تاني يوم الصبح:
"طلعت مريم من الجناح متاعها ونزلت تحت ومش عارفه وين تمشي ؛لانه الحوش كان يدوخ من كترت ماكبير"
علي:ناضت بنتي الحلوة؟
مريم:"ابتسمت"اي نضت
علي:صباح الورد ياوردتي
مريم:صباح النور عمو
علي:"دار روحه زعلان"بدينا في الغلط من توا؟
مريم:"ضحكت علي شكله وكيف يعامل فيها زي الصغار"صباح النور بابا
علي:"ضحك وقرب منها شدلها خدودها"اهو هكي حلوين
مريم:"ضحكت"
فاطمة:بدت الخيانة من توا شاد راس بنتي؟
علي:من قال بنتك هيا بنتي اني هادي
مريم:"ضحكت"بنتكم الزوز ماتتعاركوش عليا
فاطمة:صباح الخير مريومه
مريم:صباح الخير
علي:شن تبي تفطر بنيتي؟
مريم:عادي اي شئ ،غير وين المطبخ هوا مالقيتاش اني!
علي:مطبخ شني؟ مش ضروري تعرفيه طريقه اصلا
مريم:علاش؟
علي:"قعد ينادي علي الخدامة" نورية يانورية
نورية:صباح الخير
علي:صباح النور ،شني الفطور واتي؟
نورية:اي تفضلوا لغرفة الماكله
مريم:"تشبح لأمها مصدومه وساكته"
علي:عرفتي علاش توا؟ ،لانه اميرتي اني ماتخشش للمطبخ لا هيا لا أمها
مريم:"ضحكت وفرحانه مش مصدقه انه هادا راجل أمها وتقول في خاطرها أكيده هادا بوي بس هما غالطين"شكرا بابا
علي:هيا تعالي "ومسك في ايدها"
"مشوا لغرفة الأكل وكانت الطاولة مليانة ماكلة كل شئ يخطر علي بالك للفطور فيها"
فاطمة:"ضحكت"هادا فطور وله عشي ملكي؟
علي:مافي شي من واجبكم ،تفضلوا مش ضروري نقعد نعزم عاد الحوش حوشكم.
مريم:"ضحكت"حاضر
"مريم كملت فطورها وناضت بتمشي للمدرسه"
نورية:مريومه السواق برا يراجي فيك خودي حوايجك واطلعي
علي:سواق شني هادا قوليله يخش يكمل رقاده ،اني اللي بنرفعها بنيتي
مريم:"ضحكت ولقت روحها لا إرادياً ماشيه لعلي وتبوس فيه علي راسه"ربي يخليك ليا
علي:"ضحك حس يفرحة لاتوصف لانه مريم فعلا بدت تحس أن هوا بوها مش زي بوها وماتوقعش منها ردة فعل زي هادي بهالسرعة"ويخليك ليا ياوردتي
فاطمة:"تشبح لبنتها ولعلي ومش مصدقه انه ربي عوض بنتها علي حنان الاب اللي فقداته من سنين" بري حبيبتي البسي وتعالي
مريم:حاضر هي
"لبست ونزلت ولقت علي واقف يراجي فيها"
علي:"يلبس في نظاراته"هيا بابا طولنا را
مريم:هيا طلعت اني
"وركبت معاه في السيارة ورفعها للمدرسه وطول الطريق وهوا يهدرز معاها ويضحك فيها وهيا بطير من فرحتها"
____________________
في المدرسه:
بسمة:احكيلي احكيلي شن صار امس؟
مريم:اخ شو بدي احكيلك لاحكيلك
بسمة:ياساتر شكله في كلام هلبا
مريم:اول شي نحكيلك علي بابا
بسمة:بابا! ،من بابا؟
مريم:راجل ماما
بسمة:مصرع قعدتي تقوليله بابا!
مريم:كلمة بابا شويه فيه هوا يوم واحد عشته معاه خلاني ننسى السنين اللي عشتها بلا اب وانحرمت فيهم من حنان الاب ،اني متأكده انه هادا مستحيل يكون راجل أمي ،هادا المفروض يكون بوي بس في حد لاعب في الاعدادات ،أستغفر الله سامحني ياربي ،لكن والله حبيته وزاد الكره في قلبي تجاه سالم
بسمة:لا ماتخليش شعور الكره يكبر في قلبك ،انتي طيوبه وحبابه واكيده حتسامحيه
مريم:انشاء الله خير
بسمة:باهي شن شكل حوشه وهكي؟
مريم:قصر فيلا خيال الحوش يجنن وفي خدامة وقال أميرتي وأمها مايخشوش للمطبخ بكل وفي سواق خاص وداري تجنن وكل شئ حلو
بسمة:"ادكرت منى وكيف عايشه وجعها خاطرها عليه"انشاء الله ياربي ديما فرحانه
مريم:اني وياك يارب
بسمة:اي قوليلي مريومه مع مني كنتي تهدرزي في الليل؟؟
مريم:"تلبكت" ااءء اءء اني؟
بسمة:اي انتي
مريم:مع محمد
بسمة:"ضحكت" وخيرك خايفه ياحماره؟ تي اني فرحانه اكتر منك
مريم:خزي ياكلبه نحسابك زعلتي ،قلت مرات ماتبينيش نكلمه وله هكي!
بسمة:"ضحكت"تي خوديه المهم جيبولي سمير بس
مريم:"ضحكت"انشاء الله يجيك بروحه بلا جميل من حد ،غير قوليلي كيف عرفتي؟
بسمة:أمس في الليل مشيت لداره نبي نكلمه لقيت التلفون بحدا ودنه وهوا راقد في سابع حلمه قمت التلفون لقيت مكتوب مريومتي وبحداها قلب احمر وجو
مريم:"تحشمت"بجد تدوي؟ ياحليلي منه
بسمة:اي وربي بجد ،قالك انحبك؟
مريم:لا ماقالش ،لكن واضح
بسمة:اي ماله سلم بنيت عمي ديري بالك علي وخيي
مريم:في عيوني هوا
"ومشوا لفصلهم"
أنت تقرأ
تباً للذاكرة🖤!
Ficción Generalشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
