بارت 20
#هسة حبنة ذكريات
طلعو بابا وسﻻم وعمو
دخلو وبيدهم لؤي
😱
بس مولؤي فلم رعب وجهة عبارة عن دم اني عرفتة من مﻻبسة
عمو ركض طلع السويج اني جبت مي ذبيت علي ماكو ماصحة
شالة سﻻم ديصعدة بلسيارة ﻻن مغمة علي
وية ماشالة وكع تلفونة من جيبة
راحو وضلن عمتي وماما وسمى يلطمن كلبنهة فاتحة نقهرت حييل من شفتة خطية وجهة مشكك والدم يكت من كل مكان
رحت للكيكة لكيتهة محتركة طلعتهة وجبت مريوم يمي ﻻن خترعت من صياحهن
كاعدة اوكل بيهة دك تلفون لؤي
فتحتة مسج من رقم غريب مكتوب :- اذا تريد روحك عوفهة ترة اندمك عليوم الي نخلقت بي
ضليت صافنة بلرسالة حسبة توديني وحسبة تجيبني لؤي صاحب مشاكل وهواي يتعارك يجوز مسويلة سالفة مثل كل مرة
نومت مريم وسمى كلسا تدك علة سﻻم يكللهة بعدة ممطلعينة جسمة كلة متأذي ديضمدو
طبيت حطيت مريم بفراشهة وطلعت رحت لغرفة لؤي الي هية مستقري
فتحت كنتورة ابحوش بي
لكيت بوكس بي دفاتر زغار وصور فتحت دفتر بي مذكراتة
قريت هواي حجي مافهمت خطة وصلت لصفحة بيهة حجي لفت انتباهي مكتوب :-
رحنالهم وطلعتلنة ﻻبسة سمائي شتهيت بذيج الحضة احضنهة كدام لكل بس كبريائي وشخصيتي اﻻزدواجية منعتني شكد اتمنة اعترفلهة واخلص من هاذ الهم بس احس نفسي راح اصير ضعيف اذا عترفتلهة وراح تستزغرني وتكوم تتعالى علية خليني بهاذ الهم وﻻ اخلي وحدة من جنس حواء تنغر بروحهة علية ماريد احسسهة انو هية فدشي جبير بلنسبة الي
تكملة الحجي مافهمتة خطة كوولش مسماري وغريب كوة ينفهم
يعني اكو وحدة بحياتة جنت شاكة بهاذ الشي بس كرهة للبنات خﻻني استبعد هاذ اﻻحتمال يجوز هية السبب بلي صارلة كمت اربط شي بشي وستنتجت انو احد من اهل البنية هوة الي سوة بي هيج
فتحت دفتر ثاني اول مافتحتة دك تلفوني
حسام
الو
الو ديما حبيبي شلونج
حسام فدوة اروحلك بعد ﻻتدك علية الله يخليك عﻻقتنة صارت من الماضي اني بعدني احبك بس مومعناهة اسوي شي حرام الله يخليك بعد لتتصل هاذ الشي بعد مو من حقك
مومن حقي ديما انتي هيج تحجين
ولج انتي بنية كلبي
كلبي كبر وربة ولج انتي وردايتي الي سكيتهة بدموعي وتكليلي مومن حقك الله واكبر عليج لعد من اشتاقلج شسوي كليلي حتة صورة الج ماعدي وتردين تحرميني من صوتج ولج شتاقيتلج وين اطي وجهي كليلي شسوي

سديتة منهة وكعدت ابجي عساهة بحضة وبختة الي حرمني منهة بنيت وياهة احلة احﻻم عمري ماتمنيت شي بكد ماتمنيت تصير مرتي تعبان بفراكهة كلش تعبان وجوابهة اذاني بلزايد هية عادي عدهة حياتهة مستمرة ومابيهة كلشي بس اني حياتي توقفت موكادر استمر صعبة اكمل حياتي بدون روح صعبة اعيش طييعي وداخلي حطام موكادر اعوفهة وانسة كلشي اني مومثلهة هية كدرت تستمر وتكمل وسهلة عدهة تكلي ﻻتخابرني عﻻقتنة صارت ماضي
واني عايش علة هاذ الماضي كل يوم اطلع رسائلهة واكعد اقراهن اطلع مخابراتنة عندي برنامج يسجل لصوت اطلع صوتهة من تبجي وتتوسل بية تكلي ﻻتلتحق موكادر اصدك هاي نفسهة ديما حبيبتي الي جانت تبجي علة صوتي هسة تكلي ﻻتخابرني اووووف
