#بارت18
#هسة حبنة ذكريات
ضليت ساكتة ﻻن الي فهمتة من حجية انو هوة سمعني واني احجي بلتلفون
لتخليني اندم ﻻن نطيتج مجال هاذ الشي اذا تكرر قسما بلله المبايل بعد متشوفينة
طلع وعافني
ماجاوبت وﻻ كلمة ﻻن ماعرف اجذب واصﻻ ماكو داعي اجذب وهوة سمع كلشي
غلقت تلفوني وتمددت الساعة بل4 الفجر واني لساني منايمة حطيت راسي علمخدة غفيت ﻻن تعب الطريق بعدة بجسمي
بل7 كعدتني سمى
يلله يعروسة كومي
سما ﻻتنرفزيني
شبيج.حبي اني شكلت
هاي الكلمة ماريد اسمعهة
ماشي علة راحتج
بعدهة تحاجيني طبت امي تهلهل
يوووو ماما شدتسوين اسكتي اسكتي عليمن تهلهلين علة طيحان حضي
سدي حلكج.ليسمعوج العالم
خل يسمعون
طلعت من الغرفة احس حرارة تطلع من اذاناتي واحس نفسي مامتوازنة جسمي مامسيطرة علي طلعت عصير شربتة احنة فاطرين ﻻن سافرنة طريق طويل
درت وجهي لكيت لؤي دايدخل
صباح لخير
مارد علية مدري ماسمعني مدري زعﻻن من لبارحة عفتة وطلعت
رحت غسلت وتوضيت صليت كملت عمتي جابت الريوك للغرفة سﻻم وبابا بعدهم مكاعدين كالت من يكعدوم نسويلهم وحدهم
كعدو سمى وماما ومريوم وعمتي هم ﻻن مريضة متكدر تصوم
تعاي تريكي ديما
عوفيني سمى ماشتهي
ولج باعي وجهج اصفر كومي تريكي ﻻتوكعين كلشي مماكلة
سمى عوو..
بعدني احجي سمعنة صوت هﻻهل قوي من برة
دقايق وطبن كرايب لؤي عماتة ونسوان عمامة
اهووووو
عفتهم وطلعت همة ميعرفوني
رحت بغرفة لؤي دفعت لباب لكليتة دايبدل نازع فالينتة ضليت فشﻻنة كتلة لعفو وطلعت
مرت عمي كلتلي اخذي راحتج بلغرفة لؤي راح يبقة بلصالة واني ضليت اطب واطلع براحتي ماعبالي الكا بيهة
اجتني سمى كلتلي تعاي بدلي راح يجون كرايبنة
سمى ليش تخليني اطلع من طوري اني شنو كتلكم موكلت ماريد عالم تجي وحفلة ماكو وهاي الدشداشة ماانزعهة خوش
فدوة ديما كومي هاذ اول فرحتنة وابوي يريد يحتفل بي خلي يحتفل بي اني شكو اني ﻻريد احتفل وﻻ اريد اشوف عالم
لخاطري ديما
كافي سمى كافي
كل هاذ سويتة لخاطرج ولخاطر سﻻم اكثر من هيج مااكدر انتي تطلبين مني هاذ الشي والله اضحك من تحجين تدرين بية نار بداخلي وتكليلي حفلة تدرين كلبي ينزف علة حسام وتكليلي بدلي ولبسي ولج سمى اني بشر مو الي ماكدر امثل مثلج تدرين بية اني مجاملة ماعرف اجامل ﻻتضغطين علية
عافتني وطلعت فتحت تلفوني وكعدت اباوع علة رسائل حسام صعبة لمن تختار بشر وانتة روحك وية بشر ثاني صعبة كلش لمن تقرر تعيش بس بجسد وتعوف روحك يم حبيبك وتاخذ وياك بس ذكرياتة صعبة لمن تتحول اول واحلة قصة حب بحياتك الى مجرد ذكرة حلوة تحجي بيهة من تكعد لحالك

كمت لبست جبتي الي اجيت بيهة نفسهة ونفس شالي اجة عمي كال اذا كملتو صعدو بلسيارة طلعنة اني وماما وسمى وعمت لؤي وعمو ولؤي صعدنة بسيارة عمو كلنة ﻻن جبيرة تشيل 7 نفرات
وصلنة للمكان الي يعقدولنة بي نزلنة طبينة غرفة زغيرة الشيخ كاعد بدة يلقنة كلمات ونعيدهن ورا
دك تلفوني لزمتة حسام
شكد سامعة انه شخص يكول احس روحي طلعت مني
بس اول مرة اجرب هاذ الشعور كأنه روحي جاي تنسحب من جسمي علبطيئ
