مريم:"انصدمت ....
لانه كان نفس لقبها وفعلا كان عندها عم اسمه عبد السلام بس هيا ماتعرفاش"
الابلة:مريم تقربلك بسمة
مريم:مش عارفه ممكن
بسمة:"شبحت لمريم" شن اسمك انتي؟
مريم:"ارتبكت" امم اسمي "مريم سالم ...."
بسمة:"عرفت انها بنت عمها بس مابتش تحرجها قدام الطلبة والابلة" لالا ياأبلة ماعنديش عم اسمه سالم يمكن تشابه ألقاب بس
مريم:اي اي اكيده هكي
الابلة:باهي تمام ،تفضلي اجلسي.
بسمة:حاضر
في نهاية الدوام "مريم كانت واقفه مع صاحباتها جتها بسمة"
بسمة:معليشي يامريم ،نبيك دقيقه!
مريم:تمام هي ،شويه ونجيكم بنات
صاحباتها:تمام
مريم:اني عارفه شن بتقولي
بسمة:امم بصراحة ماحبيتش نحرجك قدامهم ونقول انك بنت عمي واني وياك مانعرفوش بعض
مريم:شكرا
بسمة:بما انه طلعنا بنات عمي عادي نتعرفوا؟
مريم:اي عادي بس ماتقوليش قدام بوي انه احني نقروا جميع
بسمة:ولا يهمك
مريم:اسمي مريم زي ماتعرفي لاعندي خوت لاخوات ،واكيده فاهمه قصتي من البداية ،عايشه اني وماما مع خالي ومرته ،وانتي؟
بسمة:اسمي بسمة عندي اخ واحد اسمه محمد وماما سمية وبابا عبد السلام ،كنت نقرا في المدرسه اللي في شارعنا يعني اختك تقرا معاي بس غيرت منها لانه غيرنا حوشنا وجينا نسكنوا هنا.
مريم:اهاا تشرفت بمعرفتك
بسمة:اني اكتر
وقعدوا يهدرزوا لعند جي محمد خو بسمة
بسمة:هي سلام اني خوي جي
مريم:تمام بسومه ،سلام
وشويه ومريم جااها خالها روح بيها
بسمة ومحمد في السيارة
محمد:شنجو المدرسه الجديدة؟
بسمة:تعرف يامحمد من لقيت في المدرسه؟
محمد:مني؟!
بسمة:مريم بنت عمي سالم
محمد:شن تقولي انتي؟
بسمة:اي واللهِ بصدفة طلعت تقرا معاي في نفس الفصل
محمد:فكينا من المشاكل يابسمة
بسمة:مادرت شي اني،شن فيها كان صاحِبتها مادخلينش فيهم هلها اني!
محمد:باهي صاحبيها ،لكن ديري بالك احني مانعرفوا عليها شئ
بسمة:حاضر
وكملوا طريقهم ووصلوا لحوشهم
____________________
"محمد مواليد 1990 يقرا تانيه جامعه تخصصه قانون ،مواصفاته:طويل وجسمه رياضي وبشرته حنطيه يعني بيض بيضا وسمرا ولحيته خفيفه شعره ع الاسود وكتيف وعنده غمازه علي خده اليمين عيونه ع العسلي ،بسمة مواليد 1995 تقرا اولى تانوي طويلة وشعرها قصير ع العسلي وعيونها خضر وماعندهاش غمازه بيضه وجسمها حلو ماشي مع طولها مش سمين ومش ضعيفه ،بسمة ومحمد ماعندهمش لا خوت لاخوات تانين لانه امهم "سمية"بعد ولادة بسمة جاها سرطان في الرحم واضطروا انه ينحولها الرحم باش ماينتشرش وفعلا نحولها الرحم وشفاها ربي من السرطان وراجلها عبد السلام رفض انه يتجوز عليها لانه كان يحبها"
____________________
مريم روحت غيرت ملابسها وقعمزت مع العيلة علي سفرة الغدي
عمر:كيف حال القراية خالوا؟
مريم:كويسه الحمد لله
فاطمة:بنيتي شاطرة ماينخافش عليها
مريم:جتنا طالبة جديدة اليوم ،ترا قولوا من طلعت؟
فاطمة:مني؟!
مريم:بسمة بنت عمي عبد السلام
"كلهم انصدموا"
عمر:مريم فكينا من خلطتها
مريم:شن فيها كان تعرفت عليها ،بنت عمي هيا مش أختي ومادخلها في شئ!
فاطمة:اني ماحطيتكش في المدرسه اللي هنا باش ماتختلطيش بيهم يجوا هما يلحقوك غادي ،سلم بنيتي فكينا من المشاكل
مريم:وين المشاكل في الموضوع ،بالعكس اني فرحت لما طلعت بنت عمي علي الاقل تحكيلي علي اخبار بابا
فاطمة:"وجعتها بنتها بس في نفس الوقت ماتبيهاش اتبع اخبار بوها وهوا مش مكلف روحه يسأل عليها وله يصرف عليها حتى"ديري اللي يريحك ،لكن بدون مشاكل
عمر:ديري بالك مريومه احني من خوفنا عليك بس
مريم:خايفين عليا من اهلي؟! ،باهي حاضر.
أنت تقرأ
تباً للذاكرة🖤!
Ficción Generalشكراً ع المتابعة ،هادي حتكون روايتي الأولى ونتمنى تعجبكم حبيباتي🙂وماتبخلوش عليا بدعمكم وكونوا سبب في تطور كتابتي ورواياتي💛. روايتي تحكي علي بنتين كانوا ضحية طلاق امهم وبوهم ،وكل وحده فيهم عاشت ظروف مختلفة 180 درجة علي اللي عاشتهم اختها ،وحده انحرم...
