#بارت21
باوعت 😱
سيارة عمو صايرة سكراب
مباقي بيهة ﻻدعامية ﻻجام البيبان اﻻماميات واكعات بلكاع ثنينهن
ركضت عليهم كلتلهم الحكو
عمو اشرلي بأن احجي علكيف ميريد لؤي يسمع
طلعو شافوهة عمو طب يدك علة راسة
طلع حتة ماطور لؤي هم مفلشي بس صاير ور لسيارة فماشفتة
بابا كعد يهدء بي ويحجي ويا
طب سﻻم بيدة ورقة ﻻكيهة محطوطة علدشبول نطاهة الي وطب للغرفة يم لؤي
قريت الورقة مكتوب :-
شوف عنادك وين راح يوصلك موكتلك عوفهة هاي موالك ﻻتحاول تلعب وياي ترة انتة موكدي
قريت الورقة بصوت عالي وبابا وعمو سمعو حجيي كلولي طبي علة لؤي افتهمي منة شنو هاذ الحجي اكيد يعرف منو صاحب الرسالة
دكيت باب لغرفة سﻻم من شافني طلع برة
كعدت يم لؤي كتلة :-
لؤي اني وياك من اﻻول اتفقنة زواجنة شكلي وماكو شي يربطنة غير الورقة صح لوﻻء
صح
وكتلك تريد تحب تزوج تطلع تطب براحتك ﻻراح احاسبك وﻻ راح اكلك علة عينك حاجب صح لوﻻ
هم صح
تكدر تكلي هاي شنو
نطيتة لورقة قراهة وضل صافن بيهة ومدنك راسة
اوووووف شحجي وشكول
اكللهة هاي انتي المقصودة من هاي الرسالة
اكللهة هاي انتي الي اكلت كل هاذ الكتل علمودج وبعدني متمسك بيج
اكللهة سنين صارلي احبج ودافن حبج بكلبي
من يوم الي بابا كلي راح اخطبلك ديما وهية دخلت عقلي وكلبي وماكدرت امنع نفسي من التفكير بيهة حلوة ورقيقة وفكاهية ودمهة عسل واي واحد بمكاني راح يحبهة بس ماكدرت اخليهة تحبني شكد حاولت بس اني طبيعتي هيج ماكدر اغير من نفسي
هواي ردت اعترفلهة
بس كبريائي اوووف
كبريائي هوة الي منعني غروري بس لو اكدر اتخلص منة جان هسة اني بخير
من اني طفل دﻻل امي وابوي خﻻني اصير مغرور وشخصيتي ازدواجية هواي الزم لتلفون واحط ايدي علة رقمهى واريد اعترفلهة بس شي بداخلي يمنعني امثل انه اني اكره جنس حواء
علمود اقنعهة انو اني موبحالهة
بس بداخلي اتمنة تلتفتلي اتمنة تهتم بية اتمنة اسمع منهة كلمة حبيبي
عشت ليالي ابجي عليهة
ومن عرفت تحب غيري
شفت لموت بيوم سمعتهة تحجي ويا وهية علة ذمتي بدي اذبحهة بذيج الحضة بس ماكدر المسهة وﻻاكدر اذيهة كلبي يرجف كدامهة
كلولهة كلبي السبع 💪
يرجف رجف يم صوتهة 😔
لبارحة كعدت بليل لكيتهة نايمة يم جربايتي
احس الكون نايم بصفي احس الدنيا موواسعتني من الفرحة فتحت سحاب التراك مالتهة اباوع علة ركبتهة مراية موركبة
عطشان لحضنهة ميت
ولكيت كدامي نهر
بستهة من شفايفهة ضكت العسل الي عشت ايام احلم بي نزلت علة ركبتهة زرعت بوسة خفيغة بس بداخلي نتهيت بدي اكلهة بكد مامتلهف عليهة
بس كتفيت ببوسة رقيقة ﻻن خاف تحس علية
فزت وسويت روحي نايم
طلعت برة اباوع علة طولهة غزال ويترنح
كوة الزم نفسي من اشوفهة حﻻلي بس محروم منهة
تعاملني بجفاء واني ماكدر ماردلهة هاذ الشي
ماكدر اهتم بيهة واعاملهة بعكس معاملتهة الي
ﻻن راح تنغر علية وعبالهى ذاب روحي عليهة
من تكلي مايربطنة شي
احس سجين ويدخل بكلبي
كلشي يربطني بيهة اصﻻ روحي معلكة بيهة بس موحاسة بية وﻻعمرهة راح تحس وكلة صوجي اني الي خليتهة تاخذ عني هاي النضرة وبعد ماكدر اغيرهة صعب
احجي لؤي شنو هاي
مالج شغللللل
جر الورقة شككهة وعاط علية
ادري بيك عدك وحدة وتحبهة
صالحي لؤي
بابا الله يخليك ﻻتدخل بيناتنة اني ماريد اصالحة
ضربني راشدي
بابا اول مرة بحياتة يضربني من نخلقت لليوم ماماد ايدة علية
اجة يريد يضربي بعد
دنكت وخليت راسي بين رجلية
حسيت احد صار كدامي ولزم بابا
لؤي وخر
ﻻعمو انتة وخر هاي زوجتي وماقبل احد يمد ايدة عليهة
اذا غلطت بحقي فأني الي احاسبهة مو انتة
ندار علية كومني اني ابجي ﻻن مصدومة من بابا
حاوطني بين ادي وكومني لﻻستقبال
كعدت بلكاع فشﻻنة من عدة
كومي كعدي هنا علكرويت يمي
كمت كعدت بصفة
ديما ليش هيج تسوين
شنو
اكرهج من تسوين روحجي غبية
دنكت راسي ومارديت
ماطلبت منج شي وكلشي ردتي كتلج ماشي
ردتي زواجنة يكون بس علورق كتلج ماشي مع العلم ماكو رجال يرضة بهاذ الشي
ماردت منج غير شوية احترام الي سويتي اليوم زغرج بعيني حييل واثبتلي انج موجديرة بأحترامي جان ﻻزم من زمان اعاملج نفس معاملتج الي
صفن بوجهي ودنك
باوعتلة يبجي
كام يضرب علة صدرة خفت من عدة
بس هاذ كلبي
كلبي يمنعني ماكدر اقسة عليج ماكدر اعاملج بجفاء
حط ادي علة عيونة وكام يشهك ويبجي حييل
الموقف هز بدني كولش
لؤي بعنفوانة وغرورة يبجي شي نادر الحدوث ماانكر نقهرت علي حييل
مديت ايدي وخرت ادي عن وجهة كتلة ﻻتبجي لؤي اني ماستحق تبجي علمودي
باوعلي كلي الحب ماينطلب انتي ماتحبيني هية كوة
انتة ليش تحبني
ليش احبج اني الي ﻻزم اسألج هاذ السؤال
انتي كليلي ليش احبج ﻻن عشت سنين اسأل روحي هاذ السؤال ومامرة لكليتلة اجابة
صفنت بوجهة
كومي ديما كومي
اني كلي غلط بغلط بقة علة حبج
كمت من يمة طلعت رحت يم سﻻم
كتلة سﻻم اريد ارجع
ليش
جهازي وشتريتة اليوم بعد شنو ضلتي
ماشي خل اكل لبابا اني هم مليت اريد ارجع ومناك شغلي
طلعت لكيت لؤي بلصالة كلي تعاي
طببني لﻻستقبال عمو وبابا جانو كاعدين
كللهم من رخصتكم عدي شغلة
كلولة تفضل
اني اريد اقدم العرس
ديما شنو ليش تقدمة
الخميس الجاي عرسنة ولحد يناقشني
ياااا لؤي تخبلت اليوم ثنين شنلحك للخميس
ماعدج شي ديما اي شي تردي هسة نروح نسوي
اجت سمى وراي هلهلت
نداريت عليهة خزرتهة
صاحت سﻻم تكلة امشي خل نروح نشتري مﻻبس مابقة شي
ديما :بابا اريد ارجع للبيت
ﻻوين ترجعين عرسج بعدلة 3 ايام منا تنزفون احسنلكم
بابا اريد ارجع للبيت وهسة
كام علية
لؤي رأسن صار كدامي
جرني من ورة لؤي
