"خشت ميار وسلمت علي سناء ورفعتها لدار منى"
ميار:منيوه!
منى:"كانت الدار مسكره ولما سمعت صوت ينادي عليها حساته مش غريب عليها"مني ينادي؟
ميار:"فتحت الباب ولما شافت منى طول دمعتها نزلت"اني!
منى:"ناضت تجري حضنتها وتبكي"ياروحي انتي ،استاحشتك ياميار
ميار:"تبكي احرف منها"والله اني اكتر قعدت بروحي يامنى
منى:"طلقتها وقعمزتها ع السرير"تعالي احيكلي كيف حالك وشن دايره؟
ميار:"قعمزت جنب منى وخلت ايد منى علي كتفها"خليني في حضنك محتاجه لحنان لاخت اللي فقدته
منى:"حضنتها وزادت في دموعها"معاك اني ماتخافيش
ميار:"تبكي وتحكيلها"تعرفي يامنى توا كيف حسيت بشعورك فهمت شن معنى تفقدي اختك بس انتي اختك ماتعرفيهاش اني اختي تربيت معاها ودكرياتي كلها معاها ،استاحشتها واستاحشتك
منى:واعر الشعور هادا والله حاسه بيك
"هدرزوا هلبه وبكوا وضحكوا بس دموعهم كانوا اكتر دموع شوق وحزن ووجع وفقد لاختهم اللي ماتت ومعاش ح ترجع"
"جي سالم روح بميار ومسألهاش علي منى حتى بالكدب هوا صح تغيرت علاقته ومعاملته بميار بس منى مكانش يفكر فيها نهائياً"
____________________
نرجعوا لمنى:
منى:"اللي كانت مقعمزه في دارها وتشبح لميار وهيا تركب في سيارة بوها وروحوا دق باب دارها"مني؟
عمر:اني منيوه
منى:تفضل خالو
عمر:"خش وقعمز جنبها ع حاشية السرير"كيف حالها بنيتي؟
منى:الحمد لله خالو وانت كيف حالك؟
عمر:الحمد لله في خير ونعمة
منى:دوم يارب
عمر:اليوم جاني سراج اللي تلاقينا معاه في المستشفى
منى:"انصدمت وساكته وتسمع فيه بس"
عمر:الولد جي من الباب وقالي نبي بنت اختك واني بصراحه يامنيوه الولد عاجبني علم واخلاق وحالته كويسه
منى:"في حالة صدمه ،وبعباطه قتله"مني بنت اختك؟
عمر:"ضحك"انتي يابارده خيرك تفهمي سطر بعد سطر؟
منى:"فاقت علي روحها وتحشمت"اهاا
عمر:شنو نرد عليه ياخالو ،اللي تبيه حاضر اني مانجبرك علي شئ
منى:"بحشم"اللي تشوفه مناسب ديريه
عمر:"فرح"يعني موافقه
منى:"هزت راسها بمعنى اي وهيا بتموت من الحشم"
عمر:"باسها وقعد يلعب بشعرها"مبرووك ياخالو يامشفشه بتولي عروسه
منى:"تضحك وزادت تحشمت وخدودها بدو حمر"
عمر:"طلع"ان شاء الله خير منيوه ،تصبحي ع خير
منى:وانت بخير
"شويه وجتها سناء تزغرت"
سناء:"فرحانه"روروروروي مبرووك منيوه والله فرحتلك حبيبتي
منى:"ضحكت"غير يكمل الراجل بعدين باركوا
سناء:لالا كل شئ تمام المهم انتي
منى:"تريحت وفرحت انه في ناس واقفه معاها مش زي زواجها من عبد الله ماحستش بالفرحه بكل"ان شاء الله خير
سناء:سراج قال غدوا بيجي يشوفك را باش توتي روحك
منى:حاضر
"طلعت سناء ،ومنى خشت لسريرها وهيا تفكر في سراج"
منى:"مش قادره نتخيل انه حبني يوميتها كنت مبهدله ونبكي وشعري مشفشف وحالتي حاله ،بس والله قاعد في بالي من هداك اليوم مش قادره نفهم علاش بس شكله عايش نفس المشاعر ،زعما ياربي بعد الظلم للي عشته نعيش ايام حلوه واني فرحانه زي الناس ،ياربي كان فيه خير ليا جيبه كان هادا بعده ياربي مش ناقصني وجع"
أنت تقرأ
تباً للذاكرة🖤!
Aktuelle Literaturشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
