بعد مرور شهرين:
مريم:عينك ياخرا هادا مش حلو ،تعالي شوفي هادا احلى
منى:وووك عليك شيك دووق عينك ،شن فيه من حلو تو هادا
علي:"يضحك"تي الحق مش فيكم الحق في اللي يبيكم تختاروا بروحكم ،حولي انتي وياها اني بنختار هي
منى:"ضحكت"ترا بابا نشوفوا دوقك
علي:"اشرلهم علي فيلو كان خياااااال"شن رايكم في هادا؟
مريم:"تشبح للفيلو وهايمه فيه كان ياخد العقل"بابا الفيلوا رووووعه مش عادي بكل
منى:"تتأمل في الفيلو وعيونها دمعوا ومشت لعلي حضناته"انت احلى اب في الدنيا
علي:"ابتسم وفرحان ببناته قريب يطير"وانتم احلى بنوتات في الدنيا
____________________
"قبل شهرين طلعت مريم من المستشفى وكانت حالتها ممتازة ومع الايام زادت تحسنت وولت تمام ،وسراج جي كمل في منى وحددوا العرس بعد شهرين وحالياًّ قاعدين يجهزوا للعرس ،وكلهم فرحانين ومش مصدقين انه منى خلاص بتتزوج ،طبعاً بعد ماطلعت مريم بالسلامة علي حلف انه منى ماتسكن الا في حوشه وتطلع من عنده عروسه وخلاها تتعود تقوله بابا زي مريم وفعلاً كان ليهم احلى أب ،وسالم معاش يعلموا علي اخباره"
____________________
يوم عرس منى في الصالة:
منى:"لبست الفيلو اللي كان اختار بوها وطلعت خيال بالتاج اللي علي راسها والميك اب اللي مطلعها حاجه تانيه ،وسراج كان كل شوية يبعتلها رسالة حب احلى من التانيه فرحان بيها ومش مصدق انه خلاص ولت حلاله❤"
مريم:"لبست قفطان احمر منفوخ ودارت شعرها فلو مع ميك اب خفيف وحتى هيا قفطانها اختارهولها بوها وطلعت تهبل"
منى:"خشت للصالة"خايفه يامريم بنموووت
مريم:"مبتسمه"سكري فمك ياحيوانه خير مايجيك كف تو تفضحيني قدام الناس
منى:"ابتسمت"واك منك يافرخه مريم طول النهار وانتي تهددي
مريم:"ضحكت"لانك حماره ماتمشيش كان بالعين الحمره
"كملت منى طريقها بروحها تدرج وخايفه خشت علي اغنية حسين الجسمي
قعمزت علي كرسيها ،وبسرعه مافات الوقت وقالوا اهل العريس جو
وكل شويةة جاي حد يسلم علي منى ويباركلها"
وجت اللحظة المنتظرة:
المنشطة:المتحجبه تلبس العريس بيخش
منى:"شاده في يد مريم"ياحماره خليك معاي بنمووووت اخ ياربي
مريم:"تفك في يدها من منى بالسيف وتضحك"تي بري يامريضه شن نقعد معاك ،حولي راجلك بيخش
منى:"طلقت مريم وهيا خايفه موت"
سراج:"خش علي اغنية هلا بريحة هلي❤ ،وكان يشوف لمنى من بعيد ومبتسم وباين عليه الفرحه"
سراج:"سلم علي منى وباسها علي راسها"مبرووك علينا منيوتي❤
منى:"تحشمت"يبارك فيك
"هدرزوا جميع ،وناضوا روحوا لحوشهم والناس روحت وتمت ليلة منى واللي هيا ليلة عمرها علي خير"
في حوشهم:
سراج:"مبتسم"مش مصدق واخيراً المبهدله ولت حلالي ومعاي في حوش واحد
منى:"تحشمت ومبتسمه"الحمد لله ربي جمعنا
سراج:ومش ح يفرقنا ،و ح تقعدي مرتي وحبيبتي وام صغاري طول العمر❤
أنت تقرأ
تباً للذاكرة🖤!
General Fictionشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
