يعني ايه يا ادم كل اما اجي اكلمك تقولي مش فاضي
ايوا ياحور مش فاضي وبعدين كبري عقلك ده بقي متبقيش عامله زي الطفلة
انا طفله يا ادم
قفلت التليفون في وشه وهو لسه بيتكلم
انا وآدم مخطوبين بقالنا سنتين ونص هو ابن عمي ولما جه أتقدم بابا وافق عليه من غير حتي مياخد رأي بس انا حاولت اني أتأقلم مع الوضع اللي بقيت فيه بس هو مش بيخليني اعمل اي حاجه من اللي الحاجات اللي انا بحبها ده حتي الكتابه اللي كانت احب ليا من اَي حاجه في الدنيا بقي بيتخانق معايا عليها ويقولي انا مش عاوز حاجه تشغلك عني انا عاوز كل تفكير يكون مشغول بيا بس وانا زي الهبله سمعت كلامه ومبقتش اكتب ولا رويات ولا حتي انشر اَي حاجه علي الفيس بقت حياتي كلها ليه وبس
بس هو عمره ما خصص اَي جزء من حياته ليا
ديما مشغول عني يا اما في الشغل يا اما مع أصحابه وانا فين وفين لما يفتكرني انا مش عارفه إذا كان بيحبني أو بيمثل الحب عليا
بس انا حبيته !؟
خلاني كرهت نفسي حتي أصحابي بعدو عني بسببه لانه مكنش بيوافق اني اخرج معاهم ولا اروح ليهم حتي لما كنت اجي أتكلم معاه بتلقائيه كان يفضل يزعق معايا ويقولي فكري في كلامك ميه مره قبل ما تقوليه
خلاني متكلمش معاه غير وانا بحاسب علي كلامي كسرني ودمرني من جوا
فضلت افتكر كل ده وانا عماله اعيط في اليوم ده كتير اوي خلاني اتغيرت خلاني عملت كل حاجه علشان ارضيه وبرضو شايف اني معملتش حاجه
افتكرت اني بعدت عن ربنا جدا بسببه وافتكرت ان يمكن ده الوقت المناسب اللي ربنا بيقولي ارجعي فيه قومت اتوضيت وفضلت طول الليل اصلي وادعي ربنا وانا عماله اعيط من وجع قلبي ومن خوفي من ربنا
خلصت صلاه وافتكرت اني لما ادم أتقدم مصلتش صلاه الاستخارة لانيً وقتها كنت طفله مش مدركه باي حاجه قومت وصليتها ودعيت الدعاء وفضلت اعيط وادعي لحد ما روحت في النوم
حلمت اني كنت مع ادم في بيت جميل اوي كل حاجه فيه جميله تحس أنو حته كدا من الجنه
بس ادم كان عمال يتخانق معايا ويضربني وانا عماله اعيطله وهو مفيش فايده ونازل فيا ضرب صحيت من النوم مفزوعه ومسكت الفون وفتحت الفيس ولا اول مره من سنتين ونص اكتب وانشر حاجه كتبت
انت البقعة السوداء في بياض صحيفتي
الإثم الكبير الذي قررت أخيرًا التوبة منه
عليك السلام وتحيّة وداع، هذا كل شيء .. وأعوذ بالله من كل فكرةٍ تعود بي إليك ..🥀🖤
وقررت خلاص اني مستحيل اكمل معاه
روحت لبابا لقيته قاعد بيقراء قران اول لما دخلت صدق وقفل المصحف وقالي تعالي ياست البنات 💙
قعدت جمبه وانا عيوني مليانه دموع حكيت ليه كل اللي حصل من ساعه ما ادم خطبني لحد النهارده بابا بصلي بلوم شديد وقالي ايه اللي خلاكي تصبري الفتره دي كلها روحت خضناه ومعيطه قولتلو كنت فكرا انو هيتغير كنت بحبه 💔
