"منى خدت السفرة وطلعت للمربوعه دقت الباب"
دق دق
عمر:خشي منيوه
منى:"خشت ومواطيه راسها"السلام عليكم
سراج:"عيونه قلوب قلوب"وعليكم السلام
منى:"مدت القهوة لخالها"تفضل خالي
عمر:"خدي القهوة"بنشربها برا اني نحب نشربها في الهوء الطلق "وقعد يضحك لانه الحركه مقصوده يبي يخليهم بروحهم"
سراج:"ضحك"اي يقولوا مفيده اكتر تحت الشميسه ياعمي
منى:"تحشمت ومدتله السفرة باش ياخد"تفضل
"طلع عمر وهوا يضحك"
سراج:"مسك السفره وحط ايديه ع ايديها"مانبيش شي اني ،شي بنشوفك مش جاي ناكل
منى:"تحشمت وقعمزت جنبه وتشبح ليديها اللي كانت شابكتهم في بعض وتحرك فيهم بتوتر"
سراج:"ضحك"حليلي محلاها المتحشمه
منى:"ابتسمت ووجها بدي احمر"سلمك
سراج:بتقعدي متحشمه هكي جاي بنهدرز معاك را
منى:باهي هدرز نسمع فيك
سراج:احم تو نهدرز ،اني يامنى من يوم شبحتك تجري في الشارع انضربت فيك وحبيتك ومن يومها مافارقتيش بالي وماصبرتش المده هادي كلها كان بالسيف لانه ماكنتش نبي نجي واني مش مكون روحي ،كملت حوشي وبديت مستقر في خدمتي واهو جيتك وناويك حلالي وام صغاري ومانبيش غيرك تشاركني حياتي
منى:"تسمع فيه وساكته"لكن اني..
"قطع علي كلامها سراج"
سراج:اني عارف كل شي مريتي بيه ،ومقدر وضعك وضروفك وراضي بيك ،وان شاء الله ربي يقدرني ونعوضك علي كل الايام اللي عشتيها ونكون ليك البو والخو والام والسند والراجل والحبيب وكل شي تبيه
منى:"فرحت وارتاحت من كلامه اللي اول مره تسمع حد يقولهلها"
منى:"بصوت واطي وواضح عليها الحشم"ان شاء الله وربي يقدرني نسعدك
سراج:"فرح قريب طار لما حسه انها تبيه"يعني حتى انتي عايشه نفس ممشاعري؟
منى:"ابتسمت"امم اي من يومها ،لما كنت مبهدله وحالتي حاله
سراج:"ضحك"والله تهبلي حتى يومها
منى:سلمك
"وكملوا هدرزه وناض سراج روح ،وخشت منى هيا وعمر للحوش"
عمر:منى بري غيري دبشك وتعالي نبيك
منى:حاضر هي
سناء:خيرك؟
عمر:تو تعرفي
"غيرت منى حوايجها وجت"
عمر:قعمزي منيوه
منى:تمام
عمر:بنقولك علي خبر مش حلو بس اني دسيته عليك باش مانفسدش عليك فرحتك وتوا كل شئ تمام ف بنقولك
منى:قول خالو
عمر:اختك ضربتها سيارة وهيا مروحه من المدرسه ورفعوها للمستشفى ومعاش فاقت واكتشفوا انها حصلت خبطه خفيفه علي راسها سببتلها في غيبوبه بس مش حطول
"قطعت علي كلامه منى"
منى:"قعد تبكي"عليش ياربي ماسد مرام وتوا ميار!
عمر:مش ميار اللي ضربتها السيارة
منى:"استغربت"مني؟
عمر:مريم
منى:"قعدت مصدومه مش عارفه تبكي وله شن ادير مش فاهمه شي"مني؟
عمر:مريم اختك يامنى بس الغيبوبه مش حطول كان كترت شهر بس لانه الضربه خفيفه
منى:"زادت في بكاها وقالت لخالها بدون تفكير"ارفعني ليها
عمر:"انصدم بس مستحيل يرفضلها طلب"نوضي هي
"ناضت منى تلبس في عبايتها وهيا تبكي وتفكر في اللي قالاته لخالها زعما صح اللي ادير فيه؟"
سناء:"كانت تبكي علي مريم"حتى اني بنمشي
عمر:لا خليك انتي مره تانيه نرفعك
سناء:تمام بس طمني عليها
عمر:تم بس رد بالك تكلمي فاطمة را ماتعلمش لتوا
سناء:حاضر
أنت تقرأ
تباً للذاكرة🖤!
Narrativa generaleشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
