#هسة حبنة ذكريات
بارت 16
بابا دك هورن
دار وجهة
يمة 😱هاذ حسام شيسوي يم بيتنة
نزلنة كلنة اني مريوم بيدي وعيني علي مشتاقتلة بكد مااكو شوك بداخلي محتاجتة كولش
محتاجة اشتكيلة ويسمعني ويكلي منو مأذيج احرك لدنية علة راسة الي يمسج بس حجيلي
هوة تلكانة سلم علة بابا وسﻻم بابا ماباوسة بس سﻻم تباوس ويا وعينة علية
يباوعلي وبعينة نضرة فرح نضرة بريئة اخ ياحسام لوتدري بلي جاي يصير من وراك اخ لو تدري بلمذبحة الي بداخلي
اني امشي علة كيفي ماريد اطب اريد اشوف شراح يصير
دخلنة اني وامي وهمة دخلو ورانة وحسام دخل وياهم
لﻻستقبال ضليت بلمطبخ احوص اريد اعرف حسام شعدة جاي
اجة بابا كلي سوي جاي لكاني مسوية وجاي اصب بي باوعلي مستغرب
نطيتة الة وراح
طبيت لغرفتي فتحت جهازي لكيت 13 مكالمة من حسام اوووف بدة لخوف يدخل لكلبي اكيد صاير شي
ورة نص ساعة طلع حسام اني واكفة بلمطبخ شفتة من الشباك اااخ ياكلبي متغير كلش
شسويت اني بنفسي شسويت بحسام
شلون راح اعوفة معقولة اكدر معقولة ابقة عايشة وميصير بية شي
سﻻم سد لباب ورا وطب علية للمطبخ
والله وكثرو خطاطيبك ياحلو
شنو
حسام جاي يخطبج
يايمة احس كلبي طفر من مكانة من كلي هيج الله يطيح حضي يوم الي دخلتك حياتي
شسويت بنفسي اني شسويت
جنت مرتاحة وقابلة بلؤي وكلشي تمام ليش جبت الهم لنفسي ليش ورطت انسان وياي واني موكدهة
اجة بابا للمطبخ
بس شكلة مزعوج كلش وعاقج حواجبة
هاذة شلزك موطردتة اني ذاك ليوم
سﻻم :ليش هوة جاي قبل هاي المرة
اي
اجة يخطب وحدة
والله يا الله وعندة ثقة بنفسة اني انطي بتي لهيج بشر حتى اليهود احسن من عدهم
سحبت روحي من لمطبخ وطلعت ماتحمل ينجاب طارية بلشين
مثل كلب حسام ﻻعرفت وﻻ راح اعرف
خسرتة وخسرت كلبة الي جان بيتي وراحتي
طبيت لغرفتي اول مادخلت دك لتلفون
باوعت هوة
رديت
الو
الو
ديما شلونج حبيبي
لحمد لله انتى شلونك
موزين ديما كلش موزين
ليش
ابوج طردني ديما وكلي بعد ﻻتدك بابنة ﻻي سبب كان
اي حبيبي ادري كالو هوة وسﻻم
ديما انتي شبيج احجيلي شصاير وﻻتكليبي مشغولة اني موطفل هاذ العذر قنعي روحج بي وبعدين تعاي قنعيني
حسام اني احبك وعمري ماعرفت الحب بس علة ايدك
واني هم والله حبيبي
حسام خليني اكمل فدوة ﻻتقاطعني
من عرفتك واني صار اكو سبب بحياتي اعيش علمودة
صرت اريد اعيش علمودك انتة
اريد باجر يجي ﻻن انتة موجود بي
انتة بلنسبة الي راحة وامان
امان من كل الدنية حتى من نفسي
وكت ماتغيب عني تضيكك الدنية بعيني ويصير الكون بأسرة مايعنيلي كلشي ماحلة بعيني رجال غيرك وﻻ اكو بشر بلدنيا اكدر اقارنك بي
جنت وﻻزلت وراح تبقة سعادتي وراحة بالي واماني واستقرار نفسيتي
مامر علية دقيقة مافكرت بيك رسمت وياك احﻻم تخبل وجنت اتمنة من كل كلبي تتحقق
بس اني بنية وامري موبيدي سﻻم حياتة متوقفة علية اذا ماوافقت علة لؤي راح يخسر سمى وحتة مريم احتمال يخسرهة
يشهد الله الفترة الي فاتت عشت بعذاب بس الله يعلم بي
وين تردين توصلين من هاي المقدمات ديما احجي ﻻتشلعين كلبي اني الله شايفة بعيني من ورة ضيمج حتة الدوام تركتة وبطلت اريد اكعدلج كعدة اريد اعرف شبيج
سكتت اريد انطق مااكدر
موقف تمنيت الموت بي الف مرة
تمنيت الله ماخذ امانتة وﻻ انحط بهاذ الموقف
شلون اكل لحبيبي خل نفترق واني كلشي بداخلي يريدة شلون اعوف السبب لي مخليني اعيش
شلون انهي اول قصة حب بحياتي
وابدي اكتب قصة عذابي بأيدي
حسام احنة ﻻزم
غصيت ختنكت وضاك الهوة بريتي
اوووف الهي ترضاهة هيج يصير بية طول عمري ماشية بطريقك وماسويت الحرام انتة تكول دعوني استجب لكم
واني تعبت بكد مادعيتك واستنجدت بيك
مالي غيرك الهي ارحمني بعد مابية صبر وماريد اعصيك ياربي عونك وياي لو تاخذ هلروح لو تنهي عذابي
حسام وياي علخط واني استنجد بربي ﻻن الموقف الي اني بي اصعب علية من الموت نفسة
