#بارت_الاخير
#هسة حبنة ذكريات
جرني من ورة لؤي حضني
بنيتي صارت عروسة يبعد ابوج شلون راح افاركج
حضنتة وضليت ابجي شكد ماطلت ماردت هاذ اليوم يجي موسهلة اطلع من العز والدﻻل واجي بمكان ماعرف حتة شلون راح اعيش بي شلون راح اعيش وية لؤي واني كلبي مايهوا شلون اعوف روحي عد حسام واجي بﻻية روح
بابا اريد ارجع للبيت
ليش بنيتي موكلنا منا عرسكم يصير
ﻻبابا فدوة اريد ارجع
هاذهو باباتي باجر نروح للبيت وقبل لزفة بيوم نجي لهنا
ﻻبابا اريد انزف من بيتنة
شلون بابا طريق طويل
لؤي:هاذهو عمو يجرالهة تريد تنزف من بيتكم براحتهة الي تريدة يصير
كمت طبيت للغرفة
كعدت لميت مﻻبسي كلهن بلجنط ومﻻبس النيشان الي شتريتهن عفتهن بلغرفة
بليلتهة ضليت ل3 لفجر كاعدة مادري الي سويتة صح لوغلط حسام شراح يسوي لو شاف زفتي تطلع من لبيت ﻻ الي سويتة صح احسن حتة ينساني حتة يصدك انو اني خﻻص صرت مو الة
كعدت لصبح ب6 كمت كعدتهم كلهم
بدلنة وطلعنة للكراج اجرنة سيارة ونطلقنة للبيت
وصلنة لضهر من نزلت من لسيارة حسام جان واكف باب بيتهم اول مانزلت دكت علية فطم
نطيتهة رفض ودخلت لغرفتي دكيت عليهة
هلو فطم شلونج
هلة يروحي شلونج
موزينة
شبيج
لخميس عرسي فاطمة
صدوك
وربج
يااااا شلون بحسام كليلي ولج هاذ مخبل حلف يكول اكتلهة واكتل روحي بيوم عرسهم
سدي سدي
سديتة منهة ورحت ركض لبابا
بابا اريد نرجع لبيت عمو
ليش
مناك اريد انزف
انتي تلعبين علية ساعة رجعني للبيت ساعة وديني لبيت عمو بابا شبيج هﻻيام اشو وضعج ماعاجبني
مابية شي
روحي بنيتي توضي وصلي صﻻة ركعتين ﻻم لبنين خل بالج يهدء هاي من رهبة الزواج هيج صايرة متعرفين تاخذين قرار
طبيت للغرفة اتﻻطم شلون يربي حسام مخبل يسويهة
رحت لماما حاجيتهة كلت بلكي تقنع بابا
هدور زادت الطين بلة ستلمتني رزايل وتكلي احنة جهال كدامج بلله اذا رجعنة لبيت عمج شنكللهم ديما صايرة مزاجية واحنة نمشي بمزاجهة
عدة اول يوم حسام ﻻاتصل وﻻحاول يوصللي اني للصبح مانايمة
خابرت فاطمة اكثر من مرة وكتلهة تحاجي يومية ردتهة تجس نبضة كلما تدك علي يطلع مغلق
عدة ليوم الثاني وحسام نفس الشي ﻻحس وﻻخبر وﻻحتة لمحتة بباب بيتهم وهم مانمت وﻻغمضت عيني دقيقة ﻻبلنهار وﻻبليل
اني خايفة كلش احس هاذة الهدوء
هدوء ماقبل العاصفة احس اكو شي ورة هدوء حسام كلبي مامطمئن ابد
ليلة الخميس باجر يوم بداية عذابي ومعاناتي
باجر اليوم الي راح تطلع روحي بي وابقة عايشة بس بلجسد
ماما وسمى فرحانات وماخلن واحد بلعشيرة ماعزمنة ولجوارين كلهة عزمتهة سمى
حنة ماسويت بس البس لبدلة لبيضة بيوم العرس والزفة تجي الساعة بل4 لعصر ﻻن طريقنة طويل
صارلي 3 ايام مادخلت لكمة لحلكي ماما وبابا وكعت وذرة من لسانهم بكد ماتوسلو بية حتة اكل
ونوم مانايمة نهائيا للصبح افتر بلغرفة واكل باضافيري مااكدر اوصف الي احسة خوف علة رهبة وحزن علة وجع بس وجع من نوع خاص نفس الوجع الي يحسة الميت لحضة خروج روحة من جسمة هيج الوجع الي احسة ويجوز اكثر مااكدر اوصغة بس اي واحد يسمع رجفة صوتي وخنكتي من احجي يحس بية شي
بليل لساعة ب3 دك تلفوني رقم غريب
باوعت علرقم حسيت احساس غريب مااكدر اوصفة
كأنه سجينة ونبتت بصدري غصة ببلعومي حشر الهوة بريتي اريد اتنفس موكادرة حرارة تطلع من اذاناتي
متت الف موتة لحد ماشلت التلفون
الو
ماكو رد
ضليت ساكتة يمكن خمس دقايق ومحد رد
حسام هاذ انتة
ههههه تكلي حسام اوووف ليش هوة شبقة بي
ﻻكلب ﻻروح ﻻعافية ﻻراحة بال جردتيني من كلشي وتردين تمشين وتاخذيهن وياج
اوووووف اخذيهن ديما كلهن بس رديلي عافيتي عليج كفيل زينب والله لنفس كوة اجرة صارلي يومين بلمستشفى ليوم يلله طلعت
مارايد منج غير شي واحد علميني شلون انسة علميني النسيان ابوس ايدج علميني شلون امحي كلشي من ذاكرتي وانساج ولج شلون نسيتي بس كليلي ولج شنو كلب عدج لوشنو بس فهميني
