الحلقة "1"
للكاتبة :ftöömâ ömâr
"واقعيةة"
في سنةة "1995"
سالم:تعالي ياحقيرةة ياللي اهلك ماعرفوش يربوك "وقعد يضرب فيها"
فاطمة:حرام عليك ،اه خيرني شن درتلك؟!
سالم:اني تردي علي امي ياواطيه اني!
فاطمة:والله مارديت ،اطلقني
سالم:انتي معاش تنفع فيك الطيبه ،لمي حوايجك وانتلفي لحوش بوك يربيك ياكلبةة
فاطمة:حرام عليك ،واللهِ مارديت معاش تضربني اه
سالم:تي نقتلك مش نضربك وبس وحده بلا ربايةة
هادا عقابها ترفعي صوتك علي أمي ،سكتتلك هلباا ومعاش ينفع فيك
فاطمة:اه حول معاش تضربني خوفت البنت
سالم:نوضي لمي حوايجك ودرقي وجهك ،اتفووو عليك وع اليوم اللي خديتك فيه
سالمة:"واقفه ع الدروج قدام باب الشقه وتسمع في العياط وحاسه بشعور الانتصار وفرحانه بالشئ يللي داراته"خليها الكلبه تستاهل من يوم جبتها كنه ماخاشتلي راس ولانبيها
هناء:حرام عليك ياأمي شن دارتلك هيا؟ بدال ماتحطيها في عيونك واللهِ طيبه وكويسه ليش كدبتي وخليتيه ايدير فيها هكي حرام عليكك!
سالمة:سكري فمك انتي ودوري من قدام وجهي ،عقاب الوقت انتي بتعلميني الحرام من الحلال ،ماريتلها طيبه اني خلها تتطلق ونخطبله بنت اختي والله احلى منها بمليون مره.
هناء:"فاتت وهيا تقول"ربي يهديكك ياأمي ربي يهديك بس
فاطمة:حرام عليك واللهِ مادرت حاجه! ،صغاري تبيني نخليهم بلا أم ،ترعشوا فيا واني نافس حسبي ربي فيكم!
سالم:فرختك هادي ارفعيها معاك وخلي "منى" معاي ،واتصلي بخوك يجي يروح بيك ،انتي طالق!
فاطمة:تبكي وحاضنه بناتها ،حسبي ربي فيكم بتحرمني من بنتي
سالم:ياخسارة حبي ليك احترمتك وحبيتك ووقفت في وجههم كلهم وخديتك ،لكن اخ وخلاص نوضي معاش نبي انشوف وجهك!
"ناضت فاطمة قامت التلفون وهيا تشهق وتبكي واتصلت بخوها "عمر" ولمت حوايجها وقعدت تستنى فيه وتحضن في بنتها "منى" وتشهق وتبكي"
منى:ماما عاش تبكي!
فاطمة:"حاضنتها" حاضر ياماما تو نسكت
منى:وين عدي انتي مامي؟!
فاطمة:ياروح مامتك انتي ،قاعده اني نمشي لخوالو ونجي باهي ماما
منى:باهي اطوليش عليا ،بيش تعطيني همه وتنني معاي
فاطمة:حاضر ياماما "وتبوس فيها وتبكي"
ترن ترن ترن
عمر:ايوه فطومه هيا انزلي اني لوطه
فاطمة:هاني نازله
خدت حوايجها وبنتها وباست بنتها التانيه وودعتها وزادت في دموعها
"وهيا نازله"
سالمة:مشيه بلا رده ان شاء الله
فاطمة:حسبي الله ونعم الوكيل فيك ،الله يدوقك من النار اللي ولعتيها في قلبي ياربي
سالمة:بري بري سلم بنتي ،وتردي معاها جعنك ماوليتي
"فاطمة طلعت لسيارة خوها وهيا تتحسب في عزوزتها اللي فتنت بيها وبين راجلها وخربتلها حوشها ،وراجلها اللي صدق كلام امه وهوا كله كدب رغم انه كان يحبها ومايصدقش في كلام امه عليها ،لكن امه كترت النقيق وخلاته يصدق"
أنت تقرأ
تباً للذاكرة🖤!
General Fictionشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
