أحببت ممرضتي ♡

part 16

●○●○

-لمى
رفعت لمى رأسها بعد سمعت شخص يناديها نظرت أليه فتحت عيناها بتفاجئ لثواني ثم عادت نضراتها هادئه تكلمت مع طبيب وقالت انه ستمر له فيما بعد اعادت نضرها لأمير تفحصته عيناها كان يرتدي بدلة رسميه ويفتح الازرار الاولى من القميص ويرفع شعره الى الاعلى خطت بأتجاهه حتى أصبحت أمامه ،بقيت صامته تنظر إليه وتنتظر منه ان يبدأ بالكلام ....تكلم امير بهدوء
-هل يمكنني تحدث معك قليلا
اومأت له وطلبت منه توجهه للحديقه ليتكلما براحه اكثر هناك .توجهت الى هناك وامير امامها يسير تأملته كيف يسير بثقة وقوه وكيف يلفت الانتباه ايضا !! الذي يراه الان لن يصدق انه كان هنا منذ فتره لا يستطيع التحرك ...جلسا في مكان هادئ على احد المقاعد الموجوده في الحديقه جلست لمى وبجانبها امير تكلمت لمى محاوله تلطيف الجو قليلا
-اذن كيف اصبحت
-بخير
-جيد
صمتت ولم تنطق بشيء اخر تنتظره أن يتكلم مرت دقيقه كامله والصمت سيد المكان قررت لمى تكلم فقد نفذ صبرها منه ليس لديها اليوم بأكمله فهي مشغوله جدا تكلمت بالعراقي وقد بدا عليها الانزعاج
-تحجي لو اكوم اكمل شغلي
-البارحه دانيال حجه وياج صح
هزت رأسها بأجل لقد فهمت الان مالذي جلبه الى هنا ..
-شنو جوابج توافقين
-معرف اني طلبت من دانيال مهله افكر للان ما اخذت قراري
-وليش تفكير تره انتي مستفاده مثل احنه مستفادين صفقه طرفين رابح بيها
-صحيح راح اربح بيها بس شنو يكون موقفي كدام اهلي واختي شنو اكلهم فجأه زوجت !!
-وشنو الغريب قصة حب انتهت بزواج ..
لم تجب لمى وبقيت صامته لم تعلم ماذا تجيب فأي ورطه ستورط نفسها الان تنهدت بتعب فلقد بدأ رأسها يؤلمها من تفكير .
-بالمناسبه كذبه زواجنه راح تستمر لفتره قصيره ديربالج تتأملين شي من هذا زواج
ردت عليه لمى بحده وقد فهمت قصده
-وشنو مثلا التأمله _ نهضت من مكانها بغضب_انته شنو شايف الناس كلها تركض وراك وره فلوسك يعني
-اي لان شخص علمود كم دينار يبيع روحه ..وماكو فرق انتي هم راح تاخذين فلوسج وره ما تخلصين شغلج
-اولا اني لسه ما وافقت العب وياكم هل اللعبه ثانيا اني اذا وافقت انما فقط احب مساعده ناس
نظر إليها أمير وهو يرفع حاجبه بسخريه وعدم اهتمام وهذا استفزها كثيرا تكلمت بصوت غاضب
-اني اخذت قراري بما انته شوفني اركض وره فلوسك احب اكلك ارفض عرضكم وماريد منكم اي شي واطلب من دانيال ما يتصل بيه ابداً
تحركت لمى لتغادر لكنها سمعت كلمات امير وهو يقول ببرود
-ماتكدرين ترفضين مو على كيفج
ابتسمت لمى بسخريه
-ليش مو على كيفي القرار قراري واني كتلك قراري نهائي وما اتراجع عنه نهائياً
نهض امير واقترب منها انحنى قليلا وتكلم بجانب اذنها بصوت خافت
-راح توافقين لمى
ردت عليه لمى وهي تشعر بقلبها سوف يخرج من مكانه لقربه منها
-وشنو يخليك واثق راح اوافق
-اذا جنتني تردين محد يعرف بالماضي مالتج وعلي  لازم توافقين
فتحت لمى عيناها بتوسع وهي تردد بداخلها بمستحيل شعرت بتوازتها يختل أرادت سقوط لكن شعرت بذراعان قويه تسندها ساعدها امير على جلوس ..نطقت لمى بصوت مهزوز
-منين تعرف
-مو مهم منين قرارج شنو
- منين تعرف علي
- اكدر اكلج شي واحد كاعد يدور عليج حالياً
شعرت لمى بالخوف ورهبه هل يبحث عنها الان ؟!لكنه بالسجن كيف يبحث عنها رفعت نظرها لأمير هل من المعقول انه يكذب لكنه يبدو جاد بكلامه تكلمت بعد صمت طويل
-انطيني وقت اكل لأمنه واسولف لهلي
-ماشي بس لازم تخلصين كلشي اليوم