرام عليكى سيبى شعري
ساندى:استحمل بقي مش انت اللي عملت كده
اسلام:انا اسف مش هعمل كده تانى وباسها جامد من شفايفها
الدكتورة:خلاص كده الحمدلله عدت علي خير
ساندى:مسكة ولد واسلام مسك ولد
اسلام:ده هيبقي حازم
ساندى:وده عمر حبيب ماما
اسلام:حازم ده حبيب بابا
ساندى:لالالالا الاتنين حبايب بابا وماما
اسلام:انا بقي غبي وحرام عليا واطلع برة
ساندى:ما انت خلاص البوسة عملت مفعول كانت فين البوسة دى
اسلام:كانت هنا وباسها من ايدها
ساندى:عارف حازم شبهك بالظبط خالص
اسلام:اصلا هاتى عيالي دول كده وشال الاتنين ويلا انزلى تحت عند امى مش عايزينك
ساندى:كده يا اسلام
اسلام:ده انتى اكلتينى علقة اول مرة حد يضربنى كده
ساندى:مهو انت السبب
اسلام:وانا غبي
ساندى:مفيش اذكى منك في الدنيا يا حبيبي
اسلام:ده انتى قولتى كلام وانا بقي اطلع برة امشي بقي من هنا انتى خلاص سلمتى عيالي الاتنين الحمدلله بسلام اتكلى بقي محسن كان قلقان عليكى خدها وانزل يا محسن
ساندى:ده انت حبيبي
محسن:اسكت يا ابن الكلب مراتك تعبانة
ماجدة:متقولهوش تانى ابن الكلب دى الواد بقي عندو عيال
محسن:لا هيفضل ابن كلب
مريم:انا بقيت عمتو للعيال الهبلة دى طلعين لامهم
ساندى:اسلام انا تعبانة اوى وعايزة انام ودايخه
ماجدة:انزل هات عصير يا اسلام
اسلام:في كتير عندك يا ماما جوة
ماجدة:ايوة خلاص اشربي يا ساندى وانا هفضل معاكى
مريم:يلا يا حمزة نزل احنا
ساندى:خليكو معاانا
مريم:لا علشان حمزة وراه بكرة شغل والحاجه تحت
حمزة:يلا يا مريم ونزلو
محسن:انا هنزل تحت يا ماجدة
ساندى:ولله ما تنزل يا بابا خليك معانا
محسن:لا انا مش بستريح غير علي سريري
اسلام:ماجدة مش هتكون تحت خليك هنا
ماجدة:فكرتينى بيا يا ساندى لما كنت بولد اسلام
محسن:اليوم ده عملت اللي انتى عملتية في اسلام ده بس ده فيا
اسلام:هههههههههههههههه طول عمرى متعب
ساندى:ولله كويس انك عارف نفسك يا متعب
محسن:طب انا هدخل انام عايزين حاجه
ماجدة:و روح معاه يا اسلام انا اللي هبات جنب ساندى هنا
اسلام:لا مش هسيب عيالي انا
ساندى:انت ماشي يعنى مش عايز تسيب عيالك لاكن تسبنى انا
اسلام:لا يا حبيبتى ده لو مكنتيش موجوده مكنتش هجيبهم من حد تانى
ساندى:ربنا يخليك ليا
ماجدة:روح يا اسلام نام مع ابوك
اسلام:حاضر خلاص ودخلو نامو ويصحي اسلام مفزوع جدا

انشاء الله بكرة الحلقة الاخيرة من القصة ولو عايزين جزء تانى ياريت تقولو في الكومنتات وفي قصة تانية هتنزل اسمها احببت
تأليف بسنت عباس ياريت تبقي في متابعة والناس اللي بتابع في صمت ياريت كومنتات ولايكات علشان اعرف انزل الجزء التانى ولا لا